މި މޮނިއުމެންޓުން ފެނިގެންދަނީ އައު ޕެސެންޖަރ ޓަރމިނަލްގެ ކުލަވަރެވެ. އެގޮތުން މި މޮނިއުމެންޓުގައި ދެފަރާތުން ހުންނަ ދެ ކޮލަމުގެ މެދުގައި ބޭނުންކޮށްފައިވަނީ، ޕެސެންޖަރ ޓަރމިނަލުގެ ބޭރުން ފެންނަ ޑިޒައިނެވެ. އަދި މޮނިއުމެންޓުގެ އެންމެ މަތީގައި ހަރުކޮށްފައިހުރީ LED ސްކްރީންއެކެވެ. އެއަރޕޯޓުން މައުލޫމާތުދޭ ގޮތުގައި، މި ސްކްރީނުން ދައްކާނީ އެވަގުތަކު އެއަރޕޯޓުގައި ކުރިޔަށްދާ ހަރަކާތްތަކެވެ.

ވެލާނާ އިންޓަރނޭޝަނަލް އެއާޕޯޓުގައި ޖައްސާފައި ވަނީ، ހަނގުރާމަމަތީ ހަތަރު މަތިންދާބޯޓާއި، އެ ބޯޓުތަކަށް އެހީތެރިކަން ފޯރުކޮށްދިނުމަށް އެކުގައި ދަތުރުކުރާ އަސްކަރީ އެހެން މަތިންދާބޯޓެވެ.

އައު ސީޕްލޭން ޓާމިނަލް ހުޅުވިތާ ދެ އަހަރު ފަހުން، އެތަން ޝެރަޓަން ފުލް މޫން ރިޒޯޓަށް ބަދަލުކުރަން ނިންމާފައިވާކަމަށް އިކޮނޮމިކް މިނިސްޓަރު، މުހައްމަދު ސައީދު، މިއަދު ވިދާޅުވެއްޖެއެވެ. މިނިސްޓަރ މިހެން ވިދާޅުވީ މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުންނެވެ.

އެމްއޭސީއެލުން ވަނީ، އެއާޕޯޓުގެ ހާބަރާއި މަގުތަކުގައި އީދާއި ގުޅޭ ޑިޒައިންތަކުގެ ބޮކިތަކާއި ގިޑިގެތައް ހަރުކޮށް ދިއްލާފައެވެ.

ވެލާނާ އިންޓަރނޭޝަނަލް އެއަރޕޯޓުގައި ތަރައްޤީކުރާ އައު ޓާމިނަލްގައި އެއިރޯ ބްރިޖް ހަރުކުރުމުގެ މަސައްކަތް ފަށައިފިއެވެ. މިއީ ރާއްޖޭގައި އެއިރޯ ބްރިޖެއް ގާއިމްކުރާ ފުރަތަމަ ފަހަރެވެ.

ޝަރީފް ވިދާޅުވީ، ވެލާނާ އިންޓަރނޭޝަލް އެއާޕޯޓު ތަރައްޤީކުރުމަށް މިހާރު ހިނގަމުންދާ މަޝްރޫޢު، ތަކުގެ ތެރެއިން އައު ޓަރމިނަލް ނިންމައި ޚިދުމަތް އަވަހަށް ފެށުމަށް ގިނަ މަސައްކަތްތަކެއް ކުރެވެމުން އަންނަ ކަންވެސް ޝަރީފް ފާހަގަކުރެއްވިއެވެ. މިގޮތުން އެކަމަަށް ބޭނުންވާ ޓާސްކްފޯސްތައް އުފައްދައި، މަސައްކަތް އަވަސް ކުރާނެ އިންތިޒާމްތައް ހަމަޖެހި ވަނީ ރޭވިފައި ކަމުގައިވެސް އޭނާ ވިދާޅުވިއެވެ. އަދި ރައީސުލްޖުމްހޫރިއްޔާގެ އިރުޝާދާއި އެއްގޮތަށް ސަރުކާރުން ބޭނުންވާ ސްޕީޑުގައި އެމަސައްކަތްތައް އަވަހަށްކޮށް ނިންމާލެވޭނެ ކަމުގައިވެސް ޝަރީފް ވިދާޅުވިއެވެ.

މިރަސްމިއްޔާތުގައި، ވާހަކަފުޅުދައްކަވަމުން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވީ، ވެލާނާ އިންޓަރނޭޝަނަލް އެއަރޕޯޓް ތަރައްޤީކުރުމަށް މިހާރު ހިނގަމުންދާ މަސައްކަތްތަކާ އެކުއެކީގައި މިރޭ އިފްތިތާހް ކުރެވުނު މި ބޮޑު މަޝްރޫޢުގެ މަސައްކަތްތައްވެސް ކުރިޔަށް ގެންދިޔުމަށް ރާވާފައިވާ ކަމަށެވެ. މިގޮތުން، މިހާރު ކުރިއަށްދާ އެއަރޕޯޓް ތަރައްޤީކުރުމުގެ މަޝްރޫޢަކީ އަހަރަކު ޖުމްލަ 7 މިލިޔަން ފަސިންޖަރުންނަށް ޚިދުމަތްދެވޭ ފެންވަރަށް އެއަރޕޯޓް ތަރައްޤީ ކުރުމުގެ މަސައްކަތެއް ނަމަވެސް މިރޭ އިފުތިތާޙް ކުރެއްވި މަޝްރޫޢާއެކު މުޅި މަޝްރޫޢުގެ މަސައްކަތް ނިމޭއިރު ޚިދުމަތްތަކާއި ވަޞީލަތްތައް ތަރައްޤީކުރެވި، އެއަދަދު ޖުމްލަ 25 މިލިޔަނަށް އިތުރުވެގެންދާނެކަން އެމަނިކުފާނު ފާހަގަކުރެއްވިއެވެ.

ރާއްޖެއަށް މިހާރު ކުރަމުންދާ ވިއްސާރައިގައި ވެލާނާ އިންޓަނޭޝަނަލް އެއަރޕޯޓްއަށް ޖައްސަން ހަމަޖައްސާފައިވާ ބައެއް ފްލައިޓްތައް ޑިލޭވެ ކެންސަލްވެއްޖެއެވެ.