ބިދޭސީ މަސައްކަތްތެރިންނަށް ވަޒީފާ ދޭ ފަރާތުން ދައުލަތަށް ކޮންމެ މަހަކު ދައްކަންޖެހޭ ވާރކް ޕާމިޓް ފީ، ކޯޓާ ފީ އަދި ޖޫރިމަނާގެ އަދަދު 100،000ރ. (އެއް ލައްކަ ރުފިޔާ) އަށް ވުރެން އިތުރުވާ ފަރާތްތަކުގެ ނަންތައް ހާމަކުރާނެކަމަށް އަންގާރަ ދުވަހު އިއުލާން ކުރުމަށްފަހު، އެފަދަ ކުންފުނިތަކާއި ފަރުދުންގެ މައުލޫމާތުތައް މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ އިން އިއުލާންކޮށްފިއެވެ.

ޤަވާޢިދާ ޚިލާފަށް ރާއްޖޭގައި އުޅެމުންދާ ބިދޭސީންގެ މައްސަލަ ހައްލުކުރުމުގެ ގޮތުން ތަންފީޒީ ނިޒާމު ހަރުދަނާކުރުމަށް، ބިދޭސީ މަސައްކަތްތެރިން ރާއްޖެ ގެނައުމަށްފަހު ވަޒީފާދޭ ފަރާތުން އެ ފަރާތްތަކާމެދު އިހުމާލުވާނަމަ އެ ފަރާތްތަކުގެ ލިސްޓް އެކުލަވައިލައި އާންމުކުރުމާއި އަދި މިގޮތަށް ވަޒީފާދޭ ފަރާތުން އިހުމާލުވާ ފަރާތްތައް ޖޫރިމަނާކުރުމަށް، ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނިންމަވައިފިއެވެ.

ރާއްޖެއަށް ކުރިމަތިފައިވާ އެންމެ ބޮޑު އެއް މައްސަލަ ކަމުގައިވާ، ގަވާއިދާ ޚިލާފަށް އުޅޭ ބިދޭސީންގެ މައްސަލައަކީ ނިމިދިޔަ ސަރުކާރު ފަދައިން މި ސަރުކާރުން ވެސް ވެފައިވާ ބޮޑު ވައުދެކެވެ. އެ މައްސަލަ ހައްލު ކުރުމަށް މި ސަރުކާރުން ފަށާފައިވާ "ކުރަނގި" އޮޕަރޭޝަންގެ ދެވަނަ ފިޔަވަހި ވަނީ ހުކުރު ދުވަހުގެ ރޭ ދަރުބާރުގޭގައި އޮތް ހާއްސަ ރަސްމިއްޔާތެއްގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އިފްތިތާހު ކޮށްދެއްވާފައެވެ.

ގަވާއިދާ ހިލާފަށް އުޅޭ ބިދޭސީންގެ މައުލޫމާތާއި އަދި އިމިގްރޭޝަނާ ގުޅުންހުރި ކަންތައްތަކާއި މައުލޫމާތު ރިޕޯޓު ކުރުމަށް، މޯލްޑިވްސް އިމިގްރޭޝަނުން "އިމިގްރޭޝަން ވޮޗް" ގެ ނަމުގައި ޕޯޓަލްއެއް އިފްތިތާހު ކޮށްފިއެވެ. މި ޕޯޓަލް އިފްތިތާހު ކޮށްފައި ވަނީ މިއަދު އެ އިދާރާއިން ބޭއްވި ނޫސްވެރިންގެ ބައްދަލުވުމުގެ ތެރެއިންނެވެ.

ޤަވާއިދާއި ޚިލާފަށް އުޅޭ ބިދޭސީން ހޯދާ، އެފަދަ ފަރާތްތައް ރާއްޖެއިން ފޮނުވާލުމުގެ މަސައްކަތް މޯލްޑިވްސް އިމިގްރޭޝަނުން ކުރިޔަށްދާ މި ދަނޑިވަޅުގައި ވެސް، ގަވާއިދާއި ޚިލާފަށް އުޅެމުން އަންނަ ބިދޭސީން ގަވާއިދާއި އެއްގޮތަށް ބަދަލުކުރެވޭނެ ކަމަށާއި، ނަމަވެސް އިމިގްރޭޝަންގެ ބެލުމުގެ ދަށަށް ގެނައުމަށްފަހު އެ ދޮރު ބަންދުވެގެން ދާނެކަމަށް، ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު ޝައްމާން ވަޙީދު ވިދާޅުވެއްޖެއެވެ.

