ސްޓެލްކޯއިން ހާމަކުރައްވާފައިވާ ގޮތުގައި މިފަހުމް ނާމާގެ ދަށުން، ސްޓެލްކޯގެ މަސައްކަތްތައް ހިންގުމަށް މިހާރު ރާވާފައިވާ ނިޒާމުތަކުގައި ހުރި ނިޒާމީ ހިރާސްތައް ދެނެގަތުމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީން އެހީތެރިކަން ފޯރުކޮށްދޭނެ ކަމަށެވެ. އަދި ސްޓެލްކޯގައި މިހާރު އެކުލަވާލާފައިވާ ކްރައިސިސް މެނޭޖްމަންޓްގެ އޮނިގަނޑުތައް ދިރާސާކޮށް، ތަޖުރިބާކާރުންގެ އެހީތެރިކަމާއެކު ކުންފުނީގެ ކްރައިސިސް މެނޭޖްމަންޓާއި، ކުއްލި ޙާލަތު އިޖާބައިގެ ޤާބިލްކަމުގެ އޮނިގަނޑު އަދި (ކްރައިސިސްގެ ވަގުތުގައި) ޚިދުމަތް ކުރިއަށްގެންދިއުމުގެ އެނަލިސިސް އެއް ހަދައި ރަނގަޅު ކުރެވެން ހުރި ކަންކަން ދެނެގަނެވޭނެ ކަމުގައި އެކުންފުނިން ހާމަކުރައްވާފައިވެއެވެ.

އެމްއެންޑީއެފުން ހާމަކުރައްވާފައިވާ މައުލޫމާތުން އެނގޭ ގޮތުގައި ގުދަނުގައި ރޯވި އަލިފާން ނިވާލެވުނީ، އަލިފާނުގެ ހާދިސާ އެމްއެންޑީފްގެ ފަޔަރ އެންޑް ރެސްކިއު ސަރވިސަސްއަށް ރިޕޯޓްކުރިތާ 2 ގަޑިއިރާއި 28 މިނިޓް ފަހުންނެވެ. އަލިފާން ނިވާލެވުނު އިރު، ފަސް ތަނެއް މުޅިން އަނދައިގެން ގޮސް މާލީ ގޮތުން ވިޔަފާރިތަކަށް އެތައް މިލިޔަން ރުފިޔާއެއްގެ ގެއްލުން ވަނީ ލިބިފައެވެ.

އެނގިފައިވާ ގޮތުގައި ހުއްދަ ނުނަގައި އަދި ޤަވާއިދާއި ޚިލާފަށް، ސާފުތާހިރުކަން ކުޑަ ބަދިގެއެއް ހިންގި، ޢަރަފާތު ބުޅާމަހުން ކާބޯތަކެތި ހަދައިގެން ވިއްކިކަމަށް ކުރެވުނު ތުހުމަތުތަކާއި ގުޅިގެން އޭނާ ބޭނުން ކުރި ބަދިގެއާއި ތަކެތި ބަލައި ސާމްޕަލް ނަގައިގެން ވަނީ ތަޙްލީލުތައް ކޮށްފައެވެ. އަދި އެތަޙްލީލު ތަކުން މިހާތަނަށް، އޭނާ ބުޅާ މަސް ކާބޯތަކެތި ހެދުމަށް ބޭނުން ކުރިކަން އެނގިފައެއް ނުވެއެވެ.

ރައީސުލްޖުމްހޫރިއްޔާ ކުރެއްވި ޕޯސްޓުގައި ވިދާޅުވީ، އިސްލާމްދީނާއި ޚިލާފް ނުވާ ގޮތަށް ހެދުން އަޅާނަމަ، އެމީހަކު އަޅާފައި ހުންނަ ހެދުމެއްގެ ސަބަބުން ވަޒީފާދިނުމުގައި އަދި ވަޒީފާ އަދާކުރުމުގައި އެއްވެސް ތަފާތެއް ކޮށްގެންނުވާނެ ކަމަށެވެ. އަދި އެ ތަފާތުކުރުން ގެނުވާގޮތަށް ކުރީގައި ހަދާފައިވާ، އަދިވެސް ޢަމަަލުކުރަމުންދާ ހުރިހާ ގަވާއިދުތަކާއި އުސޫލުތައް ބަދަލު ކުރުމަކީ ކުރަންޖެހޭ ކަމެއް ކަމަށާއި، އެކަން ކުރުމަށް ކަމާބެހޭ ފަރާތްތަކަށް ވާނީ މިހާރު އަންގާފައި ކަމުގައިވެސް ރައީސުލްޖުމްހޫރިއްޔާ ވިދާޅުވެފައިވެއެވެ.

