މޯލްޑިވްސް ޓްރެވަލް ކޮންފަރެންސް 2024 ގެ ވިމެންސް އެޑިޝަން އެމްއޭސީއެލްއިން ސްޕޮންސަރކޮށްފިއެވެ.

މިކޮންފަރެންސަކީ، ފަތުރުވެރިކަމުގެ ދާއިރާގައި މަސައްކަތް ކުރާ އަންހެނުން ބާރުވެރިކުރުވުމަށް ހިއްވަރު ދިނުމުގެ ގޮތުން ކުރިޔަށް ގެންދާ ކޮންފަރެންސެކެވެ. މަޓާޓޯއިން ކުރިޔަށް ގެންދާ މިކޮންފަރެންސް މިއަދު ޝަރަފްވެރިކޮށްދެއްވީ، ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދެެވެ. ކޮންފަރެންސް ކުރިޔަށް ދިޔައީ މާލޭގައި ހުންނަ ހޮޓެލް ޖެންގައެެވެ.

އެމްއޭސީއެލްއިން ހާމަކޮށްފައިވާ ގޮތުގައި އެކުންފުނިން މިކޮންފަރެންސް ސްޕޮންސަރކޮށްދިނުމުގެ މައިގަނޑު މަޤުޞަދަކީ، އެމް.އޭ.ސީ.އެލްއަކީ ދިވެހިރާއްޖޭގެ ފަތުރުވެރިކަމުގެ އެންމެ މުހިއްމު އެއް ބައިވެރިޔާ ކަމަށް ވުމާއިއެކު ރާއްޖޭގެ އެކި ދާއިރާތަކުގައި މަސައްކަތްކުރާ އަންހެނުން ބާރުވެރިކުރުވުމަށް ސަރުކާރުން ކަނޑައަޅާފައިވާ ލަނޑުދަނޑިތައް ޙާޞިލްކުރުމަށް އެއްބާރުލުން ދިނުމެވެ. އަދި ޚާއްޞަކޮށް އަންހެނުންނަށް މަސައްކަތުގެ މާހައުލުގައި ހުރި ގޮންޖެހުންތައް ނައްތާލުމާއި، އަންހެނުން ބާރުވެރިކުރުވުމަށް ހިއްވަރު ދިނުމެވެ.

މިކޮންފަރެންސް ޝަރަފްވެރިކޮށްދެއްވައި ރައީސުލްޖުމްހޫރިއްޔާގެ އަނބިކަނބަލުން ދެއްކެވި ވާހަކަފުޅުގައި ވަނީ، ިންތީގެ ހަމަހަމަކަން ޤާއިމްކުރުމުގެ ގޮތުން ހަޤީޤީ ބަދަލެއް ގެނައުމަށްޓަކައި، ހަރުދަނާ ސިޔާސަތުތަކެއް އެކުލަވާލުން މުހިއްމު ކަމުގައި ފާހަގަ ކުރައްވާފައެވެ. މީގެ އިތުރުން އެކަމަނާ ވިދާޅުވީ، އަންހެނުންނަށް މަސައްކަތުގެ މާހައުލުގައި ކުރިމަތިވާ ގޮންޖެހުންތައް ދެނެގަތުމަކީ، ކޮންމެހެން ކުރަންޖެހޭ ކަމެއް ކަމަށާއި، މިންތީގެ ހަމަހަމަކަން ޤާއިމް ކުރުމަށް ސަރުކާރުން މަސައްކަތް ކުރާނެކަމުގެ ޔަޤީންކަން ދެއްވާކަމަށެވެ.

މޯލްޑިވްސް ޓްރެވަލް ކޮންފަރެންސް 2024 ގެ ވިމެންސް އެޑިޝަން ބާއްވާފައި ވަނީ، ޓޫރިޒަމް މިނިސްޓްރީގެ އިތުރުން، ވިމެން އިން މެނޭޖްމަންޓް، ވިމެން އޮން ބޯޑްސް އަދި ވިމެން އެންޓަރޕްރެނަރސް އެސޯސިއޭޝަން ފަދަ ފަރާތްތަކާއި ގުޅިގެންނެވެ.