Advertisement
ބިދޭސީ ފިރިހެން މީހާ އަންހެން މީހާ ހިފަހައްޓައިގެން އުޅޭ މަންޒަރުފެންނަ ވީޑިއޯގެ ސްކްރީންޝޮޓެއް ---
ބަނގުލަދޭޝް ފިރިހެނެއްގެ ވޮލެޓް ފޭރުނު ދިވެހި އަންހެނަކު ހައްޔަރުކޮށްފި
ހދ. ކުޅުދުއްފުށީގައި ބިދޭސީ ފިރިހެނެއްގެ ވޮލެޓް ފޭރުނު މައްސަލައެއްގައި ދިވެހި އަންހެނަކު ހައްޔަރުކޮށްފިއެވެ.
ފުލުހުންގެ އިދާރާއިން ވިދާޅުވީ، އެމައްސަލަ ފުލުހުންނަށް ރިޕޯޓްކޮށްފައި ވަނީ މިއަދު ހަވީރުގައި ކަމަށެވެ. އަދި އެމައްސަލަ އާއި ގުޅިގެން ފުލުހުން ބަލަންޖެހޭ ކަންތައްތައް ބަލައި މައްސަލަ ތަޙްޤީޤު ކުރަމުންދާ ކަމުގައިވެސް ފުލުހުންގެ އިދާރާއިން ވިދާޅުވިއެވެ.
ކުޅުދުއްފުށީގައި ބިދޭސީ ފިރިހެނަކު ދިވެހި އަންހެނަކު ހިފަހައްޓައިގެން އުޅޭ ވީޑިއޯއެއް ސޯޝަލްމީޑިއާގައި ދަނީ ދައުރުވަމުންނެވެ. އެވީޑިއޯއިން ފެންނަނީ، އަންހެންމީހާ ލައިގެން ހުރި ޓީޝާޓުގެ ފަސް ބަޔާއިއެކުގައި، ބިދޭސީ ފިރިހެން މީހާގެ އަތަށް އަޮޅާލައިގެން އޭނާ ހިފަހައްޓައިގެން އުޅޭ މަންޒަރެވެ.
