ބޭންކް އޮފް މޯލްޑިވްސްގެ ސީއީއޯ ކާރލް ސްޓުމަކް މަޤާމުން އިސްތިއުފާ ދެއްވުމަށް ހުށައަޅުއްވައިފިއެވެ.

ބީއެމްއެލްގެ ވެބްސައިޓުގައި ޝާއިއުކުރި ބަޔާނުގައި ބުނެފައި ވަނީ، ސްޓްމަކް މަޤާމުން އިސްތިއުފާ ދެއްވުމަށް ހުށައަޅުއްވާފައި ވަނީ އިއްޔެ ކަމަށެވެ. އަދި ކާލް ބޭންކުގެ ސީއީއޯގެ މަޤާމުގެ ހުންނަވާނީ، މިމަހުގެ 21 ވަނަ ދުވަހު ބޭއްވުމަށް ހަަމަޖެހިފައިވާ، އެކުންފުނީގެ އެކްސްޓްރާ އޯޑިނަރީ ޖެނެރަލް މީޓިންއާ ހަމައަށް ކަމުގައިވެސް ބީއެމްއެލްއިން ހާމަކޮށްފައިވެއެވެ.

ބީއެމްއެލްއިން ހާމަކޮށްފައިވާ ގޮތުގައި، ޑިރެކްޓަރުންގެ ބޯޑުން ބޭންކުގެ ސީއީއޯގެ މަޤާމަށް ބޭފުޅަކު ހަމަޖައްސަވަންދެން، ކާލް އިސްތިއުފާ ދެއްވުމަށް ފަހުގައި ހިނގާ މުއްދަތުގެ ތެރޭގައި ބޭންކު ހިންގަވާނީ ޑެޕިއުޓީ ސީއީއޯއެވެ.

ބޭންކް އޮފް މޯލްޑިވްސްގެ ސީއީއޯ ކާރލް ސްޓުމަކް މަޤާމުން އިސްތިއުފާ ދެއްވާފައި މިވަނީ، އޭނާގެ މާލީ ބަޣާވާތެއްގެ ތުހުމަތުކޮށް އެމައްސަލަ ތަޙްޤީޤު ކުރަމުންދާ ދަނޑިވަޅެއްގައެވެ.