Advertisement

އެމްޑީޕީގެ ޗެއާ ޕަރސަން އަދި ކުރީގެ އިކޮނޮމިކް މިނިސްޓަރ ފައްޔާޒް އިސްމާޢީލް --

25 Aug 2024
ޚަބަރު
ޢަލީ ސުލައިމާން

ފައްޔާޒުގެ ރައްދު ސަޢީދަށް: ވިދާޅުވީ، ސަރުކާރުގައި ޤާބިލް ކަމެއް ނެތް ކަމަށް!

ރާއްޖޭގެ އިޤުތިޞާދީ ޙާލަތުގެ ކަންބޮޑުވުންތައް ހާމަކުރައްވައި، ކުރީގެ އިކޮނޮމިކް މިނިސްޓަރ ފައްޔާޒު އިސްމާޢީލް ޓްވިޓާގައި ކުރެއްވި ޕޯސްޓަށް، މިހާރުގެ އިކޮނޮމިކް މިނިސްޓަރ މުޙައްމަދު ސަޢީދު ޖަވާބު ދެއްވުމުން. ފައްޔާޒުވެސް ސަޢީދަށް ރައްދު ދެއްވައި މިސަރުކާރަކީ، ޤާބިލްކަމެއް އަދި ތަޞައްވަރެއްވެސް ނެތް ސަރުކާރެއް ކަމުގައި ވިދާޅުވެއްޖެއެވެ.

ބީއެމްއެލްގައި 42 އަހަރަށް ވުރެ ގިނަ ދުވަހު ޚިދުމަތް ކުރައްވާފައިވާ އަދި އެ ބޭންކުގެ ބޯޑު މެމްބަރެއްގެ ގޮތުގައި ހުންނެވި އައިޝަތު ނޫރައްދީން، ޕީސީބީން، މަޤާމުން ވަކިކުރުމާއި ގުޅިގެން ފައްޔާޒު ވަނީ ކަންބޮޑުވުން ފާޅު ކުރައްވާފައެވެ. 

އެކަމުގެ ކަންބޮޑުވުން ފާޅުކުރައްވައި ފައްޔާޒު ވިދާޅުވީ، މާލީ ނިޒާމުގެ ނަޒާހަތްތެރިކަން ދެމެހެއްޓުމުގެ ގޮތުން ވެސް ބޭންކް އޮފް މޯލްޑިވްސްއަށް ސަރުކާރުން ނުފޫޒު ފޯރުވުން ހުއްޓާލަން ޖެހޭ ކަމަށެވެ.  ބީއެމްއެލްއަކީ އިގުތިސޯދުގެ މުހިންމު ބައެއްކަމާއި މިނިވަންކަމާއެކު ބޭންކު ހިނގުމަށް ފުރުޞަތު އޮންނަން ޖެހޭނެ ކަމުގައިވެސް އޭނާ ފައްޔާޒު ވިދާޅުވިއެވެ.

ފައްޔާޒު ދެއްކެވި ވާހަަކަފުޅަށް މިސަރުކާރުގެ އިކޮނޮމިކް މިނިސްޓަރ މުޙައްމަދު ސަޢީދު ވަނީ އެކްސްގައި ރައްދު ދެއްވާފައެވެ. އައިޝަތު ނޫރައްދީން ބީއެމްއެލްގެ ބޯޑުން ވަކިކުރުން ދިފާޢު ކުރައްވައި، ސަޢީދު ވިދާޅުވީ، ވަކި މީހަކަށްވުރެ ޤައުމުގެ މަސްލަޙަތު މާމުހިއްމު ކަމަށެވެ.

"100އަހަރާއި ނުބައްދަލު ދަރަނި ނަގައި، އަޑި ނޭނގޭ ފުންމިނަށް އިޤްތިޞާދު ވައްޓައިލި 5 އަހަރުގެ މިނިސްޓަރު މިވާހަކަ ދެއްކުން ލަދުވެތި. މުޅިނިޒާމް އެފުށް މިފުށަށް ޖަހައި، ގައުމުގެ މާލިއްޔަތު އަނދަވަޅަކަށް ވައްޓައިލީ އެމްޑީޕީން. ވަކި މީހަކަށްވުރެ ޤައުމުގެ މަސްލަޙަތު މާމުހިއްމު."