އިންޑިއާގެ އަނަކަޕައްލި ކިޔާ ސަރަހައްދެއްގައި ހުންނަ އެސިއެންޝިއާ އެޑްވާންސްޑް ސައިންސަސް އަކީ 40 އޭކަރުގެ ބިމެއްގައި ހިންގަމުންދާ ފެކްޓަރީއެކެވެ. ބުދަ ދުވަހު ހިނގާފައިވާ މި ހާދިސާއާ ގުޅިގެން އަނިޔާ ލިބިފައިވާ މީހުންގެ އަދަދު 40 އަށް އަރާކަމަށް އެ ސަރަހައްދުގެ ޕޮލިސް ސްޕްރިންޓެންޑެންޓު، ދީޕިކާ ވަނީ ހާމަކޮށްފައެވެ.

އެމްއެންޑީއެފުން ވިދާޅުވީ، އޭނާ ކޮންމެވެސް ވަރަކަށް ފިހިގެންނާއި ދުމުގެ އަސަރުކޮށްގެން ލޯންޗެއްގައި ތިލަފުށިން މާލެއަށް، އިންދިރާގާނދީ މެމޯރިއަލް ހޮސްޕިޓަލަށް ގެނެސްފައިވާ ކަމަށެވެ.

އަލިފާންގަނޑު ރޯވެ އަނދަމުންދާތާ ގާތްގަނޑަކަށް ގަޑިއެއްގެ އިރުވެފައި ވާއިރު، ތިލަފުށީގައި ޖެހިޖެހިގެން ހުރި ފަސް ގުދަނެއްގައި ރޯވެ ދަނީ އަނދަމުންނެވެ.

އެބިމަކީ ހުޅުމާލެ ފޭސް 2 ގައި، އަލަށް އަޅަމަުން އަންނަ ފްލެޓްތައް ކައިރީގައި އޮތް 40،000 އަކަފޫޓުގެ ބިމެކެވެ. މިބިމުގައި ހަތަރު ފުރޮޅުލީ އެއްގަމު އުޅަނދުގެ 200 ވަރަކަށް އުޅަނދު ޕާކުކޮށްފައި ބޭއްވޭނެ ކަމުގައި ޓްރާންސްޕޯޓް މިނިސްޓްރީން ވިދާޅުވެއެވެ.

އެމްއެމްއޭއިން މިރޭ އާއްމު ކުރި ބަޔާނުގައި ބުނެފައި ވަނީ، ރާއްޖޭގެ ރިޒާވްއާ ބެހޭ ގޮތުން 'އަދަދު' ނޫހުގައި "ބޭނުން ކުރެވޭ ޑޮލަރު ރިޒާވު ތާރީހުގައި ވެސް ފުރަތަމަ ފަހަރަށް އެއްކޮށް ހުސްވެއްޖެ!" މި ސުރުޚީގެ ދަށުން ލިޔެފައިވާ ޚަބަރަކީ ހަގީގަތާ ޚިލާފު ދޮގު މައުލޫމާތު ހިމެނޭ ޚަބަރެއް ކަމަށެވެ.

އިއްޔެ ކްރިމިނަލް ކޯޓުން މިޙުކުމް އިއްވާފައި ވަނީ، ޏ. ފުވައްމުލަކު، ހޯދަނޑު އަވަށު، ދުންނިކަގޭ މުހައްމަދު ޙަނީޝް ޙަފީޡުގެ މައްޗަށެވެ. ދައުލަތުން އޭނާގެ މައްޗަށް ދައުވާ އުފުލީ، އޭނާ ރެޑްވޭވް ފިހާރައިން ވައްކަން ކުުރިތާ ދޮޅު އަހަރު ފަހުން ހުސްވި އަހަރުގެ އޮގަސްޓް މަހުގެ 29 ވަނަ ދުވަހުގައެވެ. އޭނާ އެވައްކަން ކުރި ކަމަށް ދައުލަތުން ކޯޓުގައި ބުނެފައި ވަނީ 10 މާރިޗު 2022 ގައެވެ.

ރާއްޖޭން އިޒްރޭލް ޕާސްޕޯޓް މަނާކުރުމަށް ވަޒީރުންގެ މަޖިލީހުން ނިންމިކަން ސަރުކާރުން އިއުލާނު ކުރީ މިއަހަރުގެ ޖޫން މަހުގެ 2 ވަނަ ދުވަހުގައެވެ. ތަފާސް ހިސާބުތަކުން ދައްކާ ގޮތުގައި އެދުވަހު އެކަނިވެސް އިޒްރޭލުގެ 8 މީހުން ފަތުރުވެރިންގެ ގޮތުގައި ރާއްޖެ އެތެރެވިއެވެ.