ބިދޭސީ މަސައްކަތްތެރިން ރާއްޖޭގައި މަސައްކަތް ކުރާ މުއްދަތުގައި އެމީހުން ބެއިތިއްބުމަށް ހާއްސަ އެކަމޮޑޭޝަން ބްލޮކްތަކެއް އެޅުމަށް މެލޭޝިއާގެ އަޓިލްޒޭ ކުންފުންނިން ހުށަހެޅި ހުށައެޅުމަކީ ކުރިޔަށް ދިއުން ރަގަޅު ހުށަހެޅުމެއްކަމަށް އިކޮނޮމިކް ކައުންސިލުން ވަނީ ނިންމާފައެވެ. އެހެންކަމުން މިހާރު އެ ކުންފުންޏާއެކު ފަހުގެ މަޝްވަރާތައް ފަށާފައިކަމަށް މިނިސްޓަރ އޮފް ހޯމް ލޭންޑް ސެކިއުރިޓީ އެންޑް ޓެކްނޮލޮޖީ، އޮނަރަބަލް ޢަލީ އިޙްސާން ވަނީ މިދިޔަ އާދިއްތަ ދުވަހު އޮތް ހޯމް ސެކްޓަރ ޕްރެސް ބްރީފިން ގައި ވިދާޅުވެފައެވެ. ނަމަވެސް މިއީ ރާއްޖޭގެ އިޤްތިޞާދުގައި ދައުރުވާން ހުރި އެމެރިކާ ޑޮލަރު އެތައް ގުނައަކުން އިތުރު ވެގެން ދާނެ ނިންމުމެކެވެ.

ބިދޭސީ މަސައްކަތްތެރިން، ހާއްސަކޮށް "އަންސްކިލްޑް" ބިދޭސީ މަސައްކަތްތެރިން ރާއްޖޭގައި މަސައްކަތް ކުރާ މުއްދަތުގައި އެމީހުން ބެއިތިއްބުމަށް ހާއްސަ އެކަމޮޑޭޝަން ބްލޮކްތަކެއް އެޅުމަށް މެލޭޝިއާގެ ކުންފުންޏަކުން ހުށަހެޅި ހުށައެޅުމަކީ، ކުރިޔަށް ދިއުން ރަގަޅު ހުށަހެޅުމެއްކަމަށް އިކޮނޮމިކް ކައުންސިލުން ނިންމާފައިވާކަމަށް، މިނިސްޓަރ އޮފް ހޯމް ލޭންޑް ސެކިއުރިޓީ އެންޑް ޓެކްނޮލޮޖީ، އޮނަރަބަލް ޢަލީ އިޙްސާން ވިދާޅުވެއްޖެއެވެ. މިނިސްޓަރ މިހެން ވިދާޅުވީ، މިއަދު ކުރިޔަށްދިޔަ ހޯމް ސެކްޓަރ ޕްރެސް ބްރީފިންގައެވެ.

ކަޅު ބާޒާރުގައި ބޭރު ފައިސާގެ މުއާމަލާތް ހިންގާ ބިދޭސީން ހޯދުމަށް އިމިގްރޭޝަނުން ހިންގާފައިވާ މި އޮޕަރޭޝަންގައި ބަލާފާސްކޮށްފައިވަނީ، އެ އިދާރާގެ އޮފީސްތަކެއް ހިންގަމުން އަންނަ މ. ސްޓަރކްލައުޑްސް އިމާރާތުގެ ކައިރިއެވެ. މި އިމާރާތުގެ ތިރީގައި ހުންނަ ބޭންކު އޮފް މޯލްޑިވްސްގެ ޑޮލަރު އޭޓީއެމްތަކުގެ ކައިރީގައި އަބަދުވެސް ބިދޭސީން ތިބެއެވެ.