Advertisement
ބޭންކް އޮފް މޯލްޑިވްސް --
ހެނދުނު ބީއެމްއެލްއިން ނިންމި ނިންމުންތައް ދާދި ދެންމެއަކު އުވާލައިފި
ބޭންކް އޮފް މޯލްޑިވްސްގެ ރުފިޔާ އެކައުންޓްތަކުން ޑޮލަރުގެ މުއާމަލާތް ނުކުރެވޭ ގޮތަށް ހެނދުނު ކުރި އިއުލާނު، ބީއެމްއެލްއިން އަނބުރާ ގެނެސްފިއެވެ.
އެބޭންކުން ދާދި ދެންމެއަކުން ބުނީ، ރާއްޖެިން ބޭރުގެ މުއާމަލާތްކުރެވޭ ލިމިޓްތަަކަށް ގެނެވުނު ބަދަލުތައް، ބޭންކުގެ ރެގިއުލޭޓަރ، މޯލްޑިވްސް މަނިޓަރީ އޮތޯރިޓީގެ އިރުޝާދަށް ބަލައި އަނބުރާ ގެންގޮސްފި ކަމަށެވެ. އެހެންކަމުން ކުރި އެކޭ އެއްގޮތަށް ބީއެމްއެލްގެ ކާޑުތަކުން މިހާރު ޑޮލަރުން ކުރާ ވިޔަފާރީގެ މުއާމަލާތްތައް ކުރެއްވޭނެ ކަމަށް އެބޭންކުން ވަނީ ހާމަކޮށްފައެވެ.
ބީއެމްއެލްއިން ހެނދުނު ނެރުނު ބަޔާނުގައި ބުނީ، ކާޑުގެ ލިމިޓްތައް އުވާލައި، ޑޮލަރުން މުއާމަލާތު ނުކުރެވޭ ގޮތް ހެދީ ބޭންކަށް ކާޑުގެ މުއާމަލާތްތަކަށް ދައްކަންޖެހޭ އަދަދާއި އެއްވަރާއި ގާތަށްވެސް ޑޮލަރު ގަންނަން ނުލިބޭތީ ކަމަށެވެ.
މިގޮތުން ބޭންކަށް ގަންނަން ލިބެނީ 60$ މިލިޔަން ޑޮލަރު ކަމަށާއި ކާޑުން ކުރާ ވިޔަފާރީގެ މުއާަމަލާތްތަކަށް ދައްކަންޖެހޭ އަދަދު އޭގެ ދެގުނަ އިތުރު ކަމުގައި ބޭންކުގެ ސީއީއޯ، އަދި މެނޭޖިން ޑައިރެކްޓަރ ކާރލް ސުޓުމްކް ވިދާޅުވިއެވެ.
ހެނދުނު ބޭންކުން ނިންމި ނިންމުމާއިއެކު އާއްމުން ގެންދިޔައީ ނުރުހުން ފާޅުކުރަމުންނެވެ.
