ރޭ މިތަންތަން ބަންދުކޮށްފައި ވަނީ، ރާއްޖޭގައި ޤަވާއިދާއި ޚިލާފަށް އުޅޭ ބިދޭސީންގެ މައްސަލައަށް ހައްލު ހޯދުމަށް އިމިގްރޭޝަނާއި ފުލުހުން ގުޅިގެން އުފެއްދި ޓާސްކްފޯހުން ހިންގަމުންދާ އޮޕަރޭޝަންގެ ތެރެއިންނެވެ. މިގޮތުން އިއްޔެ ވަނީ، އެޓާސްކް ފޯހުގައި މިނިސްޓްރީ އޮފް ހެލްތާއި އިކޮނޮމިކް މިނިސްޓްރީވެސް ހިމަނައި، މިހާރު ކުރިޔަށް ގެންދާ ބަލައިފާސްކުރުމުގެ އޮޕަރޭޝަންގެ ތެރެއިން ޤަވާއިދާއި ޚިލާފުވާކަމަށް ފާހަގަކުރެވޭ ތަންތަން ވަގުތުން ބަންދުކުރަމުންނެވެ.

ބަންގި ގޮވުމާއި އިމާމުވެ ނަމާދު ކުރުމަށް ޝައުގުވެރިކަން ހުންނަ ކުޑަކުދިންނަށް އެ ފުރުސަތު ތަނަވަސްކޮށްދިނުމުގެ ގޮތުން އުލިގަމު ކައުންސިލުން އުސޫލެއް ކަނޑައަޅައިފިއެވެ. އެ އުސޫލުގައި ބުނެފައިވާ ގޮތުން، އެ ކަމުގެ މަގްސަދަކީ ކުޑަކުދިންގެ ހިތްތަކުގައި ނަމާދަށް ލޯބި ޖެއްސުމާއި އެ ކުދިންނަކީ ދީނަށް ލޯބިކުރާ ކުދިންތަކެއް ކަމުގައި ހެދުމެވެ.

ގދ. ގައްދޫގައި ބޭސް ބޭނުންކޮށްގެން ބުޅާ މަރަމުންދާ ކަމަށް ފާހަގަކުރެވިގެން، އެކަމުގެ ސަބަބުން އެ ރަށުގައި ބަލިމަޑުކަމެއް ފެތުރިދާނެކަމަށް ބެލެވޭތީ، އެކަން އެގޮތަށް ނުކުރުމަށް ގައްދޫ ކައުންސިލުން އެދިއްޖެއެވެ.

ކުރީގެ އެޑިޔުކޭޝަން މިނިސްޓަރ އައިޝަތު ޢަލީ ވިދާޅުވީ، 9.5 މިލިއަން ޑޮލަރުގެ މިތިން ގްރާންޓް ރާއްޖެއަށް ކާމިޔާބު ކުރެވުނީ، ހުސްވި އަހަރުގެ އޮގަސްޓް މަހުގައި ކަމަށެވެ. އަދި 15 އޮކްޓޯބަރ 2020ގައި މި ގްރާންޓްއަށް އެދުމުގެ ފުރުސަތު ރާއްޖެއަށް އޮތްކަން އެނގުމާއެކު ގިނަ ބައެއްގެ ބުރަ މަސައްކަތާއެކު ޕާރޓްނަރޝިޕް ކޮމްޕެކްޓްއާއި މަލްޓިޕްލަޔަރ ގްރާންޓް ތައްޔާރުކޮށް ހުށައެޅުނީ، ޖުލައި 2023ގައިކަން ވެސް މިނިސްޓަރ ފާހަގަކުރައްވާފައިވެއެވެ.

ފައްޔާޒު ވިދާޅުވީ، ކާބޯތަކެތީގެ ރައްކާތެރިކަން ކަށަވަރުކުރުމާއި، ކާބޯތަކެތި ތައްޔާރުކޮށް ވިއްކާ ތަންތަނުގެ ސާފުތާހިރުކަމުގެ މިންގަނޑު ހިފެހެއްޓުމަކީ ވިޔަފާރި ރަޖިސްޓަރީ ކުރުމާއި ގުޅޭ ކަމެއް ނޫން ކަމަށެވެ. އެކަމުގެ ޤާނޫނީ ޒިންމާ ހަވާލުކޮށް ފުރިހަމަ ބާރު އޭރުވެސް މިހާރުވެސް ލިބިދީފައިވާ އިދާރާތަކަށް އެކަން ކުރެވޭނެ ކަމުގައިވެސް ފައްޔާޒު ވިދާޅުވިއެވެ.

