Noon - ޚަބަރު

ޚަބަރު

13 Mar 2024

ކައުންސިލްތަކުގެ އިދާރީ މުވައްޒަފުންގެ މުސާރަ ބޮޑު ކުރުމަކީ ރައްޔިތުންގެ މަޖިލީހުން ކުރަން ޖެހޭ ކަމެއް ނޫން: އީސަ

މެމްބަރު އީސަ ވިދާޅުވީ، ކައުންސިލްތަކުގެ މުވައްޒަފުންގެ އިދާރީ މުވައްޒަފުންގެ މުސާރަ ބޮޑު ކުރުމާއި ގުޅޭ ގޮތުން ރައީސުލްޖުމްހޫރިއްޔާ ދެއްކެވި ވާހަކަފުޅަކީ ކަނޑައެޅިގެން އިތުރުފުޅެއް ކަމަށެވެ. އަދި ކައުންސިލް މުވައްޒަފުންނާއި ސިވިލް ސަރވިސް އެހެން މުވައްޒަފުންގެ މުސާރަތައް ބޮޑު ކުރުމުގައި ކުރަންޖެހޭ އިދާރީ ކަންކަން ކުރުމުގައި ރައްޔިތުންގެ މަޖިލީހުގެ ދައުރެއް ނޯންނާނެ ކަމުގައި އީސަ ވިދާޅުވިއެވެ. އީސަ ވިދާޅުވީ ރައްޔިތުންގެ މަޖިލީހުން ކުރަންޖެހޭ ކަންކަން އޮތީ ވަރަށް ސާފުކޮށް ކޮށްފައި ކަމަށެވެ.

މަޖިލީހުގެ ކަންކަން ނިންމުމުގައި ޖުމުލަ އަދަދުކަމުގައި ބަލާނީ 80 ކަމުގައި މަޖިލީހުގެ ތަޅުމުން ފާސްކޮށްފި

ކޮންޓްރެކްޓް މުވައްޒަފުންގެ ތެރެއިން މުސާރަ ނުދެވި ތިބި މީހުންނަށް މިއަދު މުސާރަ ދެވޭނެ- ފެނަކަ

ރައީސުލްޖުމްހޫރިއްޔާގެ ނައިބާއި ގުޅޭ ގޮތުން ފެތުރި ވާހަކަތައް އެމަނިކުފާނު ދޮގު ކުރައްވައިފި

ޕާކުކޮށްފައި އޮތް ކާރެއްގައި ޖެހި އެކްސިޑެންޓެއް ހިނގުމުން ރިޕޯޓް ނުކުރި ދެ އަންހެނަކު ހޯދަން ފުލުހުން އިޢުލާނުކޮށްފި

ޚަބަރު

އައްޑޫގައި ތިބި ސިފައިން ފުރައިގެން ގޮސްފައިވާ ކަމުގައި ސަރުކާރުން ބުނެފި

ސަރުކާރުގެ އޮފިޝަލަކު ވިދާޅުވީ، ރާއްޖޭގައި ތިބި އިންޑިއާ ސިފައިން ބޭލުމަށް ދެ ޤައުމުގެ ދެމެދުގައި ވެވިފައިވާ އެއްބަސްވުމާއި އެއްގޮތަށް ޢަމަލު ކުރެވެމުން އަންނަ ކަމަށެވެ. އަދި ބާކީ ތިބި ސިފައިން މެއި މަހު ރާއްޖެއިން ގެންދާނެ ކަމުގައިވެސް އޭނާ ވިދާޅުވިއެވެ.

ހުކުރު ދުވަހާ ހަމައަށް ބޭނި މަހުގެ ފައިސާ ދޫކޮށްފި

މިދިޔަ އާދީއްތަ ދުވަހު ދިން ފައިސާއާއެކު، ހުކުރު ދުވަހާ ހަމައަށް މަސްވެރިން ބާނާފައިވާ މަހަށް ފައިސާ ދީ، މިފްކޯއިން މަސްވެރިންނަށް ދޭންޖެހޭ ފައިސާގެ ބެކްލޮގް އެއްކޮށް ސާފު ކުރެވިއްޖެކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުއިއްޒު ވިދާޅުވެއްޖެއެވެ. މަސްވެރިންނަށް ނުދެވި ހުރި 157 މިލިއަން ރުފިޔާ ރޯދައިގެ ކުރިން ދޫކުރާނެކަމަށް ރައީސް ވަނީ ކުރިން ވިދާޅުވެފައެވެ. މި ފައިސާ ދޫކުރަން ފަށާފައިވަނީ އާދީއްތަ ދުވަހުއެވެ.

