Advertisement

ސްޓެލްކޯގެ މައި ކޮންޓްރޯލް ރޫމް -- ފޮޓޯ: ނޫން.އެމްވީ

03 Jun 2024
ޚަބަރު
ޢަލީ ސުލައިމާން

ކަރަންޓް ބިލްތަކާއި ގުޅޭ ޝަކުވާއަށް ހުޅުވާލުމުން ފުރަތަަމަ 24 ގަޑިއިރުގެ ތެރޭގައި 6000 ވުރެ ގިނަ ޝަކުވާ ހުށައަަޅައިފި

މެއި މަހުގެ ކަރަންޓް ބިލްތައް ބޮޑުވެ އާއްމުންގެ ޝަކުވާތައް އިތުރުވުމާއި ގުޅިގެން، ދިމާވެފައިވާ މައްސަލައަކީ ކޮބައިކަން ދެނެގަތުމަށް ޝަކުވާ ހުށައެޅުމަށް ސްޓެލްކޯއިން ހުޅުވާލި ފުރަތަމަ 24 ގަޑިއިރުގެ ތެރޭގައި 6000 ވުރެ ގިނަ ޝަކުވާ ހުށައަޅާފައިވާ ކަމުގައި ސްޓެލްކޯއިން ވިދާޅުވެއްޖެއެވެ.

ސްޓްލްކޯއިން ވިދާޅުވީ، ހޯމަ ދުވަހުގެ މެންދުރާއި ހަމައަށް ފޯނުން 659 ޝަކުވާއެއް ހުށައަޅާފައިވާ ކަމަށާއި، އެކުންފުނީގެ ސޯޝަލް މީޑިއާ ޗެނަލްތައް މެދުވެރިކޮށް، 6135 ޝަކުވާ ހުށައަޅާފައިވާ ކަމަށެވެ. އަދި ހުރިހާ ޝަކުވާތަކަކަށްވެސް 24 ގަޑިއިރުގެ ތެރޭގައި ޖަވާބު ދިނުމަށް މަސައްކަތް ކުރަމުންދާ ކަމުގައިވެސް ސްޓެލްކޯއިން ވިދާޅުވިއެވެ.

އެކުންފުނިން ވިދާޅުވީ، ކަސްޓަމަރުން ހުށައަޅާ ޝަކުވާތަކަށް ބަަލައި، އިތުރަށް ބަލަންޖެހޭ ކަމެއް އޮތް ނަމަ ބަލައި އެކަމެއް ރަނގަޅު ކުރަމުން ގެންދާނެ ކަމަށެވެ.

ހުސްވި މާރިޗުމަހާއި އޭޕްރީލް މަހުގައިވެސް އާއްމު ގޭބިސީތަކުގެ ކަރަންޓްބިލްތައް ބޮޑުވެ އެކަމުގެ ޝަކުވާތައް ރައްޔިތުން ކުރިއެވެ. އަދި އެދެ މަސްދުވަހުގެ ކަރަންޓް ބިލަށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅާއި އެއްގޮތަށް ސްޓްލެކޯއިން ވަނީ ޑިސްކައުންޓްދީ ރައްޔިތުންނަށް ވަރަށް ބޮޑަށް ލުއިކޮށްދީފައެވެ.

މެއި މަހުގެ ކަރަންޓް ބިލް ގޭބިސީތަކަށް ބޮޑުވެފައި ވަނީ، ކުރީ ދެމަހު ދިންފަދަ ޑިސްކައުންޓެން މިމަހު ދީފައި ނެތުމާއި، ކަރަންޓް ބޭނުން ކުރެވޭ މިންވަރުގެ އަދަދު އިތުރުވެފައި ވުމުގެ ސަބަބުންނެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.