އދ. ހަންޏާމީދޫގައި އެކަނި މާއެކަނި މީހަކު ދިރިއުޅެމުން އައި ގެއެއް އަނދައި ހުލިވުމާއި ގުޅިގެން އެގޭގައި ދިރިއުޅެމުން ދިޔަ މީހާއަށް އެހީތެރިކަން ފޯރުކޮށްދޭން ފަށާފައިވާ ކަމުގައި އެންޑީއެމްއޭއިން ވިދާޅުވެއްޖެއެވެ.

ނެޝަނަލް ޑިޒާސްޓަރ މެނޭޖްމެންޓް އޮތޯރިޓީން ވިދާޅުވީ، ހުކުރު ދުވަހުގެ ރޭ ދަންވަރު ހިނގި އަލިފާނުގެ ހާދިސާގައި މުޅިން އަނދައިގެން ގޮސްފައި ވަނީ، އދ. ހަންޏާމީދޫ ރޯޝަނީ ގެ ކަމަށެވެ. އެގޭގައި ދިރިއުޅެމުން އައީ އުމުރުން 40 އަހަރުގެ ފިރިހެނަކު އެކަނި ކަމަށްވެސް އެ އޮޮތޯރިޓީން ބުންޏެވެ.

އެންޑީއެމްއޭއިން ވިދާޅުވީ، މިހާރުކުރަމުންދަނީ ހާދިސާގެ ސަބަބުން ލިބުނު ގެއްލުންތައް ވަޒަންކުރުމުގެ މަސައްކަތް ކަމަށާއި،  ހާލުގައި ޖެހުނު ފަރާތަށް ވަގުތީ ބޯހިޔާވަހިކަމާއި، ކެއުންބުއިމާއި، އަންނައުނުގެ އެހީތެރިކަން ކައުންސިލް އާއި ގުޅިގެން މި އޮތޯރިޓީން މިހާރުވަނީ ފޯރުކޮށްދެވިފަކަމަށެވެ.