މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރ އިޙްސާން ވިދާޅުވީ، ކުޑަކުދިންގެ ޢަދުލުގެ ޤާނޫނަށް ގެންނަށް އެ އިސްލާޙްގެ ބޭނުމަކީ، އެއްވެސް ޙާލެއްގައި ކުޑަކުދިން ޖަލަށްލައިގެން ގެންގުޅުމެއް ނޫންކަމަށާއި، އޭގެ ބޭނުމަކީ 12 އަހަރުންފެށިގެން، ކުށުގެ ވެށިން ފެންނަ ކުދިން، އަދި ކުށުގެ ވެއްޓަށް ހުށައެޅިދާނެ ކަމަށް ފެންނަ ކުދިން، އަދި ދޭތެރެ ދޭތެރެއިން ކުށުގެވެށިން ހައްޔަރު ކުރެވި ނުވަތަ ފުލުހުންގެ ބެލުމުގެ ދަށަށް ގެނެވޭ ކުދިން، ކުށުގެ ވެށިން ސަލާމަތްކޮށް ރިހެބިލިޓޭޓް ކުރުން ކަމަށެވެ. އަދި މީގެ ކުރިން 15 އަހަރުގެ ކުޑަކުދިންގެ މައްޗަށް ޖިނާޢީ ދައުވާތައްވެސް އުފުލިފައި ހުރިކަން މިނިސްޓަރ ފާހަގަކުރެއްވިއެވެ.

މިނިސްޓަރ ގެ މެސެޖުގައި އިތުރަށް ވިދާޅުވީ، މިއަދު ފާހަގަކުރާ ދުނިޔޭގެ ނަރުހުންގެ ދުވަހާއި ގުޅިގެން، ނަރުހުންގެ ގޮތުގައި ދެމި ތިއްބެވި، އެންމެހާ ދިވެހި ނަރުހުންނަށް ބައިބަލްއަގްވާމީ ނަރުހުންގެ ދުވަހުގެ ތަހުނިޔާ ފޮނުއްވާ ކަމަށެވެ. މީގެ އިތުރުން، އިންސާނިއްޔަތަށް ޚިދުމަތް ކުރުމުގައި ޣައްޒާގައި ސިއްޙީ ޚިދުމަތުގައި މަސައްކަތްކުރަމުންދާ އެންމެހާ ނަރުހުންނަށް ކެތްތެރިކަމާއި ސާބިތުކަން ދެއްވުމަށް އެދި އެމަނިކުފާޏު ދުޢާކުރައްވާފައި ވެއެވެ.

އިއްޔެ ބޭއްވެވި ނޫސްވެރިންގެ ބައްދަލުވުމުގެ ހަވާސާގައި، ޤަތަރު ދަތުރުފުޅުގައި ފުރާ ވަޑައިގަންނަވާކަން މިނިސްޓަރ ޒަމީރު ވަނީ ހާމަކުރައްވާފައެވެ. އެކަމާއި ގުޅޭ ގޮތުން ފޮރިން މިނިސްޓްރީން ވިދާޅުވީ، މިނިސްޓަރ ޒަމީރުގެ މިދަތުރުފުޅުގައި، ގަތަރުގެ ބޮޑުވަޒީރާއި ހާރިޖީ ވަޒީރާއި މިނިސްޓަރ ޒަމީރު ބައްދަލު ކުރައްވައި، ދެ ޤައުމުގެ އިސްވެރިންގެ މަޝްވަރާތައް ކުރިޔަށް ގެންދަވާނެ ކަމަށެވެ.

ރައިސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި މިބައްދަލުވުން ކުރިޔަށް ދިޔައީ، މަދީނާގައި އިއްޔެއެވެ. އަދި މިބައްދަލުވުމުގައި މަދީނާގައި ތަޢުލީމު ޙާޞިލްކުރަމުންދާ 24 ދަރިވަރަކު ބައިވެރިވި ކަމުގައި ރައީސުލްޖުމްހޫރިއްޔާގެ އޮފީހުން ވިދާޅުވިއެވެ.

