18 ފަތުރުވެރިންނާއި، 10 ފަޅުވެރިންނާއިއެކު ދަތުރުކުރި ސަފާރީއެއް މުލަކަތޮޅު ވޭވަށު ފަރަށް އަރައި އަޑިޔަށް ހިނގައްޖެއެވެ.

ފުލުހުންގެ އިދާރާއިން ވިދާޅުވީ، އެހާދިސާ ފުލުހުންނަށް ރިޕޯޓްކޮށްފައި ވަނީ ބުރާސްފަތި ދުވަހުގެ ރޭ ދަންވަރު 00:19 ހާއިރުގައި ކަމަށެވެ. ފަރަށް އަރައި ސަފާރީ އަޑިޔަށް ދިޔަ ނަމަވެސް އެހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމުގައި ފުލުހުންގެ އިދާރާއިން ވިދާޅުވިއެވެ.

ސަފާރީ ފަރަށް އަރާފައި ވަނީ، ދަންވަރު ޖެހުނު ވިލާގަނޑެއްގައި ވަޔާއި ކަނޑުގަދަވެ ނަގިލި ކަހާލައިގެންނެވެ. 

މައިނާ 1 ނަމަކަށް ކިޔާ އެސަފާރީ ފަރުމައްޗަށް އެރުމުގެ ސަބަބުން އަރިވެ އެ ސަފާރީގެ ދެބައިކުޅަ އެއްބައި އޮތީ އަޑީގައެވެ. އެއުޅަނދު ފުންކުރުމުގެ މަސައްކަތް އުޅަނދުގެ ވެރިފަރާތުން ކުރަމުން އަންނަ ކަމުގައި މައުލޫމާތު ލިބިފައިވެއެވެ.