ތިނަދޫ ފެން ޕްލާންޓަށް ދިމާވި މައްސަލަ ހައްލުކޮށް ވަނީ ހިންގަން ފަށާފައި: މުއާޒު

ފެނަކަ ކޯޕަރޭޝަނަށް ކުރިމަތިވެފައިވާ ދަތިތަކުގެ މައްޗަށް އަލިއަޅުއްވާލައްވައި، މުއާޒު ވިދާޅުވީ، ފެން ޕްލާންޓްތައް ބަހައްޓައިގެން ފެނުގެ ޚިދުމަތް ދެމުން އަންނަ ރަށްރަށުގައި އެކަށީގެންވާ ކެޕޭސިޓީއެއް ޤާއިމްކުރެވިފައި ނެތުމުގެ ސަބަބުން ކުރިމަތިވެފައިވާ ގޮންޖެހުންތައް ބޮޑު ކަމަށެވެ. މިގޮތުން އެކުންފުނީގެ ފަރާތުން ފެނުގެ ޚިދުމަތް ފޯރުކޮށް ދެމުން އަންނަ، ދ. ކުޑަހުވަދޫ އާއި، ތ. ގުރައިދޫ އާއި، ގއ. ވިލިގިއްޔާއި ގދ. ތިނަދޫގެ އިތުރުން އައްޑޫ ސިޓީ ހިތަދޫގައިވެސް، ޔުޓިލިޓީ ރެގިއުލޭޓަރީ އޮތޯރިޓީން ކަނޑައަޅާފައިވާ މިންގަނޑުތަކަށް ކެޕޭސިޓީ އިތުރު ކުރެވިފައި ނެތްކަން މުއާޒު ފާހަގަކުރެއްވިއެވެ.