މި އަހަރުގެ މެއި މަހުގެ 23 ވަނަ ދުވަހު ރ. އުނގޫފާރުގައި ކަރަންޓުގައި ޖެހުނު ކުޑަ ކުއްޖަކު ސަލާމަތް ކުރަން އުޅުމުގެ ތެރޭގައި 18 އަހަރުގެ ޒުވާނަކު މަރުވުމުގެ ހާދިސާއާ ގުޅިގެން، ފެނަކަ ކޯޕަރޭޝަންގެ އިހުމާލު އޮތުމުން އެ ކުންފުނިން 50،000ރ. އިން ޖޫރިމަނާ ކުރަން މޯލްޑިވްސް ޔުޓިލިޓީ ރެގިއުލޭޓަރީ އޮތޯރިޓީން މިއަދު ނިންމައިފިއެވެ.

ރަޖިސްޓްރީނުކޮށް ހުޅުމާލެ މަގުތަކުގައި ގިނަ ދުވަސްތަކެއް ވަންދެން ބަހައްޓާފައިހުރި ވެހިކަލްތައް ފުލުހުން ނަގަން ފަށައިފިއެވެ. މި މަސައްކަތް ކުރިޔަށް ގެންދަނީ ހުޅުމާލޭ ޓްރެފިކް ޕޮލިސް ޑިޕާޓްމަންޓުންނެވެ. ހޯމަ ދުވަހު ފެށި މި މަސައްކަތުގެ ތެރެއިން ނަގަނީ ހަތަރު ފުރޮޅުލީ އުޅަނދުތަކެވެ. އެގޮތުން ހޯމަ ދުވަހު ވަނީ 10 ވެހިކަލް ފުލުހުންގެ ބެލުމުގެ ދަށަށް ގެންގޮސްފައެވެ.

ހޯމަ ދުވަހުގެ ޖަލްސާ ކުރިޔަށް ދަނިކޮށް މެންދުރު ނަމާދު ވަގުތު ޖެހުމާއެކު، މަޖިލީހުގެ ރިޔާސަތުން ވަނީ އެ ވަގުތު ބަހުސް ކުރަމުން ދިޔަ މެންބަރުގެ މައިކު ކަނޑާލައްވާފައެވެ. ދެން މަޖިލީހުގެ ތަޅުމުން އިވުނީ ބަންގީގެ އަޑެވެ.

މިކަމާއި ގުޅިގެން، ހެލްތު މިނިސްޓްރީ އާއި ފިނޭންސް މިނިސްޓްރީ އާއި އެންސްޕާ އާއި އާސަންދަ އާއި މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އަދި އެސްޓީއޯ ގުޅިގެން ނެރުނު ބަޔާނުގައި ބުނީ ދިވެހިންނަށް ފެންވަރު ރަނގަޅު ބޭސް ލިބޭނެ ގޮތް ކަށަވަރު ކޮށްދިނުމަކީ ރައީސް ޑރ. މުހައްމަދު މުއިއްޒުގެ ވަރަށް މުހިއްމު ރިޔާސީ ވައުދެއް ކަމަށެވެ. އަދި އެކަން ކަށަވަރުކުރުމުގެ ގޮތުން، ޕޫލް ޕްރޮކިއުމަންޓެއްގެ ތެރެއިން، އެއްފަހަރާ ގިނަ އަދަދެއްގެ ބޭސް ގެންނަން ޔޫއެންޑީޕީ އާއި އެސްޓީއޯއާ ހަވާލުކޮށް، އޭގެ ފުރަތަމަ ޝިޕްމަންޓް މިހާރު ރާއްޖެ ގެނެސްފައިވާ ކަމަށް އެ ބަޔާނުގައި ވެއެވެ.

މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވަރުނަރު އަލީ ޙާޝިމަށް އޭނާގެ މަސްއޫލިއްޔަތު އަދާ ނުކުރެވޭކަމަށް ރައްޔިތުންގެ މަޖިލީހުގެ މާލިއްޔަތު ކޮމެޓީއިން ނިންމުމާ ގުޅިގެން، އޭނާ މަގާމުން ވަކިކުރުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުއިއްޒަށް ލަފާދިނުމަށް މިއަދު ވަނީ މަޖިލީހުގެ ވޯޓަކުން ނިންމާފައެވެ. އަދި އޭގެ ވަގުތުކޮޅެއް ފަހުން، އޭނާ މަގާމުން ވަކިކުރެއްވިކަން ރައީސުލްޖުމްހޫރިއްޔާގެ އޮފީހުން ވަނީ އަންގަވާފައެވެ. އެ މަގާމަށް އައްޔަން ކުރެއްވުމަށް ރައީސުލްޖުމްހޫރިއްޔާ ހުށަހެޅުއްވީ، ރައީސް އަބްދުﷲ ޔާމީންގެ ވެރިކަމުގެ ފިނޭންސް މިނިސްޓަރުގެ މަގާމު އަދާކުރެއްވި އަޙުމަދު މުނައްވަރުގެ ނަމެވެ. އޭނާ ވަނީ އޭގެ ކުރިން އެމްއެމްއޭގައި ވެސް މަސައްކަތް ކުރައްވާފައެވެ.