ރައީސުލްޖުމްހޫރިއްޔާގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ޑިފެންސް މިނިސްޓަރ ޣައްސާނު މައުމޫނު ވިދާޅުވީ، ރައީސުލްޖުމްހޫރިއްޔާގެ ވައުދުފުޅާއި އެއްގޮތަށް ރާއްޖޭގައި ތިބި އިންޑިއާގެ ހުރިހާ ސިފައިން މިހާރު އަނބުރާ ފޮނުވާލެވިފައިވާ ކަމަށެވެ. އަދި އުތުރު ތިލަފަޅުގައި އިންޑިއާ ސިފައިންގެ އެއްވެސް މީހަކު ނެތްކަމުގައިވެސް މިނިސްޓަރ ޣައްސާނު މައުމޫނު ވިދާޅުވިއެވެ.

މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި، ޑިފެންސް މިނިސްޓަރ ޣައްސާނު މައުމޫން ވިދާޅުވީ، ރާއްޖޭގައި އިންޑިއާ ސިފައިން ތިބި އިރު ދިވެހި ސަރުކާރުގެ ހުއްދަ ނެތި ހެލިކޮޕްޓަރު އޮޕަރޭޓް ކުރި ކަމަށާއި، އެމަނިކުފާނު މަޖިލީހުގެ މެމްބަރު ކަމުގައި ހުންނެވި އިރު އެފަދަ މައްސަަލައެއް ރައްޔިތުންގެ މަޖިލީހުގެ 241 ކޮމިޓީން ތެރެއިން ބަލާފައިވާ ކަމަށެވެ. މިގޮތުން ޣައްސާނު ވިދާޅުވީ، ދިވެހި ސަރުކާރުގެ ހުއްދަ ނެތި، އިންޑިއާ ހެލިކޮޕްޓަރުގައި އިންޑިއާ ސިފައިން، ކޮޅުމަޑުލު ތިމަރަފުށީ އެއާޕޯޓަށް ޖައްސާފައިވާ ކަމަށެވެ. އެހެން ނަމަވެސް އެހާދިސާ އާއި ގުޅޭ ގޮތުން ތަކުރާރުކޮށް ނޫސްވެރިން ސުވާލު ކުރުމުންވެސް އެކަމާއި ގުޅޭ ގޮތުން އިތުރު މައުލޫމާތެއް މިނިސްޓަރ ޣައްސާނު ނުދެއްވައެވެ.

ފޮރިން މިނިސްޓަރ މޫސާ ޒަމީރު ވިދާޅުވީ، ސިވިލިއަނުންގެ ގޮތުގައި ރާއްޖެ އައި މީހުންވެސް ރާއްޖޭގައި ތިބުމައް މުއްދަތުތަކެއް ކަނޑައެޅިފައިވާ ކަމަށެވެ. އެގޮތުން، މިގޮތުން ދިވެހި ސަރުކާރާއި އިންޑިއާ ސަރުކާރާއި ދެމެދު ބަދަލުކުރެވިފައިވާ ލެޓަރ އޮފް އެކްސްޗޭންޖްގެ ދަށުން، ލ. ކައްދޫ އާއި ސ. ގަމުގައި ތިބި އިންޑިއާގެ އާއްމުން ތިބޭނީ، 2025 ވަނަ އަހަރުގެ ފެބުރުއަރީ މަހާއި ހަމައަށް ކަމަށާއި، ހދ. ހަނިމާދޫގައި ތިބި ތިބި އިންޑިއާގެ އާއްމުން ތިބޭނީ، 2026 ވަނަ އަހަރުގެ ފެބުރުއަރީ މަހަށް ކަމުގައި ފޮރިން މިނިސްޓަރ މޫސާ ޒަމީރު ވިދާޅުވިއެވެ. މިނިސްޓަރ ޒަމީރު ވިދާޅުވީ، އެމީހުން ރާއްޖޭގައި ބޭތިއްބުމުގެ ބޭނުމެއް އޮތް މިންވަރުގެ މައްޗަށް ބަލައިގެން މުއްދަތު އިިތުރު ކުރުމާއި ގުޅޭ ގޮތުން ދެ ސަރުކާރުގެ ދެމެދުގައި ވާހަކަދައްކައި ގޮތްތައް ނިންމާނެ ކަމަށެވެ.

