ރައީސުލްޖުމްހޫރިއްޔާގެ އޮފީހުގެ، ދެކުނު ފަރާތުން އޮންނަ އޮންނަ، އަމީރު އަހުމަދު މަގުގައި ހުރި އިމާރާތްތަކަކަށް ގެއްލުންދީ ވައްކަންކޮށްފިއެވެ.

އަމީރު އަހުމަދު މަގަކީ، ރާއްޖޭގެ އެންމެ ސަލާމަތީ ފިޔަވަޅުަތައް ވަރުަގަދަކޮށްފައިވާ އިމާރާތްތައް ހުންނަ މަގެވެ. އޭގެ ތެރޭގައި ސިފައިންގެ މައި މަރުކަޒާއި، ޝަހީދު ހުސައިން އާދަމް ބިލްޑިންގ އާއި ވެލާނާގޭ އޮފީސް ޢިމާރާތް ހިމެނެއެވެ. އަދި އެއީ ކުރިން އިންޑިއާ އެމްބަސީ ހިންގި، ހ. އަތިރީގެ ވެސް ހުންނަ މަގެވެ. މީގެ އިތުރުން އިސްރަށްވެހިންގެ ނާދީ އާއި، ހޮޓެލް ޖެން އާއި، މޯލްޑިވްސް ކޮމާޝަލް ބޭންކުވެސް ހުންނަނީ އެ މަގުގައެވެ.

ފުލުހުންގެ އިދާރާއިން ވިދާޅުވީ، ރޭ އެމަގުގައި ހުރި 3 އިމާރާތަކަށް ގެއްލުންދީ ވައްކަންކޮށްފައިވާ ކަމުގެ މައުލޫމާތު ލިބިފައިވާ ކަމަށާއި، އެ މައްސަލަ ފުލުހުން ބަލަމުން ގެންދާ ކަމަށެވެ.

ފުލުހުން މީޑިއާތަކަށް ދިން މައުލޫމާތުގައި، ގެއްލުންދީ ވައްކަންކޮށްފައި ވަނީ ކޮން އިމާރާތްތަކަކުން ކަމެއް ހާމަކޮށްފައެއް ނުވެއެވެ.