އިކޮނޮމިކް މިނިސްޓަރ މުޙައްމަދު ސަޢީދު --

ސަޢީދަށް ރައްދު ދެއްވައި، އެމްޑީޕީގެ ޗެއާޕާސަން އަދި އިކޮނޮމިކް މިނިސްޓަރ ފައްޔާޒު އިސްމާޢީލް ވިދާޅުވީ، އެމްޑީޕީން އިޤުތިޞާދު އަޑިއަޅުވައިލި ކަމަށް ބުނާއިރު، މިސަރުކާރާއި މިނިސްޓަރ ސަޢީދުވެސް ސަރުކާރަށް ވަޑައިގެންނެވީ، އަދި ކެމްޕޭންތެރޭގައި ރައްޔިތުންނަށް ވަޢުދުވެވަޑައިގަންނަަވަމުން އައީ އިޤުތިޞާދު ހަމަމަގަށް އަޅުވާނެ ކަމަށް ކަމަށެވެ. އަދި ރައްޔިތުން މިސަރުކާރަށް ވޯޓު ދިނީވެސް އެވަޢުދުތައް ފުއްދާނެ ކަން ޤަބޫލުކޮށްގެން ކަމަށާއި، ކުރީ ސަރުކާރޭ ކިޔައި ކިޔައި ތިބުމުގެ ބޭނުމެއް ނެތް ކަމަށާއި ރައްޔިތުން އެދެނީ އެގޮތް ނޫންކަންވެސް ފައްޔާޒު ފާހަގަކުރެއްވިއެވެ. އެހެން ނަމަވެސް ވެރިކަމަށް ނުވަމަސް ވެގެންދާއިރު ފެންނަމުން ދަނީ ކޮންމެ ކަމެއްގައި ކުރީ ސަރުކާރުގެ ވާހަކަ ދައްކާތަން ކަމަށާއި ރައްޔިތުން ބޭނުން ވަނީ ހައްލު ކަމުގައި ފައްޔާޒު ވިދާޅުވިއެވެ.

ފައްޔާޒު ވަނީ، ރާއްޖެ އިޤުތިޞާދީ އަމާން ބަނދަރަކަށް ގެންގޮސްދެއްވުން އެދޭ ކަމަށާއި، އެހެން ނަމަވެސް މިސަރުކާރުގައި އެފަދަ ތަޞައްވަރެއް އަދި ޤާބިލް ކަމެއްވެސް ނެތްކަން ފާހަގަކުރައްވާފައެެވެ.

ރާއްޖޭގެ އިޤުތިޞާދީ ހާލަތު އިންތިހާއަށް ގޯސްވެ، ދައުލަތް ދަރަނިވެރިވެ، އާއްމު އަސާސީ ބޭނުންތަކަށް މަރުކަޒީ ބޭންކުގައި ހުންނަ ޑޮލަރުގެ ރިޒާވްވެސް ހުސްވެފައިވާ ކަމުގެ އަޑުތައް ވަނީ ފެތުރިފައެެވެ. އެމްއެމްއޭއިން އެކަން ދޮގުކުރި ނަމަވެސް ރިޒާވާއި ގުޅޭ ގޮތުން އެމްއެމްއޭއިން އިތުރު ވާހަކައެއް ނުދައްކައެވެ.

މިނިސްޓަރ ފައްޔާޒު ވަނީ، ފައިސާ ޗާޕުކޮށް، ސޮވެރިންގ ފަނޑުގައި ހުރި ފައިސާގައިވެސް މިސަރުކާރުން އަތްލާނެކަން ފާހަގަކުރައްވާފައެވެ.

ކޮމެންޓް
އަލިފު ޙާ!
ތިޔަ ބުނާ ޤާބިލުކަމަކީ ވަށްކަންކުރުން ކަމަށް ވާނަމަ، އެމްޑީޕީގެ އެ ޤާބިލުކަން ހުރި އެއްވެސް ބަޔަކު ނުހުންނާނެ!
25 Aug 2024
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.