Advertisement
އައްޑޫ ސިޓީގައި ހިންގި މަޝްރޫޢުތަކުގެ ނިމުން ފާހަގަކުރުން --
ކުރީ ސަރުކާރުގައި އިންޑިއާގެ އެހީގައި އައްޑޫ ސިޓީގައި ފެށި މަޝްރޫއުތައް ނިންމައި މިސަރުކާރާއި ހަވާލުކޮށްފި
އިންޑިއާ ސަރުކާރުގެ އެހީގައި ކުރީ ސަރުކާރުން އައްޑޫ ސިޓީގައި ފެށީ ބޮޑު ތިންމަޝްރޫޢެއް ނިންމައި މިސަރުކާރާއި ހަވާލުކޮށްފިއެވެ.
މި މަޝްރޫޢުތައް ނިމުން ފާހަގަކުރުމަށް ބޭއްވި ރަސްމިއްޔާތުގައި އިންޑިއާގެ އެކްސްޓަރނަލް އެފެއާޒް މިނިސްޓަރ ޑރ. އެސް ޖައިޝަންކަރު ބައިވެރިވެވަޑަިއގެންނެވިއެވެ. މަޝްރޫޢުތައް ނިންމައި ދިވެހި ސަރުކާރާއި ރަސްމީ ގޮތުން ހަވާލުކޮށްދެއްވީ އެމަނިކުފާނެވެ.
މިމަޝްރޫޢު ތަކުގެ ތެރޭގައި ހިމެނެނީ، އައްޑޫ ސިޓީ ހަންކެޑެ ބުރިޖާއި ކޯޒުވޭގެ މަސައްކަތާއި، އައްޑޫ ސިޓީގެ ބިން ހިއްކުމުގެ މަސައްކަތާއި، ގޮނޑުދޮށް ހިމާޔަތް ކުރުމުގެ މަސައްކަތެވެ.
އިންޑިއާގެ ލައިން އޮފް ކްރެޑިޓް ފެސިލިޓީގެ ދަށުން ކުރިއަށްގެންދިޔަ އައްޑޫ ސިޓީގެ ބިން ހިއްކުމާއި، ގޮނޑުދޮށް ހިމާޔަތްކުރުމާއި، ހަންކެޑެ ބްރިޖު މަސައްކަތަކީ މިހާތަނަށް އައްޑޫ ސިޓީގައި ހިންގުނު ތަރައްޤީގެ އެންމެ ބޮޑެތި މަޝްރޫޢުތަކެވެ.