ކުރިޔަށް އޮތް ތިން ދުވަހު އަމިއްލަ ވެހިކަލް ތަކުގައި ގެނެސް ކުނި އުކާލުމަށް ފީ ނުނަގަން ނިންމައިފި

ވެމްކޯއިން މިރޭ ނެރުނު ނޫސްބަޔާނެއްގައި ބުނެފައި ވަނީ މިރޭގެ 18:00 އިން ފެށިގެން މާރިޗު މަހުގެ 13 ވަނަ ދުވަހުގެ 23:00އާއި ހަމައަށް، ގުރޭޓާ މާލެ ސަރަހައްދުގައި ހުރި ވެމްކޯގެ ވޭސްޓް ޓްރާންސްފަރ ސެންޓަރުތަކަށް ގެންނަ ކުންޏަށް އެކުންފުނިން އެންޓްރީ ފީ އާ ޑިސްޕޯސަލް ފީ ވެސް ނުނަގާނެ ކަމަށެވެ. އެހެން ނަމަވެސް އެނޫން ފަރާތްތަކުގެ އަތުން ކުރިއެކޭވެސް އެއްގޮތަށް ފީތައް ނަގާނެ ކަމުގައި ވެމްކޯއިން ވަނީ ބުނެފައެވެ.

ރަމަޟާން މަހަށް ޚާއްޞަކޮށް ފޭސްް 2 ގައި މަސްމާރުކޭޓެއް ހުޅުވައިފި

އެޗްޑީސީން ބުނީ، މިމަސް މާރުކޭޓް ހުޅުވާފައި ވަނީ، ހުޅުމާލެ ފޭސް 2 ގެ ޑިންގީ ހާބަރު ސަރަހައްދުގައި ކަމަށެވެ. މިގޮތުން އެ މަސް މާރުކޭޓަކީ ޚާއްޞަކޮށް ފަރުމަހުގެ މަސްވެރިކަން ކުރާ ފަރާތްތަކަށް ޚާއްޞަކުރެވިގެން ހުޅުވުނު މާރުކޭޓެއް ކަމުގައިވެސް އެޗްޑީސީން ވަނީ ބުނެފައެވެ.

ޢީދު ނަމާދު ކުރާ ގަޑި 7:00އަށް ބަދަލުކުރުމަށް މަޝްވަރާކުރައްވައިފި

މިނިސްޓަރ ޝަހީމް ވިދާޅުވީ، އީދު ނަމާދު ކުރާ ވަގުތު ބަދަލުކުރުން ރަނގަޅުކަން އެފަރާތްތަކުންވެސް ފާހަގަ ކުރައްވާފައިވާ ކަމަށެވެ. ރާއްޖޭގައި ޒަމާނުއްސުރެ އީދު ނަމާދު ކުރަމުން އައިސްފައި ވަނީ، ހެނދުނު 7:30ގައި މިސްކިތްތަކުގައި ކަމަށާއި، އެހެން ނަމަވެސް މިހާރު ބޮޑު ޖަމާއަތްތަކުގައި މައިދާންތަކުގައި ނަމާދު ކުރާތީ އެވަގުތަށް އަވިއަރާފައި އޮންނާނީ ނަމާދު ކުރާ މީހުންނަށް ދަތިވާ ކަމަށެވެ.

ރާއްޖެއަށް ވެސް ރަމަޟާން މަހުގެ ފުރަތަމަ ދުވަހަކީ މާދަމާ ކަމުގައި ކަނޑައަޅައިފި

މިނިސްޓްރީ އޮފް އިސްލާމިކް އެފެއާޒުން މިގޮތަށް ކަނޑައަޅުއްވާފައި ވަނީ، ހަނދާއި ބެހޭ ކޮމިޓީގެ ބައްދަލުވުމަށް ފަހުގައެވެ. ހަނދާއި ބެހޭ ގޮތުން މިރޭ އިއްވެވި ހަނދާއި ބެހޭ ޤަރާރުގައި ވިދާޅުވީ، ރަމަޟާން މަހާއި ޝައްވާލު މަސް ފެށުމުގައި ދިވެހިރާއްޖެއިން ޢަމަލުކުރަމުން އަންނަ ގޮތުގެ މަތީ، ސަޢޫދީ އަރަބިއްޔާ އާއި އިސްލާމީ އެހެން ޤައުމުތަކަށްވެސް ރަމަޟާން މަހުގެ ހަނދު ސާބިތުކުރެވިފައި ވާތީ، ރާއްޖެއިންވެސް ރަމަޟާން މަހުގެ ފުރަތަމަ ދުވަހަކީ، މާދަމާ ކަމުގައި ކަނޑައަޅާފައިވާ ކަމަށެވެ.

ސަޢޫދީއަރަބިއްޔާއަށް ހަނދު ފެނި މާދަމާއަކީ ރަމަޟާން މަހުގެ ފުރަތަމަ ދުވަސް ކަމުގައި އިޢުލާނުކޮށްފި

ސައޫދީ ގެޒެޓާއި ގަލްފް ނިއުސްއިންވެސް ރިޕޯޓްކޮށްފައިވާ ގޮތުގައި، 11 މާރިޗު 2024 ވާ ހޯމަ ދުވަހަކީ މިއަހަރުގެ ރަމަޟާން މަހުގެ ފުރަތަމަ ދުވަސްކަމުގައި ސަޢޫދީ ސަރުކާރުން މިރޭ ވަނީ ކަނޑައަޅާފައެވެ. މިގޮތަށް ކަނޑައެޅީ، ސަޢޫދީ އަރަބިއްޔާއަށް މިއަދު އިރު އޮއްސުނު ވަގުތު ހަނދު ފެނުމާއި ގުޅިގެންނެވެ.

