މިއަދު ފާހަގަކުރަމުންދާ ދިވެހި ފުލުހުންގެ ޚިދުމަތުގެ ދުވަހުގެ މުނާޞަބަތުތައި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު، ދިވެހި ފުލުހުންނަށާއި ފުލުހުންގެ އާއިލާތަކަށް ދުވަހުގެ ހެޔޮއެދުމާއި ތަހްނިޔާ ފޮނުއްވައިފިއެވެ.

ރައީސުލްޖުމްހޫރިއްޔާގެ ތަޙްނިޔާގެ މެސެޖުގައި، ވަނީ، ދިވެހި ޤައުމާއި ރައްޔިތުންނަށްޓަކައި، ރެޔާއިދުވާލު ދިވެހި ފުލުހުން ދެއްވާ ޒިންމާދާރު ޚިދުމަތަށް ފަޚުރުވެރިވެ، ޝުކުރު އަދާކުރައްވާފައެވެ.

ފުލުހުންގެ ޚިދުމަތުގެ ދުވަސް ފާހަގަކުރުމަށް ދިވެހި ފުލުހުންގެ ޚިދުމަތުން މިއަދު ދަނީ ޚާއްޞަ ހަރަކާތްތަކެއް ކުރިޔަށް ގެންދަން ފަށާފައެވެ. މިގޮތުން، ބޭއްވި ޚާއްޞަ ރަސްމީ ޖަލްސާ އޮތީ މިއަދު އިސްކަންދަރު ކޮށީގައެވެ.

މީގެ އިތުރުން ފުލުހުންގެ އާސާރުތައް ދައްކާލުމާއި، ފުލުހުންގެ ޚިދުމަތުގައި ދިގުމުއްދަތަށް ޚިދުމަތްކުރައްވާފައިވާ މުވައްޒަފުންގެ އަގުވަޒަންކުރުމުގެ ގޮތުން ބާއްވާ ޚާއްޞަ ރަސްމިއްޔާތެއްވެސް މިއަދު އޮންނާނެއެވެ.