ޕްރޮސެކިއުޓަރ ޖެނެރަލް ޙުސައިން ޝަމީމަށް ހަަމަލާދީ މާރާމާރީ  ހިންގުމުގެ ތުހުމަތުގައި ހައްޔަރުކުރި 7 މީހުންގެ ތަޙްޤީޤު ނިންމައި އެމީހުންގެ މައްޗަށް ދަޢުވާކޮށް ދިނުމަށް އެދި ޕްރޮސެކިއުޓަރ ޖެނެރަލްއަށް މައްސަލަ ފޮނުވައިފިއެވެ. 

ފުލުހުންގެ އިދާރާއިން ވިދާޅުވީ އެމައްސަލައިގެ ތަޙްޤީޤު ނިންމައި ދަޢުވާކޮށްދިނުމަށް އެދި މައްސަލަ ފޮނުވީ މިމަހުގެ 18ވަނަ ދުވަހުގައި ކަމަށެވެ. އަދި އެމީހުން އަދިވެސް ތިބީ ފުލުހުންގެ ބަންދުގައި ކަން ހާމަކޮށް އެމީހުންގެ ވަނަވަރުވެސް ފުލުހުން ވަނީ އާއްމުކޮށްފައެވެ. 

ޕީޖީ ހުސައިން ޝަމީމަށް ހަމަލާދީ މާރާމާރީ ހިންގުމާއި އެކަމުގެ ތުހުމަތުގައި ހައްޔަރުކޮށްފައިވާ މީހުންނަކީ.

1- އަބާން ޢަބުދުލް ޙައްނާން (23އ) ރުވާ، ތ. ދިޔަމިގިލި

2- ޒަޔާން ނަޞީރު (23އ) ކެމީހިޔާ، އދ. މާމިގިލި

3- ޝަމާލް ހުސައިން (21އ) މުސްތަރީގެ، ތ. ގާދިއްފުށި

4- އަޙްމަދު މައިސާން ހާޝިމް (20އ) ދރނ 2247، ކ. މާލެ

5- މުޙައްމަދު ޖަޒްލާން (22އ) ޖަވާހިރުވިލާ، ލ. ގަން، ތުނޑި

6- މިދުހަތު އާދަމް (24އ) ރިވެލި ރ. އަލިފުށި

7- ރަޖުވާން ލަޠީފް (22އ) މުރިނގު. ލ. މާމެންދޫ

ޕީޖީ ޙުސައިން ޝަމީމަށް ޙަމަލާދީފައި ވަނީ، މާލޭ ނޫރު މިސްކިތް ކައިރިންނެވެ. މޫނު ނިވާކޮށްގެން ތިބި ދެމީހުން މަރުތޭލަކުން ދިން ހަމަލާގައި، އެމަނިކުފާނުގެ ވައަތުގެ ކަށިގަނޑެއްގައި ރެނދެއްލިއެވެ. ޝަމީމަށް ހަމަލާދިނުމުގައި އަމަލީގޮތުން 2 މީހަކު ބައިވެރިވި އިރު އަނެއް 5 މީހުންނަކީ އެހަމަލާ ރާވައި އެހީތެރިވެދިނުމުގައި އަމަލީ ގޮތުން ބައިވެރިވި މީހުންނެވެ.