އެޗްޕީއޭއިން ވިދާޅުވީ، ފާއިތުވި 2 އަހަރުގެ ތެރޭގައި އެބަލި ލައްކައެއްހައި މީހުންނަށް ޖެހިފައިވާ ކަމަށެވެ. އަދި މިވަގުތު މިބަލި ހަލުވި ކަމާއި އެކު ފެތުރެމުންދަނީ، މިބަލި ފެނުނު މެދުތެރޭ އެފްރިކާގެ ޤައުމެއް ކަމުގައިވާ ޑިމޮކްރެޓިކް ރިޕަބްލިކް އޮފް ކޮންގޯގަޔާއި، މެދުތެރޭ އެފްރިކާގެ އެހެން ޤައުމުތަކުގައެވެ. ބައިނަލްއަޤުވާމީ އެހެން މަސްދަރުތަކުން ރިޕޯޓްކޮށްފައިވާ ގޮތުގައި މިބަލީގެ ވޭދަަނަތައް މިހާރު ވަނީ މެދު އިރުމައްޗާއި ޔޫރަޕާއި، އޭޝިއާގެ ޤައުމުތަކުން ފެންނަން ފަށާފައެވެ.

އެޗްޕީއޭއިން ވިދާާޅުވީ، އެ އެބަލި ރާއްޖެއަށް އެތެެރެވުމުގެ ފުރުޞަތު އޮތް މިންވަރު ދެނެގަތުމަށާއި، ރާއްޖޭގައި ބައލި ފެތުރުން ކޮންޓްރޯލް ކުރުމަށާއި، ބައްޔަށް ޓެސްޓުކުރުމާއި، ފަރުވާދިނުމަށް ވާންޖެހޭ ތައްޔާރުވާން ފަށާފައިވާ ކަމަށެވެ. އަދި މަކުނު ވިދުރިއަށް ޞިއްޙީ ޚިދުމަތްތެރިން އަހުލުވެރިކުރުމާއި، ސަވައިލެންސް ހަރުދަނާ ކުރުމުގެ މަސައްކަތްތައްވެސް ފަށާފައިވާ ކަމުގައި އެޗްޕީއޭއިން ހާމަކުރައްވާފައިވެއެވެ.

މިނިސްޓްރީ އޮފް ފޮރިން އެފެއާޒުން ހާމަކުރައްވާފައިވާ ގޮތުގައި، ޓޫރިޒަމް މިނިސްޓަރ މޫސާ ޒަމީރާއި ސަރުކާރުގެ އިސްބޭފުޅުންގެ މައްޗަށް އެކުލެވޭ ވަފުދެއް ސަޢޫދީއަރަބިއްޔާއަށް ވަޑައިގެންފައި ވަނީ، އެޤައުމުގެ ފޮރިން މިނިސްޓަރ ޕްރިންސް ފައިސަލް ބިން ފަރްހާން އާލްސައުދުގެ ދައުވަތަކަށެވެ.

އާދިއްތަ ދުވަހު ރައީސުލްޖުމްހޫރިއްޔާ، ތަސްދީޤު ކުރައްވާފައި ވަނީ، ޤާނޫނު ނަންބަރު 10/2010 (ލޯކަލް ކައުންސިލްތަކުގެ އިންތިޚާބުގެ ޤާނޫނު) އަށް 7 ވަނަ އިޞްލާޙު ގެނައުމުގެ ބިލާއި، ޤާނޫނު ނަންބަރު 2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) އަށް 12 ވަނަ އިޞްލާޙު ގެނައުމުގެ ބިލެވެ. މި ދެ ޤާނޫނަށް ގެނައި މައިގަނޑު އިސްލާޙްތަކަކީ، ކައުންސިލްތަކާއި، އ.ތ.މ ކޮމިޓީގެ ބައި އިލެކްޝަންތައް އަވަސް އަވަހަށް ބާއްވަން ޖެހުމުގެ ސަބަބުން ދައުލަތަށް އުފުލަންޖެހިފައިވާ މާލީ ބުރަތަކަށް ހައްލެއް ހޯދުމުގެ ގޮތުން ގެނެސްފައިވާ އިސްލާޙްތަކެވެ.

ޝައިޚް އިމްރާން މިހެން ވިދާޅުވީ، އަދާލަތު ޕާޓީގެ 19 ވަނަ އަހަރީ ދުވަހުގެ ހެޔޮ އެދުމާއި ތަޙްނިޔާ ފޮނުއްވައި ކުރެއްވި ޕޯސްޓްގައެވެ.

