ބޭންކް އޮފް މޯލްޑިވްސް އުފެދުނީއްސުރެ އެބޭންކުގައި ވަޒީފާއަދާކުރެއްވި އައިޝަތު ނޫރައްދީން މަޤާމުން ވަކިވެވަޑައިގެންފި

އޭނާ މަޤާމުން ވަކިވެވަޑައިގެންނެވި އިރު ހުންނެވީ، ބޭންކް އޮފް މޯލްޑިވްސްގެ ޑެޕިއުޓީ ސީއީއޯގެ މަޤާމުގައެވެ. ބޭންކު ހިންގެވުމުގައި އަމަލީ ގޮތުން އައިޝަތު ވަނީ ދިގު މުއްދަތެއް ހޭދަކުރައްވާފައެވެ. ބޭންކުގެ ބޯޑުގައިވެސް އޭނާ މަސައްކަތް ކުރެއްވި އިރު އޮގަސްޓްމަހު އޭނާ ބޯޑުން އިސްތިއުފާ ދެއްވީ، ބޭންކުން ކާޑުތަކަށް ޑޮލަރު ލިމިޓް ކުރުމަށް އިއުލާނުކުރި އުސޫލާއި ގުޅިގެން، ބަޣާވާތެއްގެ ތުހުމަތުތައް ސަރުކާރުން ބޭންކަށް ތުހުމަތުކޮށްފައި އޮތް ދަނޑިވަޅެއްގައެވެ.