އަންހެނަކު ރަހީނުކޮށް، އެ އަންހެންމީހާ މަރާލާނެކަމަށް ބުނެ ފުލުހުންނަށް އިންޒާރުދިް އަޠުހަރު އަމިއްލައަށް މަރުވާން މަސައްކަތްކޮށްފައިވާ ކަމަށާއި އޭނާއަށް ފަރުވާދެމުން އަންނަ ކަމުގައި ދިވެހި ފުުލުހުންގެ ޚިދުމަތުން ވިދާޅުވެއްޖެއެވެ.

އަޠުހަރު އަމިއްލައަށް މަރުވެއްޖެ ކަމަށް ބުނެ، ބައެއް މީޑިއާތަކުން ފަތުރަމުން އަންނަ ޚަބަރު ފުލުހުންގެ އިދާރާއިން ވަނީ ދޮގުކޮށްފައެވެ. ފުލުހުންގެ އިދާރާއިން ވިދާޅުވީ، އޭނާ އަމިއްލައަށް މަރުވުމަށް މަސައްކަތްކޮށްފައިވާ ކަމަށާއި، އެހެން ނަމަވެސް އަދި އޭނާގެ ފުރާނަ އެބަހުރިކަމަށް ޑޮކްޓަރުން ވިދާޅުވެފައި ވާކަމަށެވެ.

ބުރާސްފަތި ދުވަހުގެ ރޭ  ށ. މިލަންދޫ ހެޕީލޭންޑް، އާދަމް އަޠުހަރު (32އ)ގެ އަޠުހަރު ވަނީ އަންހެނަކު ރަހީނުކޮށް އޭނާ ގެ ކަރުގައި ތޫނު އެއްޗެއް ޖައްސައި މަރާލާނެ ކަމުގެ އިންޒާރުދީ ހިފަހައްޓާފައެވެ. އަޠުހަރު ރަހީނުކުރި އަންހެން މީހާ ސަލާމަތް ކުރުމަށް، ފުލުހުން ކުރި މަސައްކަތުގައި ފުލުހުން ވަނީ އަޠުހަރުގެ ބޮލުގައި މުގުރަކުން ޖަހައި އޭނާ ބިންމައްޗަށް ވައްޓާލާފައެވެ. އަދި އޭނާ ބިންމައްޗަށް ވެއްޓެމުން ދިޔަ ވަގުތު، އޭނާގެ އަތުގައި އޮތް ތޫނު ހަތިޔާރުން އަންހެންމީހާއަށް ހަމަލާދޭން އުޅުމުން އެކަމަށް ހުރަސްއަޅައި ހިފެހެއްޓީވެސް ފުލުސް އޮފިސަރުވެސް ޒަޚަމްވިއެވެ.

އަޠުހަރަށް ލިބުނު އަނިޔާތަކަށް އޭޑީކޭ ހޮސްޕިޓަލްގައި ފަރުވާ ދިނުމަށްފަހުގައި، ދޫކޮށްލުމުން ފުލުހުން އޭނާ ހައްޔަރުކުރިއެވެ. އަދި ދެވަނަ ފަހަަރަށް އޭނާގެ ހާލު ގޯސްވާތީ ފުލުހުން ވަނީ އައިޖީއެމް ހޮސްޕިޓަލަށް އޭނާ ގެންގޮސް ފަރުވާ ދީފައެވެ. އަދި އޭނާގެ ޣައިރު ޙާޟިރުގައި އޭނާ ޝަރީއަތް ނިމެންދެން ބަންދުކޮށްފައި ބެހެއްޓުމަށް ކުރިމިނަލްކޯޓުން ވަނީ އަމުރު ދީފައެވެ.