ފިޠުރު އީދު ފާހަގަކުރުމުގެ ގޮތުން ވެލާނާ އިންޓަރނޭޝަނަލް އެއާޕޯޓުވެސް ދިއްލާލައިފިއެވެ.

އެމްއޭސީއެލުން ވަނީ، އެއާޕޯޓުގެ ހާބަރާއި މަގުތަކުގައި އީދާއި ގުޅޭ ޑިޒައިންތަކުގެ ބޮކިތަކާއި ގިޑިގެތައް ހަރުކޮށް ދިއްލާފައެވެ.

މިގޮތުން އިންޓަރނޭޝަނަލް ޓަރމިނަލް ޑޮމެސްޓިކް ޓާމިނަލްވެސް ވަނީ ދިއްލާފައެވެ.

މިއީ އެއާޕޯޓުގެ ތާރީޚުގައިވެސް ޢީދާއި ގުޅުވައިގެން މިގޮތަށް ދިއްލާލި ފުރަތަމަ ފަހަރެވެ.

މުސްލިމުންގެ ޢީދުތައް ކުލަގަދަކޮށް ފާހަގަކުރެއްވުމަށް ނިންމަވައި، ރައީސުލްޖުމްހޫރިއްޔާ ވަނީ އެކަން ކުންފުނިތަކަށާއި އިދާރާތަކަށް އަންގަވާފައެވެ.

އެއާޕޯޓުގެ އިތުރުން މާލެއާ އަތޮޅުތަކުގެ ރަށްތައްވެސް ވަނީ ޢީދު އަލިން ދިއްލާފައެވެ.