ބޭންކް އޮފް މޯލްޑިވްސް ބީއެމްއެލްގެ ޕީއޯއެސް މެޝިންތަކާއި އޭޓީއެމްގެ ޚިދުމަތް މިހާރު ލިބޭނެ ކަމުގައި އެ ބޭންކުން ބުނެފިއެވެ.

ރެއިން ފެށިގެން ބީއެމްއެލްގެ ކަސްޓަމަރުންނަށް ފައިސާގެ މުއާމަލާތްތައް ކުރުމުގައި ވަނީ ދަތިތަކާއި ކުރިމަތިވެފައެވެ. މިއަދު ފަތިހުން ފެށިގެން ބީއެމްއެލްގެ އިންޓަރނެޓް ބޭންކިންގެ ޚިދުމަތް މެދު ކެނޑިގެން ދިޔައިރު، އޭޓީއެމްތަކުންނާއި ޕީއޯއެސް މެޝިން (ކާޑު މެޝިން) ތަކުގެ ޚިދުމަތްވެސް 10 ވަރަކަށް ގަޑިއިރަށް މެދު ކެނޑިގެން ދިޔައެވެ.

އަދިވެސް ބީއެމްއެލްގެ އިންޓަރނެޓް ބޭންކިންގެ ޚިދުމަތްތައް އަލުން ފޯރުކޮށްދޭކަން ނުފެށެވެ. އެބޭންކުން ވިދާޅުވީ، ޚިދުމަތްތަކަށް ބުރޫ އަރާފައި ވަނީ ޓެކްނިކަލް މައްސަލައެއް ކުރިމަތިވެގެންކަމަށެެވެ.

ގިނަ އިރުތަކަކަށް ބޭންކުގެ ޚިދުމަތް މެދު ކެނޑިގެން ދިޔައިރު، އެކަމުގެ ސަބަބުން އާާއްމުންނަށާއި ވިޔަފާރިތަކަށް ބޮޑެތި ދަތިތަކާއި ކުރިމަތިލާންޖެހުނެވެ. ބީއެމްއެލްއަކީ، ރާއްޖޭގައި އެންމެ ކަސްޓަމަރުން ގިނަ ބޭންކެވެ.