Advertisement
ކުރީގެ ރައީސް މުޙައްމަދު ނަޝީދު --
މިވަގުތު ހުރިހާ ސިޔާސީ ލީޑަރުންގެ ޒިންމާބޮޑު: ރައީސް ނަޝީދު
ރާއްޖޭގެ އިޤުތިޞާދީ ޙާލަތު އޮތް ގޮތުން ހުރިހާ ސިޔާސީ ލީޑަރުންގެ ޒިންމާ ބޮޑު ކަމުގައި ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ، މިއަދު ޤައުމީ ބޭންކް ބީއެމްއެލްއިން ގެނައި ބޮޑު ބަދަލާއި ގުޅިގެން އާއްމުން އިންތިހާއަށް ކަންބޮޑުވުން ފާޅުުކުރަމުންދާ ދަނޑިވަޅެއްގައި އެކްސްގައި ލިޔުއްވި ޕޯސްޓެއްގައެވެ.
ރައީސް ނަޝީދު އެކްސްގައި ކުރެއްވި ޕޯސްޓްގަިއ ވިދާޅުވީ، މާލީ ޙާލަތު މިހިސާބަށް ދިޔަ ގޮތާއި، ދެން ވެދާނެ ކަމަށް ލަފާކުރެވޭ ގޮތާއި، އަދި އަރައިގަތުމަށް އަމަލުކުރަން ރާވާފައިވާ ގޮތްތައް ސާފު ބަހުން ރައްޔިތުންނަށް ކިޔައިދޭން ޖެހޭނެ ކަމަށެވެ.
ރައީސް ނަޝީދަކީ، ރައްޔިތުންގެ މަޖިލީހުގެ ތެރެއިން ނިޒާމް ބަދަލުކޮށް ވެރިކަން ބަދަލުކުރައްވަން މަސައްކަތް ކުރައްވައި އަދި ފަހުން އެމްޑީޕީ ސަރުކާރާއި ދެކޮޅަށް ނުކުންނަވައި، އެމްޑީޕީ ސަރުކާރު ބަދަލުކޮށް، ރައީސުލްޖުމްހޫރިއްޔާ ކަމުގެ މަޤާމަށް ޑރ. މުޙައްމަދު މުޢިއްޒު ގެންނެވުމަށްޓަކައި ޢަމަލާއި ބަހުން މަސައްކަތް ކުރެއްވި ބޭފުޅެކެވެ. މިވަގުތު އެމަނިކުފާނު ހުންނެވީ ރާއްޖެއިން ބޭރުގައެވެ.
