ރާއްޖޭގައި ބިދޭސީން ވިޔަފާރި ކުރުން މަނާ ދާއިރާތަކުގައި ބިދޭސީން ބައިވެރިވެގެން ކުރަމުންގެންދާ ވިޔަފާރިތަކާއި، އެފަރާތްތަކުން ރަޖިސްޓްރީނުކޮށް ކުރާ ވިޔަފާރިތަކުގެ މަޢުލޫމާތު އެއްކޮށް، ތަންފީޛީ އިދާރާތަކަށް ރިޕޯޓްކުރުމުގެ މަސައްކަތް ކުރުމަށް ކުޅުދުއްފުށީ ސިޓީ ކައުންސިލުން ނިންމާފައިވާތީ، އެ މައުލޫމާތު އެ އިދާރާއަށް ރިޕޯޓު ކުރުމަށް އެދިއްޖެއެވެ.

އެ އިދާރާއިން ހާމަކުރި ގޮތުގައި، ގަވާއިދާ ޚިލާފަށް ދިވެހިރާއްޖޭގެ އެކިކަންކޮޅުތަކުގައި ބިދޭސީން ބައިވެރިވެގެން ކުރަމުންގެންދާ ވިޔަފާރިތައް ހުއްޓުވުމަށްޓަކައި މުހިއްމު ފިޔަވަޅުތަކެއް އަޅަމުންދާ މި ދަނޑިވަޅުގައި، އެކަން ހާސިލް ކުރުމަށް ސަރުކާރުގެ ހުރިހާ އިދާރާއަކުން މަސައްކަތް ކުރަންޖެހޭނެއެވެ.

ބިދޭސީން ބައިވެރިވެގެންކުރާ ކޮންމެ ވިޔަފާރިއަކީވެސް އިޤްތިޞާދީ ތަރައްޤީއާއި ވިޔަފާރިއާ ބެހޭ ވުޒާރާއިން ހުއްދަ ހޯދައި، ރަޖިސްޓްރީ ކޮށްގެން ކުރަންޖެހޭ ވިޔަފާރިއެކެވެ.

ރާއްޖޭގައި ބިދޭސީން މަސައްކަތް ކުރުން މަނާ ދާއިރާތައް:

* ރީޓެއިލް ޓްރޭޑް (އޮންލައިން ވިޔަފާރިވެސް ހިމެނޭގޮތަށް)

* ހޯލްސޭލް ޓްރޭޑް - އިމާރާތްކުރުމަށް ބޭނުންވާ މުދާފިޔަވައި

* ޑޮމެސްޓިކް ލޮޖިސްޓިކްސްގެ މަސައްކަތް

* ޕޯސްޓަލް އަދި ކުރިއަރ ސަރވިސަސް

* ކާބޯތަކެތި ވިއްކުމުގެ ޚިދުމަތް (ކެފޭ، ރެސްޓޯރެންޓް އަދި ބޭކަރީ ހިންގުން)

* ތަކެތި ކުއްޔަށް ދިނުމުގެ ވިޔަފާރިތައް (އިމާރާތް ކުރުމަށް ބޭނުންކުރާ ބޮޑެތި މެޝިނަރީ ފަދަ ތަކެތި ހިމެނޭ ގޮތަށް)

* އެމްޕްލޯއިމަންޓް އޭޖެންސީ އަދި ވަޒީފާތަކަށް މީހުން ހޯދުމުގެ ޚިދުމަތް

* ޓްރެވަލް އޭޖެންސީ، ޓުއަރ އޮޕަރޭޓަރސް، ރިޒަވޭޝަން އަދި މިކަމާ ގުޅުންހުރި އެހެނިހެން މަސައްކަތްތައް

* ލޭންޑްސްކޭޕިން މަސައްކަތް

* ޕަބްލިކް އެޑްމިނިސްޓްރޭޝަން އަދި ޤައުމުގެ ދިފާއީ ބާރުތަކާއި ގުޅުންހުރި މަސައްކަތްތައް

* ޖެނެރަލް ޓިއުޝަން ކްލާސް އަދި ޤުރުއާން ކްލާސް ހިންގުން

* ޖެނެރަލް ކްލނިކް ހިންގުމުގެ މަސައްކަތް

* ކޮމްޕިއުޓަރު، އާންމު މުދާ އަދި ގޭތެރޭގައި ބޭނުންކުރާ މުދާ މަރާމާތު ކުރުމުގެ މަސައްކަތް

* ޕްރޮގްރާމިން އަދި ބްރޯޑްކާސްޓިން މަސައްކަތް

* ޤާނޫނީ ވަކީލުންގެ ޚިދުމަތް

* ފޮޓޯގްރަފީ އަދި ވީޑިއޯގްރަފީގެ މަސައްކަތް

* ޕިކްނިކް އައިލެންންޑް ތަރައްޤީކުރުމާއި ހިންގުން

* ވިޔަފާރި އުސޫލުން އެއްގަމު އުޅަނދު ދުއްވުން

* ސުވެނިއަރ އަދި އަތްތެރި މަސައްކަތުން ތަކެތި އުފައްދައި ވިއްކުން

* ރަބަރު އަދި ޕްލާސްޓިކް ތަކެތި އުފެއްދުން

* ދުންފަތުގެ އިސްތިޢުމާލު ކުރުމުގެ ތަކެތި އުފެއްދުމާއި ވިއްކުން

* ލަކުޑިން ތަކެތި އުފެއްދުން ( ފަރުނީޗަރު ފިޔަވައި)

* މައިނިންގ އެންޑް ކޮރީންގްގެ މަސައްކަތް

* މައިނިންގ އޮފް ސޭންޑް

* ފޮރެސްޓްރީ