ރައްޔިތުންގެ މަޖިލީހުގެ ދާއިމީ ކޮމިޓީތަކުގެ ތެރެއިން، ސަރުކާރު މަސްއޫލިއްޔަތު އަދާކުރާ މިންވަރު ބަލާ ކޮމިޓީގެ މުޤައްރިރާއި ނައިބު މުޤައްރިރުންގެ ގޮތުގައި ސަރުކާރު ހިންގާޕާޓީގެ ދެ މެމްބަރުން ހޮވައިފިއެވެ. 

އެކޮމިޓީގެ މުޤައްރިރަކަށް ހޮވާފައި ވަނީ، ސަރުކާރު ހިންގާ ޕާޓީ ޕީއެންސީގެ މެމްބަރު، ރައްޔިތުންގެ މަޖިލީހުގެ ވިލިމާލެ ދާއިރާގެ މެމްބަރު، މުޙައްމަދު އިސްމާޢީލެވެ. ނައިބު މުޤައްރިރަކަށް ހޮވާފައި ވަނީ، ސަރުކާރު ހިންގާ ޕާޓީ ޕީއެންސީގެ މެމްބަރު، ރައްޔިތުންގެ މަޖިލީހުގެ ފެލިދޫ ދާއިރާގެ މެމްބަރު އާދަމް ޒާހިރެވެ.

ސަރުކާރު މަސްއޫލިއްޔަތު އަދާކުރާ މިންވަރު ބަލާ ކޮމިޓީގައި ހިމެނެނީ، ޕީއެންސީގެ 8 މެމްބަރުންނާއި، އެމްޑީޕީގެ ދެ މެމްބަރުންނާއި އެމްޑީއޭގެ މެމްބަރެކެވެ. މިކޮމިޓީގެ މެޖޯރިޓީވެސް އޮތީ ސަރުކާރު ހިންގާޕާޓީ ޕީއެންސީއަށެވެ.

ރައްޔިތުންގެ މަޖިލީހުގެ ދާއިމީ ކޮމިޓީ އެކުލެވިގެންވާ ގޮތް:

މުޤައްރިރު: މުޙައްމަދު އިސްމާޢީލް (ޕީ.އެން.ސީ)

ނައިބު މުޤައްރިރު: އާދަމް ޒާހިރު (ޕީ.އެން.ސީ)

ކޮމިޓީގެ މެމްބަރުން:

ޢަލީ އިބްރާހީމް (ޕީ.އެން.ސީ)

މުސްޠަފާ ޙުސައިން (ޕީ.އެން.ސީ)

އަޙްމަދު ނަޞީރު (ޕީ.އެން.ސީ)

ޢަބްދުއްލަޠީފް މުޙައްމަދު (ޕީ.އެން.ސީ)

ޢަލީ ފަޒާދު (ޕީ.އެން.ސީ)

މުޙައްމަދު ފަޟީލް (ޕީ.އެން.ސީ)

މީކާއީލް އަޙްމަދު ނަސީމް (އެމް.ޑީ.ޕީ)

ޑރ އަޙްމަދު ޝަމްހީދު (އެމް.ޑީ.ޕީ)

އަޙްމަދު ސިޔާމް (އެމް.ޑީ.އޭ)

ރައްޔިތުންގެ މަޖިލީހުގެ ދާއިމީ ކޮމިޓީތަކުގެ ތެރެއިން، ސަރުކާރު މަސްއޫލިއްޔަތު އަދާކުރާ މިންވަރު ބަލާ ކޮމިޓީގެ ފުރަތަމަ ބައްދަލުވުން މިއަދު ވަނީ ބާއްވާފައެވެ.