އިންޑިއާއިން ރާއްޖެއަށް ހަދިޔާކުރި، ހެލިކޮޕްޓަރާއި ޑޯނިއާ ފްލައިޓްގައި، އަލުން ބަލި މީހުން އުފުލަން ފެށުމަށްފަހު، އެއާ ސީއެމްބިއުލޭންސްގެ ގޮތުގައި ބޭނުން ކުރި މޯލްޑިވިއަންގެ ސީ ޕްލޭންގެ ދަވާދު ބަދަލުކޮށް އަލުން އެކުންފުނީގެ އާއްމު ދަތުރުތަކުގައި ބޭނުން ކުރަން ފަށައިފިއެވެ.

އެނގިފައިވާ ގޮތުގައި އެ ސީޕްލޭން އެއާ ސީޕްލޭން އެމްބިއުލާންސެއްގެ ގޮތުގައި ޚާއްޞަކޮށްފައި އޮތް އޮތުން ބަދަލުކޮށް، އޭގެ ދަވާދާއި ކުލަ ބަދަލުކޮށް އަލުން މޯލްޑިވިއަންގެ ދަތުރުތަކުގައި ބޭނުން ކުރަން ފަށާފައި ވަނީ މީގެ ދެހަފްތާ ކުރިން ފެށިގެންނެވެ. މިއަދުވެސް އެބޯޓުގައި ބ އަތޮޅުގެ ބައެއް ރިޒޯޓުތަކަށް ވަނީ، ފަތުރުވެރިން އުފުލާފައެވެ.

މޯލްޑިވިއަންގެ ސީޕްލޭނެއް އެއާ އެމްބިއުލޭންސްއަށް ބަދަލުކޮށް، ޚިދުމަތް ފަށާފައި ވަނީ، މިއަހަރުގެ މާރިޗު މަހުގެ 14 ވަނަ ދުވަހުގައެވެ. 4 މަސް ދުވަސް ފަހުން ސީޕްލޭން އެއާ އެމްބިއުލާންސްގެ ގޮތުގައި ވަކި ސީޕްލޭނެއް ޚާއްސަކުރި ކުރުން އުވާލިކަން ސަރުކާރުން ހާމައެއް ނުކުރައްވައެވެ. އެހެން ނަމަވެސް މިނިވަން ދުވަހާއި ގުޅިގެން ބޭއްވި ރަސްމީ ޖަލްސާގައި އަލުން އިންޑިއާގެ ޑޯނިއާ މަތިންދާ ބޯޓުގައި ބަލި މީހުން އުފުލަންފަށާފައިވާ ކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ހާމަކުރައްވާފައެވެ.

އެއާ އެމްބިއުލާންސްގެ ގޮތުގައި ޚާއްސަކުރި މޯލްޑިވިއަންގެ ސީ ޕްލޭންގެ ރެޖިސްޓްރީ ކޯޑަކީ، 8Q ISD އެވެ.