ޓްރެއިނީ ޑޮކްޓަރެއް ރޭޕް ކުރުމަށްފަހު މަރުލުމާ ގުޅިގެން، އިންޑިއާގެ ސިއްހީ ހިދުމަތްތެރީން ފަށާފައިވާ އިހުތިޖާޖުތައް ހުއްޓާލުމަށް ގޮވާލައި، ޑޮކްޓަރުންގެ ސަލާމަތްތެރިކަން ކަށަވަރު ކުރުމުގެ މަސައްކަތް ފެށުމަށް ގައުމީ ޓާސްކް ފޯހެއް އުފެއްދުމަށް އެ ގައުމުގެ ސްޕްރީން ކޯޓުން އަމުރުކޮށްފިއެވެ. ސްޕްރީމް ކޯޓުން ޑޮކްޓަރުންގެ އަރިހުން އެދުނީ، އިހުތިޖާޖު ހުއްޓާލުމަށްފަހު މަސައްކަތަށް އެނބުރި ރުޖޫއަ ވުމަށެވެ.

ފުލުހުންގެ އިދާރާއިން ވިދާޅުވީ އެމައްސަލައިގެ ތަޙްޤީޤު ނިންމައި ދަޢުވާކޮށްދިނުމަށް އެދި މައްސަލަ ފޮނުވީ މިމަހުގެ 18ވަނަ ދުވަހުގައި ކަމަށެވެ. އަދި އެމީހުން އަދިވެސް ތިބީ ފުލުހުންގެ ބަންދުގައި ކަން ހާމަކޮށް އެމީހުންގެ ވަނަވަރުވެސް ފުލުހުން ވަނީ އާއްމުކޮށްފައެވެ.

އެނގިފައިވާ ގޮތުގައި އެ ސީޕްލޭން އެއާ ސީޕްލޭން އެމްބިއުލާންސެއްގެ ގޮތުގައި ޚާއްޞަކޮށްފައި އޮތް އޮތުން ބަދަލުކޮށް، އޭގެ ދަވާދާއި ކުލަ ބަދަލުކޮށް އަލުން މޯލްޑިވިއަންގެ ދަތުރުތަކުގައި ބޭނުން ކުރަން ފަށާފައި ވަނީ މީގެ ދެހަފްތާ ކުރިން ފެށިގެންނެވެ. މިއަދުވެސް އެބޯޓުގައި ބ އަތޮޅުގެ ބައެއް ރިޒޯޓުތަކަށް ވަނީ، ފަތުރުވެރިން އުފުލާފައެވެ.

ހަދާފައިވާ ފޭކް ޕޯސްޓެއްގެ ސްކްރީން ޝޮޓެއް ޙިއްޞާކުރައްވައި، އިމިގްރޭޝަންގެ ކޮންޓްރޯލަރ ޝައްމާން ވެސް ވަނީ އެއީ އިމިގްރޭޝަންގެ ޕޯސްޓެއް ނޫންކަމުގައި ކަށަވަރުކޮށްދެއްވާފައެވެ. މޯލްޑިވްސް އިމިގްރޭޝަނުން ވިދާޅުވީ، އެ އިދާރާގެ ފޭސްބުކް ޕޭޖުން ކޮށްފައިވާ ޕޯސްޓެއް ކަމަށް ބުނެ ސޯޝަލް މީޑިއާގައި ދައުރުވަމުންދާ ފޮޓޯއަކީ ޞައްޙަ ފޮޓޯއެއް ނޫން ކަމަށާއި އެ ފަދަ ޒިންމާދާރުކަން ކުޑަ އަމަލުތައް ނުހިންގެވުމަށް އިލްތިމާސްކުރައްވާ ކަމަށެވެ.

އިއްޔެ ހަވީރު ބޭއްވި މި ބައްދަލުވުމުގައި ސްޓޭޓް މިނިސްޓަރ މޫސާ ފަތުޙީ އާދަމާއި، މުޙައްމަދު ހާޝިމާއި، މުޙައްމަދު މާހިރު ބައިވެރިވެ ވަޑައިގެންނެވި ކަމުގައިވެސް އެމިނިސްޓްރީން ހާމަކުރައްވާފައިވެއެވެ. ޤާނޫނު އަސާސީ އެކުލަވާލި ކޮމިޓީގެ މުޤައްރިރުކަން ކުރެއްވި، އިބްރާހީމް އިސްމާޢީލަކީ ލާމަރުކަޒީ ނިޒާމު އެކަށައެޅުމުގައި އެންމެ އިސްކޮށް މަސައްކަތްކުރެއްވި ބޭފުޅުންގެ ތެރޭގައި ހިމެނި ވަޑައިގެންނެވި ބޭފުޅެކެވެ. އަދި ލާމަރުކަޒީ ޤާނޫނަށް މުހިއްމު ގިނަ ބަދަލުތަކެއް ގެންނަން ޖެހޭކަން އޭނާ ވަނީ ފާހަގަކުރައްވާފައެވެ.