މަޖިލީހުގެ ތަޅުމުގައި ޕީޖީ ވަކިކުރަން ވޯޓަށް އެހުމުން އެވޯޓުގައި، 75 މެމްބަރުން ބައިވެރިވެވަޑައިގެންނެވިއެވެ. އޭގެ ތެރެއިން 65 މެމްބަރުން ޕީޖީ މަޤާމުން ވަކިކުރުމަށް ވޯޓު ދެއްވި އިރު، ޕީޖީ މަޤާމުން ވަކިކުރަން ނުފެންނަ ކަމަށް 9 މެމްބަރުން ވޯޓު ދެއްވިއެވެ.

ޝަމީމް މަޤާމުން އިސްތިއުފާ ދެއްވީ، އެމަނިކުފާނު މަޤާމުން ވަކިކުރުމުގެ މައްސަލަ ކުރިޔަށް ގެންދިޔުމަށްޓަކައި، ރައްޔިތުންގެ މަޖިލީހުގެ ޚާއްޞަ ޖަލްސާއެއް މިރެއަށް އެޖެންޑާކޮށް އެޖަލްސާ ފަށާފައި ވަނިކޮށެވެ. މިޖަލްސާގެ ރިޔާސަތު ބަލަހައްޓަވަމުން ގެންދަވަނީ، ރައްޔިތުންގެ މަޖިލީހުގެ ނައިބު ރައީސް އަޙްމަދު ނާޒިމެވެ.

މިނިސްޓަރ އިހްސާން ވަނީ، ވަޒީފާ އާއި ބެހޭ ޤާނޫނަށް ގެންނަން ސަރުކާރުން މިހާރު ހުށައަޅާފައިވާ އިސްލާޙްތަކުގެ ތެރޭގައިވެސް ބިދޭސީންނާއި މެދު އިހުމާލުވާ ވަޒީފާ ދޭ ފަރާތްތައް، އިހުމާލުވާ ކޮންމެ މީހަކަށް 50000ރގެ ރޭޓުން ޖޫރިމަނާކުރުމަށް ކަނޑައަޅާފައިވާ ކަމަށެވެ.

ޝާހިދު ހުށަހެޅުއްވި މައްސަލާގައި ބުނެފައިވާގޮތުން، ޕީޖީ ޝަމީމް މަސައްކަތް ކުރެއްވުމުގައި ތަފާތު ކުރުން ގެންގުލުއްވާކަމަށް ފާހަގަ ކުރައްވާފައިވެއެވެ. އަދި މީގެ އިތުރުން، އެ މަނިކުފާނު މަސައްކަތް ކުރައްވަމުން ގެންދަވަނީ ވަކި މީހެއްގެ ނުފޫޒުން ކަމަށް ވެސް ފާހަގަކޮށްފައި ވެއެވެ. އެގޮތުން، ޕީޖީގެ ބާރުތައް ބޭނުން ކުރަން ވާނީ ވެސް ވަކި ފަރާތަކަށް މަންފާއެއް ހޯދައި ނުދީ، ޒާތީ ތައައްސަބުން އެއްކިބާވެ ހުރެ ބަންޑާރަ ނައިބު ކަނޑައަޅާފައިވާ މައިގަނޑު ސިޔާސަތުތަކާ އެއްގޮތަށް ކަމަށް ޝާހިދު ވިދާޅުވެފައިވެއެވެ.

އިމިގްރޭޝަނުން ހާމަކުރައްވާފައިވާ ގޮތުގައި، ގަވާއިދާ ހިލާފަށް އުޅޭ ބިދޭސީން ފުޅާދާއިރާއެއްގައި ވިޔަފާރިއަށް އެކި ކަހަލަ ކާބޯތަކެތި ތައްޔާރުކުރަމުންދާ ކަމަށް "އިމިގްރޭޝަން ވޮޗް" އަށް ލިބުނު މައުލޫމާތާ ގުޅިގެން ފުލުުހުންނާއި އެކު ހޯމަ ދުވަހު ހިންގި އޮޕަރޭޝަނުގައި، ބަލައި ފާސްކޮށްފައި ވަނީ، މ. ތްރީ މޫން ގެއެވެ.

ސްޓެލްކޯއިން ހާމަކުރައްވާފައިވާ ގޮތުގައި މިފަހުމް ނާމާގެ ދަށުން، ސްޓެލްކޯގެ މަސައްކަތްތައް ހިންގުމަށް މިހާރު ރާވާފައިވާ ނިޒާމުތަކުގައި ހުރި ނިޒާމީ ހިރާސްތައް ދެނެގަތުމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީން އެހީތެރިކަން ފޯރުކޮށްދޭނެ ކަމަށެވެ. އަދި ސްޓެލްކޯގައި މިހާރު އެކުލަވާލާފައިވާ ކްރައިސިސް މެނޭޖްމަންޓްގެ އޮނިގަނޑުތައް ދިރާސާކޮށް، ތަޖުރިބާކާރުންގެ އެހީތެރިކަމާއެކު ކުންފުނީގެ ކްރައިސިސް މެނޭޖްމަންޓާއި، ކުއްލި ޙާލަތު އިޖާބައިގެ ޤާބިލްކަމުގެ އޮނިގަނޑު އަދި (ކްރައިސިސްގެ ވަގުތުގައި) ޚިދުމަތް ކުރިއަށްގެންދިއުމުގެ އެނަލިސިސް އެއް ހަދައި ރަނގަޅު ކުރެވެން ހުރި ކަންކަން ދެނެގަނެވޭނެ ކަމުގައި އެކުންފުނިން ހާމަކުރައްވާފައިވެއެވެ.

