އެކްސްޓަރނަލް އެފެއާޒް މިނިސްޓަރ ޑރ އެސް ޖައިޝަންކަރު ރާއްޖެއަށް ކުރައްވަމުން ގެންދަވާ ރަސްމީ ދަތުރުފުޅުގައި އިއްޔެ ވަނީ، ރައީސުލްޖުމްހޫރިއްޔާގެ އޮފީހުގައި، ރައީސުލްޖުމްހޫރިއްޔާ ޑރ. މުހައްމަދު މުޢިއްޒާއި ބައްދަލުކުރައްވާފައެވެ.

ފުލުހުންގެ އިދާރާއިން ވިދާޅުވީ، ގެއްލިގެން ހޯދަމުން ދަނީ، ހދ. ކުޅުދުއްފުށި / ކިނާރާގެ، އަޙްމަދު އަނިލް މުޙައްމަދު (23އ) ކަމަށެވެ. މާލޭގައި ދިރިއުޅެމުން އަންނަ އަނިލް ގެއްލިފައިވާ ކަމަށް އާއިލާއިން ފުލުހުންނަށް ރިޕޯޓްކޮށްފައިވާއިރު، އެންމެ ފަހުން އާއިލާއަށް އޭނާގެ ޚަބަރެއް ވެފައި ވަނީ މިމަހުގެ 8 ވަނަ ދުވަހު ހެނދުނު ކަމުގައިވެސް ފުލުހުންގެ އިދާރާއިން ވިދާޅުވިއެވެ.

ފަލަސްތީނުގައި އިޒްރޭލުން ހިންގަމުންދާ ގަތުލު އާންމުތަކުގެ އަނިޔާވެރިކަން އިތުރުވަމުންދަނިކޮށް، ހަނގުރާމަމަތީ ސާމާނު ގަތުމަށް އެމެރިކާއިން އިޒްރޭލަށް އިތުރު 3.5 ބިލިއަން ޑޮލަރުގެ އެހީއެއް ދޭން ނިންމައިފިއެވެ. މި ކަމުގައި އެމެރިކާއިން ޝަރުތު ކޮށްފައިވަނީ، އެމެރިކާއިން އުފައްދާ ހަތިޔާރު ގަތުމަށްކަމަށް ވެސް އެ ގައުމުގެ ސްޓޭޓް ޑިޕާޓްމެންޓުން ހާމަކޮށްފައިވެއެވެ.

އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓް ފެސިލިޓީގެ ދަށުން ހިންގި އަށާވީސް ރަށެއްގެ ފެނާއި ނަރުދަމާ ނިޒާމުގެ މަސައްކަތް ނިންމައި ޙަވާލުކުރުމުގެ ގޮތުން ބޭއްވި ރަސްމިއްޔާތުގައި، ރައީސުލްޖުމްހޫރިއްޔާ ވިދާޅުވީ، އެ މަޝްރޫޢުތަކަކީ އިންޑިއާއާ ރާއްޖެއާ ދެމެދު އޮންނަ ގުޅުމަށް މުހިންމު ކުރިއެރުންތަކެއް ލިބިގެންދާނެ މަޝްރޫޢުތަކެއް ކަމަށެވެ. އަދި ރައީސުލްޖުމްހޫރިއްޔާގެ ވާހަކަފުޅުގައި އިންޑިއާއިން ރާއްޖެއަށް މެދުކެނޑުމެއްނެތި ލިބެމުންދާ އެހީތެރިކަމަށްޓަކައި އިންޑިއާގެ ބޮޑުވަޒީރު ނަރަންދުރަ މޯދީއާ އިންޑިއާ ސަރުކާރާއި އެޤައުމުގެ ރައްޔިތުންނަށް ޝުކުރު އަދާކުރެއްވިއެވެ.

އަލް-ތާބިއީން ސްކޫލަކަށް ބޮން އަޅާ 100 ށް ވުރެ ގިނަ ފަލަސްތީން މީހުން ޝަހީދު ކޮށްލިތާ އެއް ދުވަސް ނުވަނީސް، ދެކުނު ގާޒާގައި ދިރިއުޅޭ ފަލަސްތީން މީހުން އެ ސަރަހައްދުން ފައިބަން އިޒްރޭލް ސިފައިން އަމުރު ކޮށްފިއެވެ.