ގިނަބައެއްގެ އިތުބާރު ލިބިފައިވާ، އަދި ރާއްޖޭގެ ފުރަތަމަ ނިއުރޯސާޖަން، ޑރ. އަލީ ނިޔާފު އޭޑީކޭ އިން ވަކިވެ ވަޑައިގެން، ސަރުކާރުގެ އެންމެ ބޮޑު ހޮސްޕިޓަލް ކަމުގައިވާ، އިންދިރާ ގާންދީ މެމޯރިއަލް ހޮސްޕިޓަލްއާ (އައިޖީއެމްއެޗް) މިއަދު ގުޅިވަޑައިގެންފިއެވެ.

މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވަރުނަރު އަލީ ޙާޝިމަށް އޭނާގެ މަސްއޫލިއްޔަތު އަދާ ނުކުރެވޭކަމަށް ރައްޔިތުންގެ މަޖިލީހުގެ މާލިއްޔަތު ކޮމެޓީއިން ނިންމުމާ ގުޅިގެން، އޭނާ މަގާމުން ވަކިކުރުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުއިއްޒަށް ލަފާދިނުމާ ގުޅޭގޮތުން 20 ވަނަ ރައްޔިތުންގެ މަޖިލީހުގެ 17 ވަނަ ޖަލްސާގައި ނެގި ވޯޓުން، ގަވަރުނަރު މަގާމުން ވަކިކުރަން ފާސްކޮށްފިއެވެ.

ކޮމިޝަނާރ ޖެނެރަލް އޮފް ކަސްޓަމްސްގެ މަގާމުގައި ހުންނެވި، ގ.އަތަ އަލްފާޟިލް ޔޫސުފް މާނިޢު މުޙައްމަދުގެ ބަދަލުގައި، އެ މަގާމަށް، ޅ. ހިންނަވަރު ސަންދުރަ، ފާޠިމަތު ދިޔާނާ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު ޢައްޔަނުކުރައްވައިފިއެވެ.

ޤަވާޢިދާ ޚިލާފަށް ރާއްޖޭގައި އުޅެމުންދާ ބިދޭސީންގެ މައްސަލަ ހައްލުކުރުމުގެ ގޮތުން ތަންފީޒީ ނިޒާމު ހަރުދަނާކުރުމަށް، ބިދޭސީ މަސައްކަތްތެރިން ރާއްޖެ ގެނައުމަށްފަހު ވަޒީފާދޭ ފަރާތުން އެ ފަރާތްތަކާމެދު އިހުމާލުވާނަމަ އެ ފަރާތްތަކުގެ ލިސްޓް އެކުލަވައިލައި އާންމުކުރުމާއި އަދި މިގޮތަށް ވަޒީފާދޭ ފަރާތުން އިހުމާލުވާ ފަރާތްތައް ޖޫރިމަނާކުރުމަށް، ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނިންމަވައިފިއެވެ.

މި އަހަރުގެ ނޮވެމްބަރު 5 ވަނަ ދުވަހު އެމެރިކާގައި ބޭއްވުމަށް ހަމަޖެހިފައިވާ އެ ގައުމުގެ ރިޔާސީ އިންތިހާބުގައި ވާދަނުކުރައްވާނެކަމަށް، އެމެރިކާގެ މިހާރުގެ ރައީސް ޖޯ ބައިޑެން އިއުލާންކޮށް، ޑިމޮކްރެޓްސްގެ ރިޔާސީ ކެނޑިޑޭޓަކަށް ނައިބް ރައީސް ކަމާލާ ހެރިސް އެންޑޯޒްކޮށްފިއެވެ.

މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވަރުނަރު އަލީ ޙާޝިމަށް އޭނާގެ މަސްއޫލިއްޔަތު އަދާ ނުކުރެވޭކަމަށް ރައްޔިތުންގެ މަޖިލީހުގެ މާލިއްޔަތު ކޮމެޓީއިން ނިންމުމާ ގުޅިގެން، އޭނާ މަގާމުން ވަކިކުރުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުއިއްޒަށް ލަފާދިނުމާ ގުޅޭގޮތުން މަޝްވަރާ ކުރުން މިއަދުގެ ޖަލްސާގެ އެޖެންޑާގައި ހިމަނައިފިއެވެ. މާލިއްޔަތު ކޮމެޓީއިން މަޖިލީހުގެ ތަޅުމަށް މި މައްސަލަ ފޮނުވުމުގެ ކުރިން އޭނާގެ މަސައްކަތަށް ޖަވާބުދާރީވުމަށް ކޮމެޓީއަށް ހާޒިރުވެވަޑައިގަންނަވަން އެންގި ނަމަވެސް، އާލާސްކަންފުޅާ އުޅުއްވާ ކަމަށް ވިދާޅުވެ، ތިން ދުވަހު ވެސް ކޮމެޓީ ބައްދަލުވުމަށް އޭނާ ވަޑައިގެންފައެއް ނުވެއެވެ.

މި އަހަރުގެ ނޮވެމްބަރު 5 ވަނަ ދުވަހު އެމެރިކާގައި ބޭއްވުމަށް ހަމަޖެހިފައިވާ އެ ގައުމުގެ ރިޔާސީ އިންތިހާބުގައި ވާދަނުކުރައްވާނެކަމަށް، އެމެރިކާގެ މިހާރުގެ ރައީސް ޖޯ ބައިޑަން އިއުލާންކޮށްފިއެވެ. ބައިޑަން މިކަން އިއުލާންކުރީ އެކްސްގައި ކުރި ޕޯސްޓެއްގައެވެ.

ޕެރިސް އޮލިމްޕިކްސް ގައި ރާއްޖޭގެ ދިދަ އުފުލާނީ ޓޭބަލް ޓެނިސްގެ ތަރި، ފާތިމަތު ދީމާ އަލީ އާއި އެތުލެޓިކްސްގެ އިބާދުﷲ އާދަމްކަމަށް ކެނޑައަޅައިފިއެވެ. އެގޮތުން ދީމާ އާއި އިބާދުﷲ އަށް ދިދަ ހަވާލުކޮށްދެއްވީ، އެ ކަމަށް ހާއްސަކޮށް، މިއަދު މެންދުރު ރައީސް އޮފީހުގައި ބޭއްވި އިވެންޓެއްގައި، ރައީސުލްޖުމްހޫރިއްޔާ، ޑރ. މުހައްމަދު މުއިއްޒު އެވެ.

ސަރަހައްދީ ފެންވަރުގައާއި އަދި ބައިނަލްއަޤްވާމީ މައިދާނުގައި، އޮލިމްޕިކްސް އާއި އެހެނިހެން މުބާރާތްތަކުގައި ރާއްޖޭގެ ފަރާތުން ގިނަ އެތުލީޓުން ބައިވެރި ކުރުމަށްޓަކައި ރާއްޖޭގައި ލިބޭ ތަމްރީނާއި ލިބޭ ފުރުސަތުތައް އިތުރުކުރުމާއި، ރާއްޖެއިން ބޭރުންވެސް ތަމްރީނުގެ ފުރުސަތުތައް ހޯދައިދީ އެތުލީޓުން ކުރިއެރުވުމަށްޓަކައި ކޮށްދެވެންހުރި ހުރިހާ މަސައްކަތެއް ވަކިތަރުތީބެއްގެ މަތީން ކުރުމަކީ މި ސަރުކާރުގެ ސިޔާސަތެއްކަމުގައި ރައީސުލްޖުމްހޫރިއްޔާ ވިދާޅުވެއްޖެއެވެ.

ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) ގެ ޕްރޮކިއުމަންޓް އެންޑް ލޮޖިސްޓިކް ހެޑްގެ ގޮތުގައި ހުރެ ހ. ސަމާހިލް، ހައިލަމް މުހައްމަދު ރިޝްވަތު ނެގި ކަމަށް އިއުތިރާފުވުމުން، އޭނާގެ މައްޗަށް ކުރެވުނު ތުހުމަތުތަކަށް ޖުމްލަ 379،644 ރުފިޔާ އިން ޖޫރިމަނާކޮށް، ދައުލަތަށް ލިބުނު ގެއްލުމުގެ ބަދަލު ދިނުމަށް ކްރިމިނަލް ކޯޓުން ހުކުމްކޮށްފިއެވެ.

ވަގުތީ ނަތީޖާ ދައްކާ ގޮތުން، މާލޭ ސިޓީގެ ތިން ގޮނޑި އާއި ފ. ބިލެތްދޫ ކައުންސިލުގެ ރައީސްގެ ގޮނޑިއާއި އަދި ކުޅުދުއްފުށި ސިޓީ ކައުންސިލުގެ ކުޅުދުއްފުށި އުތުރު ދާއިރާގެ ގޮނޑި ވެސް ކާމިޔާބުކުރީ ޕީއެންސީއެވެ.