Advertisement
ސަރުކާރުގެ މައި ހޮސްޕިޓަލް އައިޖީއެމްއެޗްގެ ނަރުހުން ---
ނަރުހުންނަކީ ފަސްޖެހުމެއްނެތި މަސްއޫލިއްޔަތު އަދާކުރުމުގައި ދެމި ތިބޭ ބައެއް: ހެލްތު މިނިސްޓަރ
ނަރުހުންނަކީ ކެއްތެރިކަމާއި ހިތްވަރާއެކު ރައްޔިތުންނަށް ދިމާވާ ކޮންމެ ޙާލަތެއްގައިވެސް، އެއްވެސް ފަސްޖެހުމެއްނެތި މަސްއޫލިއްޔަތު އަދާކުރުމުގައި ދެމި ތިބޭ ބައެއް ކަމުގައި މިނިސްޓަރ އޮފް ހެލްތު ޑރ. ޢަބުދުﷲ ޚަލީލި ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، މިއަދު ފާހަގަކުރާ ދުނިޔޭގެ ނަރުހުގެން ދުވަހުގެ މުނާޞަބަތުގައި ފޮނުއްވެވި ތަޙްނިޔާގެ މެސެޖުގައެވެ.
މިނިސްޓަރ ގެ މެސެޖުގައި އިތުރަށް ވިދާޅުވީ، މިއަދު ފާހަގަކުރާ ދުނިޔޭގެ ނަރުހުންގެ ދުވަހާއި ގުޅިގެން، ނަރުހުންގެ ގޮތުގައި ދެމި ތިއްބެވި، އެންމެހާ ދިވެހި ނަރުހުންނަށް ބައިބަލްއަގްވާމީ ނަރުހުންގެ ދުވަހުގެ ތަހުނިޔާ ފޮނުއްވާ ކަމަށެވެ. މީގެ އިތުރުން، އިންސާނިއްޔަތަށް ޚިދުމަތް ކުރުމުގައި ޣައްޒާގައި ސިއްޙީ ޚިދުމަތުގައި މަސައްކަތްކުރަމުންދާ އެންމެހާ ނަރުހުންނަށް ކެތްތެރިކަމާއި ސާބިތުކަން ދެއްވުމަށް އެދި އެމަނިކުފާޏު ދުޢާކުރައްވާފައި ވެއެވެ.
ބައިނަލްއަޤުވާމީ ނަރުހުންގެ ދުވަހުގެ ގޮތުގަިއ ފާހަގަކުރަމުންދަނީ ކޮންމެ އަހަރެއްގެވެސް މެއި މަހުގެ 10 ވަނަ ދުވަހެވެ.
