ބަނގުލަދޭޝް މީހަކު، ރާއްޖެއިން، ވަގަށް 81000 ޑޮލަރު ހިފައިގެން ފުރަން އުޅެނިކޮށް އެއާޕޯޓުން ހިފަހައްޓައިފިއެވެ.

އޭވިއޭޝަން ސެކިއުރިޓީ ކޮމާންޑުން ހާމަކޮށްފައިވާ ގޮތުގައި، މިއަދު (25 އޯގަސްޓް 24) ޔޫއެސް ބަންގްލާ އެއަރލައިންސް (BS338) އިން މާލެއިން ޑާކާއަށް ދަތުރުކުރަން ދިޔަ ބަންގްލަދޭޝް ރައްޔިތެއްގެ ލަގެޖްގައި ފޮރުވައިގެން ޤަވާޢިދާއި ޚިލާފަށް ރާއްޖެއިން ބޭރުކުރަން އުޅުނު 81030 ޑޮލަރު ވަނީ އަތުލައިގެންފައެވެ.

އެމީހާ މަސައްކަތްކޮށްފައި ވަނީ، ސީރިއަލް ޕަކެޓެއްގެ ތެރޭގައި ޑޮލަރުގެ ނޫޓުތައް ފޮރުވައިގެން ރާއްޖެއިން ބޭރަށް ގެންދިޔުމަށެވެ. 

ޑޮލަރުތައް ފޮރުވާފައި ހުރި ޕަކެޓް --

އޭވިއޭޝަން ސެކިއުރިޓީ ކޮމާންޑުން ވިދާޅުވީ، އެމީހާ އާއި ފައިސާ ކަމާއި ބެހޭ ފަރާތްތަކާއި މިހާރު ހަވާލުކޮށްފައިވާ ކަމަށެވެ.

ރާއްޖޭގައި ޤަވާއިދާއި ޚިލާފަށް އުޅޭ ބިދޭސީން ގިނަ އަދަދެއްގެ ޑޮލަރު،، ޤަވާއިދާއި ޚިލާފަށް ރާއްޖެއިން ބޭރު ކުރެއެވެ.