ރައީސުލްޖުމްހޫރިއްޔާގެ އޮފީހުގައި މިއަދު ބޭއްވެވި ނޫސްވެރިންގެ ބައްދަލުވުމުގައި ފޮރިން މިނިސްޓަރ މޫސާ ޒަމީރު ވިދާޅުވީ، ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވަޢުދުވެވަޑައިގެންނެވި ގޮތަށް، އިންޑިއާ ސިފައިން ރާއްޖެއިން ބޭލުމުގެ ކަންކަން މިހާރުވަނީ ފުރިހަމަ ކުރެވިފައި ކަމަށެވެ. މިގޮތުން ރާއްޖޭގައި ތިބި އިންޑިއާގެ ހުރިހާ ސިފައިން މިހާރު ވަނީ އެޤައުމުން އަނބުރާ ގެންގޮސްފައިވާ ކަމަށާއި، ރާއްޖޭގައި ތިބި އިންޑިއާ ސިފައިންގެ އެންމެ ފަހު ގުރޫޕް ރާއްޖެއިން ގޮސްފައި ވަނީ މެއި 9 ގައި ކަމުގައި މިނިސްޓަރ ޒަމީރު ވިދާޅުވިއެވެ.

މިރޭ ބޭއްވި އދ.ގެ އާއްމު މަޖިލީހުގެ 10 ވަނަ ކުއްލި ބައްދަލުވުމުގައި، ފާސްކުރި މިޤަރާރަކީ ދިވެހިރާއްޖެއިން ކޯ ސްޕޮންސަރކޮށްފައިވާ ޤަރާރެކެވެ. މިހާތަނަށް ފަލަސްޠީނު ހިމަނާފައި ވަނީ، އދ.ގެ އޮބްޒާވަރ ޤައުމެއްގެ ގޮތުގައެވެ. މިޤަރާރު ފާސްވި ނަމަވެސް އަދިވެސް އދ. ގެ މެމްބަރު ޤައުމުތަކަށް ލިބިދެވޭ ހުރިހާ ޙައްޤެއް ފަލަސްޠީނަކަށް ނުލިބެއެވެ.

މިނިސްޓަރ އިހްޞާން ވިދާޅުވީ، އޮޕަރޭޝަން ”ކުރަނގި“މިވަގުތު ހިނގަމުންދަނީ ކ. ހިންމަފުށީގައި ކަމަށާއި، ހިންމަފުށި ކައުންސިލުން މިކަމަށް ދެއްވާ އެއްބާރުލުމަށް ޝުކުރު އަދާކުރައްވާ ކަމަށެވެ. އަދި ދާދި އަވަހަށް ރާއްޖޭގެ ފަސް ސަރަހައްދެއްގައި އެއްފަހަރާ މި މަސައްކަތް ފެށޭނެ ކަމުގައިވެސް މިނިސްޓަރ އިހްސާން ވިދާޅުވިއެވެ.

ޤައުމީ ކުޑަކުދިންގެ ދުވަސް ފާހަގަކުރުމުގެ މަޤްސަދަކީ މުޖުތަމަޢުގެ ކުޑަކުދިންގެ ޙައްޤުތަކާއި އެކުދިންގެ ކަރާމާތް ހިމާޔަތްކުރުމުގެ އިތުރުން އެކުދިންގެ އުފާވެރި އަދި ދުޅަހެޔޮކަމަކީ މުޖުތަމަޢުއެއްގައި އެންމެހާ ފަރުދުންގެ މަސްޢޫލިއްޔަތެއްކަން ހަނދާންކުރުން ކަމުގައި، އާއިލާ އާއި ބެހޭ މިނިސްޓްރީން ވިދާޅުވެފައި ވެއެވެ.