އެމައްސަލައިގައި 18 އޮފިސަރުންގެ މައްޗަށް ތުހުމަތު ކުރެވުނު ނަމަވެސް އެމައްސަލައިގައި ފުލުހުން މިހާތަނަށް ހައްޔަރުކުރީ 13 މީހުންނެވެ. އެމީހުން ގެ ތެރެއިން ގިނަ ބަޔަކު ހައްޔަރުކުރީ، މިއަހަރުގެ ޖޫންމަހުގެ 27 ވަނަ ދުވަހު މާފުށީ ޖަލުގައި ހިންގި އޮޕަރޭޝަނެއްގައެވެ.

ދެބޭފުޅުންގެ މިބައްދަލުވުމުގައި މައިގަނޑު ގޮތެއްގައި މަޝްވަރާކުރައްވާފައި ވަނީ، ރާއްޖެއާ އިންޑިއާގެ ގުޅުން ކުރިއަށް އޮތްތަނުގައި ބަދަހިކޮށް ކުރިއެރުވޭނެ ގޮތްތަކާއި ގުޅޭ ގޮތުން ކަމުގައިވެސް ދެބޭފުޅުންގެ ފަރާތްޕުޅުން ނެރުއްވާފައިވާ ބަޔާނުގައި ފާހަގަކުރައްވާފައިވެއެވެ.

ރައީސް މައުމޫނު ދިވެހިބަހުން އެމަނިކުފާނުގެ އެކްސް އެކައުންޓުގައި ލިޔުއްވި ޕޯސްޓުގައި ވިދާޅުވީ، ކޮންމެ ދުވަހަކު އެތައް ސަތޭކަ ކުށެއް ނެތް ޣައްޒާގެ އާންމުންނެއް އިސްރާއީލުން އެދަނީ ރަހުމެއްނެތި މަރަމުން ކަމަށާއި، އަރަބި ލީޑަރުން އެތިބީ ކުޅިބަލަންކަމަށެވެ. އަދި ޢަރަބި ލީޑަރުން އެކަމާއި ދެކޮޅަށް އެއްވެސް ކަމެއް ނުކުރެއްވައި ތިއްބެވުމަކީ، ހިތާމައިގެ ކޮޅެއްވެސް ނެތްކަމެއްގެ ގޮތުގައި އެމަނިކުފާނު ވަނީ ފާހަގަކުރައްވާފައެވެ.

އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓް ފެސިލިޓީގެ ދަށުން ރާއްޖޭގެ 28 ރަށެއްގައި ފެނާއި ނަރުދަމާގެ ނިޒާމްގެ މަސައްކަތް ނިންމައި އެމަޝްރޫޢުތައް ދިވެހި ސަރުކާރާއި ހަވާލުކުރުމުގެ ރަމްޒީލިޔުން ރާއްޖޭގެ ފޮރިން މިނިސްޓަރ މޫސާ ޒަމީރާއި ހަވާލުކޮށްދެއްވީ، އިންޑިއާގެ ޚާރިޖީ ވަޒީރު، ޑރ. އެސް ޖައިޝަންކަރެވެ.

ގަސްއިންދުމުގެ މިރަސްމިއްޔާތުގައި، އިންޑިއާގެ ޚާރިޖީ ވަޒީރު، ޑރ. އެސް ޖައިޝަންކަރާއި، ރާއްޖޭގެ ޚާރިޖީ ވަޒީރު މޫސާ ޒަމީރުގެ އިތުރުން އެންވަޔަރަންމަންޓް މިނިސްޓަރ ޠާރިޤާއި، ރާއްޖެއަށް އިންޑިއާއިން ކަނޑައަޅުއްވާފައިވާ ސަފީރު މުނޫ މުހާވަރުގެ އިތުރުން މާލޭ ސިޓީގެ މޭޔަރު އާދަމް އާޒިމާއި، އިންޑިއާ އާއި ދިވެހިރާއްޖެއާ ދެޤައުމުގެ ޚާރިޖިއްޔާގެ އިސްބޭފުޅުން ބައިވެރިވެވަޑައިގެންނެވިއެވެ.

