އުމީ މަޖިލިސް ބައި-އިލެކްޝަން 2024 ގައި މާލޭގައި ވޯޓު ފޮށި ބެހެއްޓުމަށް ހަމަޖެހިފައިވާ  ބައެއް މަރުކަޒުތައް ބަދަލުވެފައިވާ ކަމުގައި އެމްޑީޕީން ހާމަކުރައްވައިފިއެވެ.

އެޕާޓީން ހާމަކުރައްވާފައިވާ ގޮތުގައި، 20 ދާއިރާގެ މީހުން ވޯޓުލާ މަރުކަޒުތަކަށް ބަދަލު ގެނެސްފައިވެއެވެ. މިގޮތުން ވޯޓުލާ މަރުކަޒުތަކަށް އައި ބަދަލުތަކާއި ދާއިރާތަކުގެ ފޮށިތައް މިހާރު ހުންނާނޭ ތަންތަން އެޕާޓީން މިއަދު ވަނީ އާއްމުކޮށްފައެވެ.

މިގޮތުން އެމްޑީޕީގެ އަތޮޅުތަކުގެ ދާއިރާތަކަށް ނިސްބަތްވާ މެމްބަރުންގެ ތެރެއިން އިހަވަންދޫ ދާއިރާ، ދިއްދޫ ދާއިރާ ކެލާ ދާއިރާ އަދި ތުޅާދޫ ދާއިރާ އާއި ދަނގެތި ދާއިރާގެ އިތުރުން ފަރެސް މާތޮޑާ ދާއިރާގެ މާލޭގެ ވޯޓު ފޮށިތައް ހުންނާނީ، ހިރިޔާ ސްކޫލުގައެވެ. އަދި މާލޭގެ ދާއިރާތަކުގެ ވޯޓު ފޮށިތައް ހުންނާނީ ތާޖުދިއްދީން ސްކޫލުގައެވެ.

 މާދަމާ ބާއްވާ އެމްޑީޕީގެ ޤައުމީ މަޖިލީހުގެ ބައި އިލެކްޝަންގެ ވޯޓު ނެގުން ކުރިޔަށްދާނީ، މެންދުރު ފަހު 2:00 އިން ފެށިގެން ރޭގަނޑު 9:30އަށެވެ. މިބައި އިލެކްޝަންގައި އަތޮޅުތަކުގެ ދާއިރާތަކުގެ 9 ފޮށި އަދި މާލެ ސަރަހައްދުގައި 27 ވޯޓު ފޮށި ބެހެއްޓުމަށް ހަމަޖެހިފައިވާ ކަމުގައި އެމްޑީޕީން ހާމަކުރައްވާފައިވެއެވެ.