Advertisement

21 Aug 2024
ދުނިޔެ
މިފްތާޙް މުޙައްމަދު

42 އަންހެނުން މަރާލިކަމުގެ ތުހުމަތުގެ ތަހުގީގުގައި ހުރި މީހަކު ކެންޔާގެ ޖަލަކުން ފިލައިފި

42 އަންހެނަކުގެ ހަށިގަނޑުގެ ބައިތައް ބުރުކޮށްލުމަށްފަހު މަރާލިކަމުގެ ތުހުމަތުގެ ތަހުގީގުގައި ކެންޔާގެ ނައިރޯބީގެ ރިމާންޑު ޖަލެއްގައި ބަންދުކޮށްފައި ހުރި މީހަކު ފިލައިފިއެވެ. އުމުރުން 33 އަހަރުގެ ކޮލިންސް ޖުމައިޝީ ކަލޫޝާ ވަނީ އޭނާގެ ކުށަށް އިއުތިރާފްވެފައި ކަމަށް ވެސް ފުލުހުން ހާމަކޮށްފައިވެއެވެ.

ކެންޔާގެ ފުލުހުން، "ވެމްޕަޔަރ" އެއްގެ ގޮތުގައި ސިފަކުރާ ކަލޫޝާ ހައްޔަރުކޮށްފައިވަނީ މި އަހަރުގެ ޖުލައި 15 ވަނަ ދުވަހުއެވެ. އަދި އޭނާ ފިލާފައިވާކަން އެނގިފައިވަނީ އަންގާރަ ދުވަހުގެ ފަތިހު، ހެނދުނުގެ ނާސްތާ ދިނުމަށް ގޮޅި ހުޅުވުމުންނެވެ. އޭނާއާ އެކު، އެ ޖަލު ގޮޅީގައި ތިބި އިތުރު 12 މީހަކު ވެސް ވަނީ ފިލާފައެވެ. އެ ގޮޅީގައި ދެން ތިބީ، ކެންޔާގައި ދިރިއުޅެމުން ދިޔަ އެރިޓްރިއާއަށް ނިސްބަތްވާ ގަވާއިދާއި ހިލާފަށް އުޅެމުން ދިޔަ ބިދޭސީންތަކެކެވެ. 

އެމީހުން ފިލާފައިވަނީ، ޖަލުގޮޅިއަށް ސާފު ވައިލިބޭ ގޮތަށް ފެންލައިޓެއްހެން ހަދާފައި އިން ތަނެއްގެ ނަރުދާތައް ބުރިކޮށްލައިގެން ކަމަށް ޕޮލިހުންގެ ސްޓޭޓްމެންޓެއްގައި ބުނެފައި ވެއެވެ. އަދި ޕޮލިހުން އިތުރަށް ފާހަގަ ކޮށްފައިވާ ގޮތުގައި، މިކަމުގައި ޖަލު ބެލެހެއްޓުމުގައި ހަރަކާތްތެރިވާ އޮފިސަރުންގެ ބައިވެރިވުން ހިމެނޭ ކަމަށް ޝައްކު ކުރެވޭތީ، އެ ވަގުތު ޑިއުޓީގައި ތިބި 8 އޮފިސަރެއްގެ ތަހުގީގު މިހާރު ވަނީ ފަށާފައެވެ.

ކަލޫޝާ އެންމެ ފަހުން ކޯޓަށް ހާޒިރުކޯށްފައިވަނީ މިދިޔަ ހުކުރު ދުވަހުއެވެ. އެ ދުވަހު ގާޒީ އަމުރުކުރީ އޭނާގެ ބަންދުގެ މުއްދަތު އިތުރު 30 ދުވަހަށް އިތުރުކޮށް، ފުލުހުންގެ ތަހުގީގު ކުރިޔަށް ގެންދިއުމަށް އިތުރު ވަގުތު ދިނުމަށެވެ.

ކެންޔާގެ ޕޮލިހުގެ ޑައިރެކްޓޮރޭޓް އޮފް ކްރިމިނަލް އިންވެސްޓިގޭޝަންސްގެ ވެރިޔާ، މުޙައްމަދު އަމީން އޭނާ ހައްޔަރު ކުރުމަށްފަހު ނުސްވެރިންނަށް ދިން ބަސްދީގަތުމެއްގައި ބުނީ، ކަލޫޝާ 42 އަންހެނުން މަރާލާފައިވަނީ 2022 ވަނަ އަހަރުން ފެށިގެން އޭނާ ހައްޔަރު ކުރުމާ ހިސާބަށް ވޭތުވެދިޔަ މުއްދަތުގައި ކަމަށެވެ. އަދި އޭނާ ފުރަތަމަ މަރާލާފައިވަނީ، އޭނާގެ އަނބިމީހާކަމަށް ވެސް އަމީން ވަނީ މީޑިއާތަކާ ހިއްސާކޮށްފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.