Advertisement
ޕީއެސްއެމްގެ ކުރީގެ މެނޭޖިންގ ޑައިރެކްޓަރ ޒީނާ ޒާހިރު ---
ޕީއެސްއެމްގެ މެނޭޖިން ޑިރެކްޓަރުގެ މަޤާމުން ޒީނާ ޒާހިރު އިސްތިއުފާ ދެއްވައިފި
ޕަބްލިކް ސަރވިސް މީޑިއާ ޕީއެސްއެމްގެ މެނޭޖިންގ ޑައިރެކްޓަރު ކަމުގެ މަޤާމުގައި ހުންނެވި ޒީނާ ޒާހިރު އެމަޤާމުން މިއަދު އިސްތިއުފާ ދެއްވައިފިއެވެ.
ޒީނާ މަޤާމުން އިސްތިއުފާ ދެއްވިކަން ޔަޤީންކޮށްދެއްވި ނަމަވެސް އޭނާ އިސްތިއުފާ ދެއްވި ސަބަބެއް ހާމައެއް ނުކުރައްވައެވެ. ހަމައެކަނި ވިދާޅުވީ މިއަދު ހަވީރު މަޤާމުން އިސްތިއުފާ ދެއްވާފައިވާ ކަަމަށެވެ.
ޒީނާ މަޤާމުން އިސްތިއުފާ ދެއްވުމާއި ގުޅިގެން އޭނާ އެކުންފުނީގެ މެނޭޖިންގ ޑިރެކްޓަރުގެ މަޤާމުގައި ހުންނަވައިގެން ކޮށްދެއްވި ޚިދުމަތްތަކަށް ކުންފުނީގެ ފަރާތުން ވަނީ ޝުކުރު އަދާކުރައްވާފައެވެ.
2005 ވަނަ އަހަރު މިއަދު ނޫހުން ނޫސްވެރިކަމުގެ ތެރެއަށް ވަޑައިގެންނެވި، ޒީނާ ވަނީ، ވީޓީވީގައިވެސް ނޫސްވެރިއެއްގެ ގޮތުގައި މަސައްކަތްކުރައްވާފައެވެ. އަދި ރައީސް ޔާމީންގެ ދައުރުގައި ބްރޯޑްކާސްޓިންގ ކޮމިޝަންގެ މެމްބަރުކަމުގެ މަޤާމުވެސް ޒީނާ ފުރުއްވިއެވެ.
ނޫން.އެމްވީގެ "ކޮފީ ވިތު ސުލައިމާން" ޕްރޮގްރާމްގައި ބައިވެރިވެވަޑައިގެން ދެއްކެވި ވާހަކަފުޅުގައި، ޒީނާ ވަނީ އޭނާ މަސައްކަތް ކުރައްވާނީ، ދައުލަތުގެ މީޑިއާއަކީ ހުރިހާ ރައްޔިތުންގެ އަޑު ގެނެސްދެއްވުމަށް ކަމަށެވެ. އަދި ކުންފުންޏާއި ހަވާލުވެވަޑައިގެންނެވި އިރު ބޮޑެތި ދަރަނިތަކާއި މާލީ ގޮންޖެހުންތައްވެސް އޮތްކަން ޒީނާ ފާހަގަކުރެއްވިއެވެ.