އެމަނިކުފާނު މިހެން ވިދާޅުވީ، އަދާލަތު ޕާޓީގެ 19 ވަނަ އަހަރީދުވަހުގެ ހެޔޮއެދުމާއި ތަހުނިޔާ ޕާޓީގެ ރައީސް ޝައިޚް އިމްރާނަށާއި ޕާޓިގެ އިލްމުވެރިންނަށާއި އެންމެހާ މެންބަރުންނަށް ފޮނުއްވައި ކުރެއްވި ޕޯސްޓްގައެވެ.

އެމިނިސްޓްރީންކޮށްފައިވާ އިއުލާނުގައި ބުނެފައި ވަނީ، ދިވެހިރާއްޖޭގައި ވަޒީފާ އަދާކުރާ ބިދޭސީންނާއި ގުޅިގެން ދޫކުރާ ހުއްދަތަކަށް ދައުލަތަށް ދައްކަންޖެހޭ ފީތަކާއި ޖޫރިމަނާ -/100,000 ރ (އެއްލައްކަ ރުފިޔާ) އަށްވުރެ އިތުރުވާ ވަޒީފާދޭ ފަރާތްތައް ފައިސާ ދައްކާ ޚަލާސްކުރުމަށް ދީފައިވާ މުއްދަތު، 2024 އޮގަސްޓު 31 ވަނަ ދުވަހާއި ހަމައަށް އިތުރުކޮށްދީފައިވާ ކަމަށެވެ. އަދި މިތާރީޚާ ހަމައަށް ފައިސާ ދައްކާފައިވާނުވާ ވަޒީފާދޭ ފަރާތްތައް، 2024 ސެޕްޓެންބަރު 01 ވަނަ ދުވަހުން ފެށިގެން، އެކްސްޕެޓް ސިސްޓަމް އިން ސަސްޕެންޑް ކުރެވި ސިސްޓަމް މެދުވެރިކޮށް ދެމުން ގެންދާ ޚިދުމަތްތައް މެދުކަނޑާލެވޭނެ ކަމުގައިވެސް އެމިނިސްޓްރީން ވަނީ ވިދާޅުވެފައެވެ.

ކުރީގެ އެޑިޔުކޭޝަން މިނިސްޓަރ ޑރ. އައިޝަތު ޢަލީގެ ރަސްމީ (ޕަރސަނަލް) އީމެއިލްގައިވާ ހުރިހާ އީމެއިލެއް 2023 ވަނަ އަހަރު ޑިލީޓްކޮށްފައިވާ ކަމަށް އެޑިޔުކޭޝަން މިނިސްޓްރީން ފުލުހުންނަށް މައްސަލަ ހުށައަޅާފައިވާ ކަމަށް، ބުނެ ފުލުހުން މައުުލޫމާތު އާއްމު ކުރުމުން، ސަރުކާރަށް ތާއީދު ކުރާ އެކްޓިވިސްޓުން ވަނީ ސޯޝަލް މީޑިއާގައި ޑރ. އައިޝަތު ޢަލީއަށް ކޮރަޕްޝަނާއި ފަސާދައިގެ ތުހުމަތުތައް ކޮށް އެކަމަނާގެ އަބުރުފުޅަށް ހުތުރުވާގޮތަށް ވާހަކަތައް ފަތުރާފައެވެ. އަދި ސަރުކާރަށް ތާއީދުކުރާ ފަރާތްތަކުން ހިންގަމުން އައި މީޑިއާތަކުގައިވެސް އެމޭރުމުން ސުރުޚީތައް ޖަހައި ޚަބަރުތައް ފަތުރާފައިވެއެވެ.

އިމިގްރޭޝަނުން ވިދާޅުވެފައިވާ ގޮތުގައި އިމިގްރޭޝަންގެ ބެލުމުގެ ދަށަށް އެ މީހުން ގެންގޮސްފައި ވަނީ، މާލޭގައި ގަވާއިދާ ހިލާފަށް އުޅޭ ބިދޭސީންނާ ގުޅޭގޮތުން "އިމިގްރޭޝަން ވޮޗް" އަށް ލިބިފައިވާ މައުލޫމާތާ ގުޅިގެން އިއްޔެ ހެނދުނު ކުރިޔަށް ގެންދިޔަ ރެއިޑު އޮޕަރޭޝަނެއްގައެވެ.

މ. ރަބީޢުވިލާއަކީ، އަކިރި އާއި މުރަކަވެލި ބޭނުންކޮށްގެން ކޮންކްރީޓްއަޅައި، 90ގެ އަހަރުތަކުގެ ތެރޭގައި 6 ބުރިއަށް އިމާރާތްކޮށްފައިވާ ގެއެކެވެ. އެގެ ބާވެ ދިރިނޫޅެވޭ ވަރުވުމުގެ ސަބަބުން އެގެއިން މީހުން ނުކުމެފައިވާތާ އެތައް އަހަރެއް ވަނީ ވެފައެވެ. އެގެ ފަޅަށް ހުންނާތީ، މާލޭގައި އުޅޭ މަސްތުވާތަކެތި ބޭނުން ކުރާ މީހުން އެމީހުންގެ އައްޑާއެއްގެ ގޮތުގައި އެގެ އައީ ބޭނުން ކުރަމުންނެވެ.

