Advertisement
ޝަރަފާއި މެޑަލް ޙާޞިލްކުރެއްވި ސްޓެލްކޯގެ 16 މުވައްޒަފުންގެ ޝަރަފުގައި އާދީއްތަ ދުވަހު ސްޓެލްކޯގެ ހެޑް އޮފީހުގައި ބޭއްވި ރަސްމިއްޔާތުގައި އެ ކުންފުނީގެ މެނޭޖިންގ ޑިރެކްޓަރ ޙުސެއިން ފަހުމީ ވާހަކަފުޅު ދައްކަވަނީ، ފޮޓޯ: ސްޓެލްކޯ
ސްޓެލްކޯގެ ޚިދުމަތަކީ ރާއްޖޭގެ އިޤުތިޞާދާއި ގުޅުންހުރި ކަމެއް: ފަހުމީ
ސްޓެލްކޯއަށް ޚިދުމަތްކުރުމަކީ ދިވެހި ދައުލަތަށް ޚިދުމަތް ކުރުން ކަމަށާއި، އެ ޚިދުމަތް ހީނަރުވެއްޖެނަމަ ދިވެހި ދައުލަތުގެ އިޤުތިޞާދީ މިނިވަންކަން ހީނަރުވާނެކަމަށް، އެ ކުންފުނީގެ މެނޭޖިންގ ޑިރެކްޓަރ ޙުސެއިން ފަހުމީ ވިދާޅުވެއްޖެއެވެ.
ފަހުމީ މިހެން ވިދާޅުވީ، މިނިވަން ދުވަހުގެ ހާއްސަ ރަސްމިއްޔާތުގައި ދިވެހި ދައުލަތަށް ދިގު މުއްދަތަކަށް ޚިދުމަތް ކުރެއްވި ބޭފުޅުންގެ ޚިދުމަތުގެ އަގު ވަޒަންކުރައްވައި، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ދެއްވި ޝަރަފާއި މެޑަލް ޙާޞިލްކުރެއްވި ސްޓެލްކޯގެ 16 މުވައްޒަފުންގެ ޝަރަފުގައި އާދީއްތަ ދުވަހު ސްޓެލްކޯގެ ހެޑް އޮފީހުގައި ބޭއްވި ހާއްސަ ރަސްމިއްޔާތުގައި ވާހަކަފުޅު ދައްކަވަމުންނެވެ.
މި ރަސްމިއްޔާތުގައި ވާހަކަފުޅު ދައްކަވަމުން ފަހުމީ އިތުރަށް ވިދާޅުވީ، ޤައުމުގެ އިޤުތިޞާދީ މިނިވަންކަން ޔަޤީން ކުރެވޭނީ ކަރަންޓާއި އެކު ކަމަށެވެ. އަދި ކުންފުނީގެ ޚިދުމަތް އިތުރަށް ފުޅާކޮށް، އިތުރު ފުރިހަމަ ކަމާއިއެކު ރައްޔިތުންނަށް ޚިދުމަތް ފޯރުކޮށްދިނުމަށް ހުރިހާ މުވައްޒަފުންވެސް ހީނަރުކަމެއް ނެތި މަސައްކަތް ކުރެއްވުމަށް ފަހުމީ އިލްތިމާސް ކުރެއްވިއެވެ.
ޝަރަފާއި މެޑަލް ޙާޞިލްކުރެއްވި ސްޓެލްކޯގެ 16 މުވައްޒަފުންގެ ޝަރަފުގައި އާދީއްތަ ދުވަހު ސްޓެލްކޯގެ ހެޑް އޮފީހުގައި ބޭއްވި ހާއްސަ ރަސްމިއްޔާތުގެ ތެރެއިން، ފޮޓޯ: ސްޓެލްކޯ
އާދީއްތަ ދުވަހު ބޭއްވި މި ރަސްމިއްޔާތަށް ޝަރަފާއި މެޑަލް ޙާޞިލްކުރެއްވި މުވައަޒަފުން ވަޑައިގެންނެވިއިރު، އެ މުވައްޒަފުންނަށް ވަނީ ރަތްދޫލައިގެ މަރުހަބާއެއް ދަންނަވާފައެވެ. އަދި ކޮންމެ މުވައްޒަފަކަށް މާބޮނޑިއެއް ވެސް އަރުވާފައިވެއެވެ.