އެމްއެންޑީއެފުން ހާމަކުރައްވާފައިވާ މައުލޫމާތުން އެނގޭ ގޮތުގައި ގުދަނުގައި ރޯވި އަލިފާން ނިވާލެވުނީ، އަލިފާނުގެ ހާދިސާ އެމްއެންޑީފްގެ ފަޔަރ އެންޑް ރެސްކިއު ސަރވިސަސްއަށް ރިޕޯޓްކުރިތާ 2 ގަޑިއިރާއި 28 މިނިޓް ފަހުންނެވެ. އަލިފާން ނިވާލެވުނު އިރު، ފަސް ތަނެއް މުޅިން އަނދައިގެން ގޮސް މާލީ ގޮތުން ވިޔަފާރިތަކަށް އެތައް މިލިޔަން ރުފިޔާއެއްގެ ގެއްލުން ވަނީ ލިބިފައެވެ.

އެނގިފައިވާ ގޮތުގައި ހުއްދަ ނުނަގައި އަދި ޤަވާއިދާއި ޚިލާފަށް، ސާފުތާހިރުކަން ކުޑަ ބަދިގެއެއް ހިންގި، ޢަރަފާތު ބުޅާމަހުން ކާބޯތަކެތި ހަދައިގެން ވިއްކިކަމަށް ކުރެވުނު ތުހުމަތުތަކާއި ގުޅިގެން އޭނާ ބޭނުން ކުރި ބަދިގެއާއި ތަކެތި ބަލައި ސާމްޕަލް ނަގައިގެން ވަނީ ތަޙްލީލުތައް ކޮށްފައެވެ. އަދި އެތަޙްލީލު ތަކުން މިހާތަނަށް، އޭނާ ބުޅާ މަސް ކާބޯތަކެތި ހެދުމަށް ބޭނުން ކުރިކަން އެނގިފައެއް ނުވެއެވެ.

ރައީސުލްޖުމްހޫރިއްޔާ ކުރެއްވި ޕޯސްޓުގައި ވިދާޅުވީ، އިސްލާމްދީނާއި ޚިލާފް ނުވާ ގޮތަށް ހެދުން އަޅާނަމަ، އެމީހަކު އަޅާފައި ހުންނަ ހެދުމެއްގެ ސަބަބުން ވަޒީފާދިނުމުގައި އަދި ވަޒީފާ އަދާކުރުމުގައި އެއްވެސް ތަފާތެއް ކޮށްގެންނުވާނެ ކަމަށެވެ. އަދި އެ ތަފާތުކުރުން ގެނުވާގޮތަށް ކުރީގައި ހަދާފައިވާ، އަދިވެސް ޢަމަަލުކުރަމުންދާ ހުރިހާ ގަވާއިދުތަކާއި އުސޫލުތައް ބަދަލު ކުރުމަކީ ކުރަންޖެހޭ ކަމެއް ކަމަށާއި، އެކަން ކުރުމަށް ކަމާބެހޭ ފަރާތްތަކަށް ވާނީ މިހާރު އަންގާފައި ކަމުގައިވެސް ރައީސުލްޖުމްހޫރިއްޔާ ވިދާޅުވެފައިވެއެވެ.

އިންޑިއާގެ އަނަކަޕައްލި ކިޔާ ސަރަހައްދެއްގައި ހުންނަ އެސިއެންޝިއާ އެޑްވާންސްޑް ސައިންސަސް އަކީ 40 އޭކަރުގެ ބިމެއްގައި ހިންގަމުންދާ ފެކްޓަރީއެކެވެ. ބުދަ ދުވަހު ހިނގާފައިވާ މި ހާދިސާއާ ގުޅިގެން އަނިޔާ ލިބިފައިވާ މީހުންގެ އަދަދު 40 އަށް އަރާކަމަށް އެ ސަރަހައްދުގެ ޕޮލިސް ސްޕްރިންޓެންޑެންޓު، ދީޕިކާ ވަނީ ހާމަކޮށްފައެވެ.

އެމްއެންޑީއެފުން ވިދާޅުވީ، އޭނާ ކޮންމެވެސް ވަރަކަށް ފިހިގެންނާއި ދުމުގެ އަސަރުކޮށްގެން ލޯންޗެއްގައި ތިލަފުށިން މާލެއަށް، އިންދިރާގާނދީ މެމޯރިއަލް ހޮސްޕިޓަލަށް ގެނެސްފައިވާ ކަމަށެވެ.