ރައީސުލްޖުމްހޫރިއްޔާގެ ޚިޠާބުގައި ވިދާޅުވީ، ރާއްޖޭގެ އެކި ރަށްރަށަށް އެމަނިކުފާނު ކުރައްވަމުން ގެންދަވާ ޒިޔާރަތްތަކުގައި ވަރަށް ގިނަ ކުޑަކުދީން، އެކުދީން ކުޅިވަރުކުޅެ އުޅޭނެ ޒަމާނީ ޕާކެއް އެރަށްރަށުގައި ބިނާކޮށްދިނުމަށް އެދެމުންދާ ކަމަށެވެ. އަދި އެކަމަށް އިޖާބަ ދެއްވައި ރާއްޖޭގެ ހުރިހާ ރަށެއްގައި ކުޑަކުދިންގެ ޕާކުތައް ބިނާކޮށްދެއްވާނެ ކަމުގައި ރައީސުލްޖުމްހޫރިއްޔާ ވަނީ ވިދާޅުވެފައެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، މިއުމުރާ ދަތުރުފުޅުގައިި އެ ދެކަނބަލުންގެ އަރިހުގައި ސަރުކާރުގެ މަތީފަންތީގެ ވަފުދެއް ވަނީ ގެންދަވާފައެވެ. މިގޮތުން، ރައީސުލްޖުމްހޫރިއްޔާގެ އަރިހުގައި މިނިސްޓަރ އޮފް އިސްލާމިކް އެފެއާޒް ޑޮކްޓަރ މުޙައްމަދު ޝަހީމް ޢަލީ ސަޢީދު، އިސްލާމީ މަރުކަޒުގެ އިސް އިމާމު ފަޟީލަތުއްޝައިޚް މުޙައްމަދު ލަޠީފް، ރައީސުލްޖުމްހޫރިއްޔާގެ އޮފީހުގެ ޗީފް އޮފް ސްޓާފް ޢަބްދުﷲ ފަޔާޟް، މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ޕްރެޒިޑެންޝަލް އެފެއާޒް ޢަލީ ޢާރިފް، މިނިސްޓަރ އެޓް ދަ ޕްރެޒިޑެންޓްސް އޮފީސް ޢަބްދުﷲ ނާޞިރު ބައިވެރިވެވަޑައިގެންނެވިއެވެ.

ފުލުހުންގެ އިދާރާއިން ވިދާޅުވީ މިރޭ ކުރިޔަށް ގެންދިޔަ އޮޕަރޭޝަނުގައި ހައްޔަރުކޮށްފައި ވަނީ ދިވެހި ހަތް ފިރިހެނުންނާއި، ދިވެހި އަންހެނެކެވެ. މި އޮޕަރޭޝަނާއި ގުޅޭ އިތުރު މައުލޫމާތެއް ފުލުހުން ހާމައެއް ނުކުރެއެވެ. އެހެން ނަމަވެސް ފުލުހުން ވިދާޅުވީ އެމައްސަލަ ތަޙްޤީޤު ކުރަމުންދާ ކަމަށެވެ.

އީޕީއޭއިން ބުނީ، މި ދުވަސްވަރަކީ ކަނޑުތަކުގެ ލޮނުގަނޑުގެ ހޫނުމިން މަތިވުމުގެ ސަބަބުން ފަރުތަކުން ގާހުދުވަމުންދާ ދުވަސްވަރަކަށް ވާތީ، ޖޫން މަހުގެ 10 ވަނަ ދުވަހާއި ހަމައަށް، ބިންހިއްކުމާއި ފަޅު ފުންކުރުން ފަދަ ފަރުތަކަށް ގެއްލުން ލިބޭ ޢުމުރާނީ ތަރައްޤީގެ މަޝްރޫޢުތައް ވަގުތީ ގޮތުން ހުއްޓާލުމަށް އަންގާ ކަމަށެވެ.

މި ރަސްމިއްޔާތުގައި ކޯހުގެ ދަރިވަރުންނަށް ބަޑި ހަވާލުކޮށްދެއްވީ ރާއްޖޭގެ ޢިއްޒަތްތެރި ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ ޑރ. މުޙައްމަދު މުޢިއްޒުއެވެ. އަސާސީ ތަމްރީނު ކޯހުގެ ދަރިވަރުންނަށް ހުވާ ލައިދެއްވީ ސްޕްރީމް ކޯޓުގެ ފަނޑިޔާރު އޮނަރަބަލް އަލްއުސްތާޛު މަހާޒް ޢަލީ ޒާހިރެވެ. އަދި ހަތިޔާރު ހަވާލުކުރާއިރު އަންގަވާ އެންގުން އިއްވައިދެއްވީ، ކޮލެޖު އޮފް ޑިފެންސް އެންޑް ސެކިޔުރިޓީ ސްޓަޑީޒް (ސީޑީއެސްއެސް) ގެ ޑެޕިއުޓީ ކޮމާންޑިންގ އޮފިސަރ، ކާނަލް އިބްރާހީމް އަޝްރަފްއެވެ.