މިނިސްޓަރ މޫސާ ޒަމީރު ވިދާޅުވީ، އިންޑިއާއާއެކު ދިވެހިރާއްޖެއިން މިނިވަން ވިޔަފާރީގެ އެއްބަސްވުމެއް ޤާއިމް ކުރުމަށް ހުށައެޅުއްވި ހުށައެޅުމަކީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ފަރާތްޕުޅުން ހުށައެޅުއްވި ހުށައެޅުއްވުމެއް ކަމަށެވެ. އަދި މިފަދަ ފްރީޓްރޭޑް އެގްރިމެންޓެއް ޤާއިމް ކުރުމުގެ ސަބަބުން އެކަމުގެ ސަބަބުން އިތުރު ވިޔަފާރިތަކަށް ފުރުޞަތު ހުޅުވި އިޤުތިޞާދަށް ހެޔޮއަސަރުތައް ކުރާނެ ކަމުގައި މިނިސްޓަރ ޒަމީރު ވަނީ ފާހަގަކުރައްވާފައެވެ.

މި ބޯޓު ވެއްޓިފައިވަނީ ހުކުރު ދުވަހުގެ މެންދުރުފަހުގެ ވަގުތެއްގައި، ވިނޭޑޯ ކިޔާ ކުޑަ ރަށެއްގެ މީހުން ދިރިއުޅޭ ޢިމާރާތްތައް ހުންނަ ސަރަޙައްދަކަށެވެ. މިއީ ބްރެޒިލްގެ ޕަރާނާ ސްޓޭޓުގެ ކަސްކަވެލް އިން ފުރައިގެން ސައޮ ޕައުލޯއަށް ދަތުރު ކުރަމުން ދިޔަ، އެ ގައުމުގެ ވިޔޯފާސް އެއާރލައިންގެ މަތިންދާ ބޯޓެކެވެ.

ހުޅުމާލޭގެ އެކި ސަރަހައްދުތަކުގެ ދުވާރު މަތީގައި އަދި ހެޖު ތެރޭގައި ކެފޭ، ރެސްޓޯރެންޓް އަދި ޓޭކް-އަވޭ ޕޮއިންޓުތަކުން ގޮނޑި މޭޒު ބަހައްޓައިގެން ޚިދުމަތްދެމުން ގެންދާތީ އެކަން މިއަދުގެ ނިޔަލަށް ހުއްޓާލުމަށް ހުޅުމާލެ ޑިވެލޮޕްމެންޓް ކޯޕަރޭޝަން (އެޗްޑީސީ) އިން މި މަހުގެ 1 ވަނަ ދުވަހު އަންގާފައިވީނަމަވެސް، އެ އެންގުމަށް ޖުމްލަ ގޮތެއްގައި އެއްވެސް ތަނަކުން އަދި މިހާތަނަށް ތަބާވެފައެއް ނުވެއެވެ.

ވިނަރެސް ފްލެޓުތަކުގައި އެކްސެސް ކޮންޓްރޯލް ސިސްޓަމް އަލުން ބޭނުންކުރަން ފަށަން އުޅޭކަމަށް، ހުޅުމާލެ ޑިވެލޮޕްމެންޓު ކޯޕަރޭޝަން (އެޗްޑީސީ) އިން ބުނެފިއެވެ. އެގޮތުން، އެ ކުންފުނިން ކުރި އިއުލާނެއްގައި ބުނެފައިވަނީ، 11 އޯގަސްޓު 2024 އިން ފެށިގެން އެކްސެސް ކޮންޓްރޯލް ސިސްޓަމް އަލުން ބޭނުންކުރަން ފެށުމަށް ހަމަޖެހިފައިވާ ކަމަށެވެ.

އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓްގެ ދަށުން އަތޮޅު ތެރޭގައި ކުރިޔަށް ގެންދިޔަ މި މަޝްރޫޢުތަކުގެ ނިމުން ފާހަގަކުރުމަށް ބޭއްވި ރަސްމިއްޔާޓުގައި އިންޑިއާގެ އެކްސްޓަރނަލް އެފެއާޒް މިނިސްޓަރު ޑރ. ސުބްރަމާނިއަމް ޖަޔަޝަންކަރާއި ރާއްޖޭގެ ފޮރިން މިނިސްޓަރ މޫސާ ޒަމީރު ބައިވެރިވެވަޑައިގެންނެވިއެވެ.

ރައީސުލްޖުމްހޫރިއްޔާގެ އޮފީހުން ހާމަކޮށްފައިވާ މައުލޫމާތަށް ބަލާއިރު، އެއޮފީހުގެ ސިޔާސީ މަޤާމުތަކުގެ 345 މުވައްޒަފުން ތިބި އިރު އެމުވައްޒަފުންގެ މުސާރަ އާއި ޢިނާޔަތްތަކަށް އެކަނިވެސް މަހެއްގެ މައްޗަށް 8.2 މިލިޔަން ރުފިޔާ ހޭދަވެއެވެ.