Advertisement
އަލިފާން ރޯވި ގުދަން --
ތިލަފުށީ އަލިފާނުގެ ހާދިސާ: ދިވެއްސަކަށް އަނިޔާވި ކަމަށް އެމްއެންޑީއެފުން ވިދާޅުވެއްޖެ
ތިލަފުށީގައި މިއަދު ހިނގައިގެން އުޅޭ އަލިފާނުގެ ހާދިސާގައި ދިވެހި ފިރިހެނަކަށް އަނިޔާވި ކަމުގައި އެމްއެންޑީއެފުން ވިދާޅުވެއްޖެއެވެ.
އެމްއެންޑީއެފުން ވިދާޅުވީ، އޭނާ ކޮންމެވެސް ވަރަކަށް ފިހިގެންނާއި ދުމުގެ އަސަރުކޮށްގެން ލޯންޗެއްގައި ތިލަފުށިން މާލެއަށް، އިންދިރާގާނދީ މެމޯރިއަލް ހޮސްޕިޓަލަށް ގެނެސްފައިވާ ކަމަށެވެ.
އެމްއެންޑީއެފުން ވިދާޅުވީ، އަލިފާން ގަނޑު ކޮންޓްރޯލް ކުރެވިފައިވާ ކަމަށާއި އެހެން ނަމަވެސް މުޅިން ނިވާ ނުލެވޭ ކަމަށެވެ.
އަލިފާނުގެ ހާދިސާގައި ފުރަތަމަ ރޯވީ، މެރިނޭޑޯ ޕްރައިވެޓް ލިމިޓެޑްގެ ގުދަނެއްގައި ކަމަށް އެނގިފައިވެއެެވެ. ގާތް ގަނޑަކަށް ދޮޅު ގަޑިއިރުގެ ތެރޭގައި އަލިފާންގަނޑު ފެތުރި ހަތަރު ފަސް ގުދަނެއް ވަނީ މުޅިން އަނދާ ހުލިވެފައެވެ.
