Advertisement
މަކުނުވިދުރިން ރައްކާތެރިވުމަށް ފިޔަވަޅުއެޅުމަށް އެޗްޕީއޭއިން ކަމާއި ގުޅުން ހުރި ފަރާތްތަކާއި އެކު ބާއްވަމުންދާ ބައްދަލުވުން ތަކުގެ ތެރެއިން --
ރާއްޖެއަށް މަކުނު ވިދުރި އައުމުގެ ފުރުޞަތު އޮތް މިންވަރު ބަލަންފަށައިފި
މިހާރު ދުނިޔޭގެ ޤައުމުތަކުގައި ހަލުވި ކަމާއި އެކު ފެތުރެން ފަށާފައިވާ އެމްޕޮކްސް ނުވަތަ މަކުނު ވިދުރި ރާއްޖެއަށް އެތެރެވުމުގެ ފުރުޞަތު އޮތް މިންވަރެއް ދެނެގަތުމުގެ މަސައްކަތް ފަށާފައިވާ ކަމުގައި އެޗްޕީއޭއިން ވިދާޅުވެއްޖެއެވެ.
އެޗްޕީއޭއިން ވިދާާޅުވީ، އެ އެބަލި ރާއްޖެއަށް އެތެެރެވުމުގެ ފުރުޞަތު އޮތް މިންވަރު ދެނެގަތުމަށާއި، ރާއްޖޭގައި ބައލި ފެތުރުން ކޮންޓްރޯލް ކުރުމަށާއި، ބައްޔަށް ޓެސްޓުކުރުމާއި، ފަރުވާދިނުމަށް ވާންޖެހޭ ތައްޔާރުވާން ފަށާފައިވާ ކަމަށެވެ. އަދި މަކުނު ވިދުރިއަށް ޞިއްޙީ ޚިދުމަތްތެރިން އަހުލުވެރިކުރުމާއި، ސަވައިލެންސް ހަރުދަނާ ކުރުމުގެ މަސައްކަތްތައްވެސް ފަށާފައިވާ ކަމުގައި އެޗްޕީއޭއިން ހާމަކުރައްވާފައިވެއެވެ.
މަކުނު ވިދުރިއަކީ، ބައިނަލްއަޤުވާމީ ފެންވަރުގައި އާއްމު ސިއްޙަތަށް ހުރި ނުރައްކަލެއް ކަމުގައި ކަނޑައަޅައި، އާއްމުު ޞިއްޙަތުގެ ކުއްލި ނުރައްކަލުގެ ހާލަތު، ޑަބްލިޔުއެޗްއޯއިން އިއުލާނުކުރީ މިމަހުގެ 14 ވަނަ ދުވަހުގައެވެ. މަކުނު ވިދުރީގެ އާވޭރިއެންޓެއް މިހާރު އަންނަނީ ހަލުވި ކަމާއިއެކު ފެތުރެމުންނެވެ.