ކެންސަރު ބަލީގެ ގިނަ ފަރުވާތަކެއް މިހާރު ރާއްޖެއިން ދެވޭކަމަށް، ކެންސަރު ބަލީގެ ފަރުވާއަށް ހާއްސަ ޑޮކްޓަރ މުޙައްމަދު ޝިފާން ވިދާޅުވެއްޖެއެވެ. ޑރ. ޝިފާން މިހެން ވިދާޅުވީ، "ނޫން" ގެ ހާއްސަ ޕްރޮގްރާމް، "ކޮފީ ވިތު ސުލޭމާނު" ގައި ވާހަކަފުޅު ދައްކަވަމުންނެވެ.

އާއްމުވެފައިވާ ވީޑިއޯއިން ފެންނަ ގޮތުގައި، ވޭމަންޑޫ ޕޮލިސް ސްޓޭޝަން ދޮށުގައި، އެއްވި ޒުވާނުންތަކެއް ވަނީ، މީހަކު ހައްޔަރު ކުރުމުގައި އަމުރަށް ނުކިޔަމަންތެރިވި ކަމަށް ބުނެ އެމީހާގެ ގައިގައި ފުލުހުން ތަޅައިގަތްކަމަށް ބުނެ އަޑު އުފުލާފައެވެ. މިގޮތުން ހައްޔަރުކުރާ މީހުންނަށް އަނިޔާކުރާކަމަށް ބުނެ ވަކި ފުލުހަކަށް އެމީހުން ތުހުމަތުތައްވެސް ކޮށްފައިވެއެވެ.

މިސެމިނާގައި ބައިވެރިވެވަޑައިގެންނެވުމަށް ކުރައްވާ ދަތުރުުފުޅުގައި، ރައްޔިތުންގެ މަޖިލީހުގެ ރައީސް، ޢަބްދުއްރަޙީމް ޢަބްދުﷲ ޗައިނާއަށް ފުރާވަޑައިގެންނެވީ ރޭގައެވެ. މިއީ ރައްޔިތުންގެ މަޖިލީހުގެ ރައީސް ކަމުގެ މަޤާމަށް ވަޑައިގެންނެވުމަށްފަހު، ޢަބްދުއްރަޙީމް ރަސްމީ ހައިސިއްޔަތުން މިފަދަ ސެމިނަރއެއްގައި ބައިވެރިވެވަޑައިގެންނެވުމަށް އެމަނިކުފާނު ރާއްޖެއިން ބޭރަށް ކުރައްވާ ފުރަތަމަ ދަތުރުފުޅެވެ.

ފުުލުހުންގެ އިދާރާއިން ހާމަކުރައްވާފައިވާ ގޮތުގައި، އެ މައްސަލަ އާއި ގުޅިގެން ހައްޔަރުކޮށްފައި ވަނީ، ގދ. ތިނަދޫ ސްކޭނަރ، އަލީ ޝައްމާހު ވަހީދު (29އ)އެވެ. އޭނާ ހައްޔަރުކޮށްފައި ވަނީ ކޯޓު އަމުރެއްގެ ދަށުން ކަމުގައިވެސް ފުލުހުންގެ އިދާރާއިން ވިދާޅުވެފައިވެއެވެ.

ފުލުހުންގެ އިދާރާއިން ވިދާޅުވީ، އެފަދަ މައްސަލައެއް ހުށައަޅާފައިވާ ކަމަށާއި މައްސަލަ ފުލުހުން ބަލަމުން ގެންދާ ކަމަށެވެ. އަދި އަނިޔާ ލިބުނު އަންހެންމީހާ އަކީ ސްޕާއެއްގައި މަސައްކަތް ކުރާ އަންހެނެއް ކަމުގައިވެސް ފުލުހުންގެ އިދާރާއިން ވަނީ ވިދާޅުވެފައެވެ.

ލުބުނާނުގެ ދެކުނުގައި އޮންނަ ނަބަޓިއޭ ކިޔާ ހިސާބަށް ދިން ހަމަލާގައި މަރުވި މީހުންގެ ތެރޭގައި އަންހެނަކާއި އޭނާގެ ކުޑަ ދެ ދަރިން ވެސް ހިމެނެއެވެ. މި ހަމަލާގައި 5 މީހަކު ޒަހަމްވެފައިވާއިރު، އޭގެ ތެރެއިން ދެމީހަކަށް ބޮޑެތި އަނިޔާތައް ލިބިފައިވާކަމަށް މިނިސްޓްރީ އޮފް ހެލްތުން ހާމަކޮށްފައިވެއެވެ.