ކަރަންޓް ބިލްތަކަށް ރޯދަމަހު ވަނީ 45 މިލިޔަން ރުފިޔާގެ ޑިސްކައުންޓެއް ދީފައި: ޔުޓިލިޓީސް ކުންފުނިތައް
ސްޓެލްކޯގެ މެނޭޖިންގ ޑައިރެކްޓަރ ޙުސައިން ފަޙްމީ ވިދާޅުވީ، ރޯދަމަހު ފޮނުވި ކަރަންޓް ބިލްތަކަށް ޖުމުލަ 20 މިލިއަން ރުފިޔާގެ ޑިސްކައުންޓެއް ދެވިފައިވާ ކަމަށެވެ. އޭނާ ވިދާޅުވީ އެ ކުންފުނިން އަމަލުކޮށްފައި ވަނީ ޔުޓިލިޓީޒް ރެގިއުލޭޓަރީ ބޮޑީއާއި ސަރުކާރުން އެންގެވި ގޮތަށް ކަމަށެވެ. އަދި ރޯދަމަހު ފޮނުވި ކަރަންޓް ބިލަކީ، ރޯދަމަހު ބޭނުންކުރި ކަރަންޓަށްކޮށްފައިވާ ބިލް ނޫންކަން ފާހަގަކުރައްވައި ފަޙްމީ ވިދާޅުވީ، އެކަމުގެ ބޭނުމަކީ، ރޯދަމަހު ރައްޔިތުން ކުރަންޖެހޭ ހޭދައަށް ލުޔެއް ދެއްވުންކަމަށެވެ.