Advertisement
އެމްއެމްއޭ --
ބޭނުން ކުރެވޭ ރިޒާވް ހުސްވެއްޖެ ކަމަށް ފަތުރާ ޚަބަރު އެމްއެމްއޭއިން ދޮގުކޮށްފި
ރާއްޖޭގެ މަރުކަޒީ ބޭންކު އެމްއެމްއޭގައި ހުރި، ބޭނުން ކުރެވޭ ޑޮލަރުގެ ރިޒާވް މުޅިން ހުސްވެެއްޖެކަމުގައި މީޑިއާގައި ފަތުރަމުންދާ ޚަބަރު އެމްއެމްއޭއިން ދޮގުކޮށްފިއެވެ.
އެމްއެމްއޭއިން މިރޭ އާއްމު ކުރި ބަޔާނުގައި ބުނެފައި ވަނީ، ރާއްޖޭގެ ރިޒާވްއާ ބެހޭ ގޮތުން 'އަދަދު' ނޫހުގައި "ބޭނުން ކުރެވޭ ޑޮލަރު ރިޒާވު ތާރީހުގައި ވެސް ފުރަތަމަ ފަހަރަށް އެއްކޮށް ހުސްވެއްޖެ!" މި ސުރުޚީގެ ދަށުން ލިޔެފައިވާ ޚަބަރަކީ ހަގީގަތާ ޚިލާފު ދޮގު މައުލޫމާތު ހިމެނޭ ޚަބަރެއް ކަމަށެވެ.
އެމްއެމްއޭއިން ވަނީ، ރިޒާވްގެ މައުލޫމާތު މިހާރެކޭ އެއްގޮތަށް އެ އޮތޯރިޓީން ދާނީ މަހުންމަހުން ބަރާބަރަށް ޝާއިއުކުރަމުން ކަމުގައި ވިދާޅުވެފައެވެ. އަދި ރާއްޖޭގެ ބޭނުންކުރެވޭ ރިޒާވް ޖުލައި ނިމުނުއިރު ހުރި މިންވަރަށްވުރެ އޮގަސްޓް މަހުގެ ނިޔަލަށް އިތުރުވެގެންދާނެ ކަމަށް ލަފާކުރެވޭ ކަމުގައިވެސް އެމްއެމްއޭގެ ބަޔާނުގައި ވަނީ ވިދާޅުވެފައެވެ.
މިފަދަ ކަންތައްތަކާއި ގުޅޭ ޚަބަރުތައް ހަޤީޤަތާއި ޚިލާފަށް ގެނެސްދިނުމަކީ އެ އޮތޯރިޓީން ނުހަނު ކަންބޮޑުވާކަމެއްކަމުގައިވެސް އެމްއެމްއޭއިން މިރޭ ނެރުނު ކުރު ބަޔާނުގައި ވަނީ ބުނެފައެވެ.
