ފާލަމެއްގައި ކިރިޔާ ޖެހޭ ނުޖެހޭ ހިސާބުން ތިރިން ޓްރާންސް މޯލްޑިވިއަން އެއާވޭސްގެ ސީޕްލޭންއެއް ލޭންޑް ކުރި މަންޒަރު ފެންނަ ވީޑިއޯއެއް ސޯޝަލް މީޑިއާގައި ދައުރުވާން ފަށައިފިއެވެ.

ވީޑިއޯ ސޯޝަލް މީޑިއާގައި ޕޯސްޓްކުރި، ޖުމާން ނަމަކަށް ކިޔާ ޒުވާނަކު، އޭނާގެ ފޭސްބުކް އެކައުންޓްގައި ލިޔެފައިވާ ގޮތުގައި، އެވީޑިއޯއަކީ، އިއްޔަ އިރުފުށި ރިސޯޓު ގައި ވައިބާރުވުމުގެ ސަބަބުން ވަރަށް ތިރިން ސީޕްލޭން ޖައްސާ މަންޒަރުފެންނަ ވީޑިއޯއެކެވެ. އަދި އެ ވީޑިޔޯ ނަގާފަ ވަނީ އެ ރިސޯޓު ގެ މުވައްޒިފެއް ކަމަށާއި މުވައްޒިފު ބުނާ ގޮތުގާ ވަރަށް ގިނަ ރިސޯޓު ތަކުގައި އެގޮތަށް ލޭންޑް ކުރާ މައްސަަލަ ބޮޑު ކަމަށެވެ. އަދި އޭނާގެ ޕޯސްޓްގައި ވަނީ ޓްރާންސް މޯލްޑިވިއަން އެއާވޭސް އާއި ޓްރޯންސްޕޯޓް މިނިސްޓްރީވެސް ޓެގް ކޮށްފައެވެ.

ވީޑިއޯއިން ފެންނަ ގޮތުގައި ފްލައިޓް ލޭންޑް ކުރަން ދިޔައިރު، ވޯޓާ ވިލާތަކާއި ރަށާއި ގުޅާލުމަށް އަޅާފައިވާ ފާލަމުގައި ނުޖެހި ހުރީ ހަމަ ދެތިން އިންޗިހާ ކުޑަ ޖާގައެކެވެ. 

މިހާދިސާ އާއި ގުޅިގެން ކަމާއި ބެހޭ ފަރާތްތަކުން އަދި އެއްވެސް އެއްޗެއް ބުނެފައެއް ނުވެއެވެ.

ސޯޝަލް މީޑިއާގައި ދައުރުވާ ވީޑިއޯ

https://fb.watch/sf26clk7EU