ޗައިނާ ވައިޓްގެ ނަމުގައި އުފައްދައި މާކެޓް ކުރަމުންދާ މަސްތުވާތަކެތީގެ ނުރައްކާތެރި ބާވަތެއް ރާއްޖޭގައި ދައުރުވަމުން އަންނަކަން ކަމާއި ބެހޭ ފަރާތްތަކުގެ ސަމާލުކަމަށް އަތުވެއްޖެއެވެ.

މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީން ނެރުނު ބަޔާނެއްގައި ބުނެފައި ވަނީ، މަސްތުވާތަކެތީގެ ނުރައްކާތެރި ބާވަތެއް ކަމުގައިވާ، "ފެންޓަނީލް-ލޭސްޑް ޑްރަގްސް" އާއްމު ނަމުންނަމަ، "ޗައިނާ ވައިޓް" ބައިނަލްއަޤުވާމީ މާކެޓުގައި އުފައްދައި ދައުރުކުރަމުން އަންނަ މިންވަރު އިތުރުވެފައިވާ ކަމަށެވެ. އަދި އެއީ ބާރުގަދަ ކެމިކަލްތަކެއްތަކެއް އެއްކޮށްގެން އުފައްދާ އެއްޗަކަށްވާއިރު، އޭގެ ސަބަބުން ފުރާނައަށް ނުރައްކާވެގެންދާކަމުގައި ވެސް މިނިސްޓްރީގެ ބަޔާނުގައި ބުނެފައިވެއެވެ. 

މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީން ވަނީ، އެކަމާއި ގުޅިގެން އެމިނިސްޓްރީ އާއި ނޭޝަނަލް ޑްރަގް އޭޖެންސީ އާއި ކަމާއި ގުޅޭ ފަރާތްތަކުން ގުޅިގެން އަޅަންޖެހޭ ފިޔަވަޅުތައް އަޅައި އެކަމާއި ގުޅިގެން ކުރަންޖެހޭ މަސައްކަތްތައް ކުރަމުންދާކަމުގައި ވިދާޅުވެފައެވެ.