މާލެ އަތޮޅުން ފެށިގެން އދ އަތޮޅާއި ހަމައަށް އޮރެންޖު އިންޒާރު ނެރެފިއެވެ. މޯލްޑިވްސް މީޓިއޮރޮލިޖިކަލް ސާވިސް (މެޓް އޮފީސް) އިން ހާމަކޮށްފައިވާ ގޮތުގައި، މި ސަރަހައްދަށް ބޯކޮށް ވާރޭ ވެހުމާއެކު، ފެން ބޮޑުވާނެ ކަމަށް ލަފާ ކުރެވެއެވެ.

އެގޮތުން، މި އިންޒާރުގެ ވަގުތަކީ މިއަދުގެ 2:15 އިން ފެށިގެން މިއަދު ހަވީރު 6:15 އާއި ހަމައަށެވެ.

މީގެ އިތުރުން، ހއ އަތޮޅުން ފެށިގެން އދ އަތޮޅަށް ވަނީ ރީނދޫ ސަމާލި ނެފެފައެވެ. އެ ގޮތުން މި ސަރަހައްދަށް  ބޯކޮށް ވާރޭވެހި  ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައި ޖެހި  ވިލާގަނޑުގައި ގަޑިއަކު 50 މޭލަށް ވައި ގަދަވެ ކަނޑުތައް ވަރަށް ގަދަވާނެ ކަމަށް ލަފާކުރެވޭކަމަށް މެޓް އޮފީހުން ވަނީ ހާމަކޮށްފައެވެ. މި އެލާޓުގެ ވަގުތަކީ މިއަދުގެ މެންދުރުފަހު 1:00 އިން ފެށިގެން ހަވިރު 5:00 އާއި ހަމައަށެވެ.

އަދި މާލެއިން ދެކުނަށް، މާލެ އަތޮޅުން ފެށިގެން އައްޑު އަތޮޅަށް ވަނީ ހުދު ސަމާލު ނެރެފައެވެ. އެގޮތުން، މި ސަރަހައްދަށް ބޯކޮށް ވާރޭވެހުމާއެކު ގުގުރުން އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ލަފާކުރެވޭކަމަށް މެޓު އޮފީހުން ވަނީ ބުނެފައެވެ. މި އެލާޓުގެ ވަގުތަކީ މެންދުރު 12:30 އިން ފެށިގެން އިރުއޮއްސި 6:30 އަށެވެ.