މަޖިލިސް އިންތިޚާބަށް ރީރެޖިސްޓްރީ ވުމަށް އަލުން ފުރުޞަތު ހުޅުވާލައިފި

މި މުއްދަތުގައި ރަޖިސްޓަރީވުމަށް އެދި ހުށަހަޅާނީ ރައްޔިތުންގެ މަޖިލީހުގެ އިންތިޚާބު 2024 ގައި ވޯޓުލުމަށް މިހާރު ރަޖިސްޓަރީވެފައިވާ ތަން ނޫން އެހެން ތަނެއްގައި ވޯޓުލުމަށް ރަޖިސްޓަރީވާން ބޭނުންވާ ފަރާތްތަކުން އެކަނި ކަމުގައިވެސް އިލެކްޝަންސް ކޮމިޝަނުން ވަނީ ވިދާޅުވެފައެވެ.

މަކަރާ ހީލަތުން ފައިސާ ފޭރުމަށް ޖަލުގެ ގައިދީން ބޭނުންކުރާ ފޯނުތަކެއް އަތުލައިފި

މިގޮތުން އެ އޮޕަރޭޝަނުގައި، މާފުށި ޖަލުގެ ބައެއް ގޮޅިތައް ބަލައި ފާސްކޮޮށް 22 މޯބައިލް ފޯނާއި، 10 ޗާޖަރާއި، 10 ހެޑްސެޓް/އެއާޕޮޑްގެ އިތުރުން ދެ ސިމްކާޑު އަދި މޯބައިލް ފޯނުގެ ބައިތަކެއްގެ އިތުރުން މައްސަލައާ ގުޅުންހުރި އިތުރު ހެކިތައް ހޯދާފައިވާ ކަމުގައި ފުލުހުންގެ އިދާރާއިން ވިދާޅުވިއެވެ.

ސަރުކާތުގެ ޚަރަދުގައި ފުރަތަމަ ހައްޖަށް ފޮނުވާނެ 50 މީހުން ކަނޑައަޅައިފި

މިނިސްޓްރި އޮފް އިސްލާމިކް އެފެއާޒުން ވިދާޅުވީ، ގުރުއަތުން ހޮވޭ 50 މީހުންގެ ތެރެއިން އެއްވެސް މީހަކު މިއަހަރު ހައްޖަށް ދިޔުމަށް ޢުޒުރުވެރިވާނަމަ، އިތުރު މީހަކަށް ފުރުޞަތު ދޭނެ ކަމަށެވެ. މިގޮތުން ރިޒާވް ލިސްޓުގައި ހިމެނުމަށް 10 ފަރާތެއްވެސް ވަނީ ގުރުއަތުން ކަނޑައަޅާފައެވެ.

އައިޖީއެމްއެޗް ހޮސްޕިޓަލް މިސްކިތް އަލުން ހުޅުވައިފި

އައިޖީއެމްއެޗްގެ މިސްކިތް ބަންދުކުރީ މީގެ ހަތަރު ވަރަކަށް އަހަރު ކުރިންނެވެ. އެހެން ނަމަވެސް އައިޖީއެމްއެޗްގައި ނަމާދު ކުރެވޭނޭ ގޮތަށް ދަރުމަވަންތަ ހޮސްޕިޓަލްގައި ދެ ކޮޓަރިއެއް ޚާއްޞަކޮށްފައި މިދިޔަ ދުވަސްތަކުގައި ހުއްޓެވެ. އެހެންނަމަވެސް އައިޖީއެމްއެޗްގެ ގޯތިތެރޭގައި ވަކިން މިސްކިތެއްގެ ގޮތުގައި ބަންގި ގޮވައި ފަރުޟު ނަމާދުކުރަމުން އެ މިސްކިތް ބަންދުކުރުމާއި ގުޅިގެން ގިނަ ބަޔަކު ކަންބޮޑުވުންތައް ފާޅުކުރިއެވެ.

ހަފްތާ ބަންދުގައި މާލޭ މަގުމަތިން 123 އުޅަނދެއް ނަގައި ނައްތާލައިފި

ބޭނުން ނުކޮށް ދިގު މުއްދަތަކަށް މަގުމަތީގައި ބަހައްޓާފައިވާ އުޅަނދުތައް ނައްތާލުން ހިމެނޭ ގޮތަށް، މާލެ ސަރަހައްދުގެ މަގުތައް ތޮއްޖެހިފައިވާ މައްސަލަ ހައްލުކުރުމަށްޓަކައި ޓްރާންސްޕޯޓް މިނިސްޓްރީން ޓްރެފިކް ޑިކޮންޖެސްޝަން ޕްރޮގްރާމް ފެށީ، ހުސްވި ފެބުރުއަރީ މަހުގެ 17 ވަނަ ދުވަހުގައެވެ.

މަޤާމާއި ހަވާލުވި އިރު މާލޭ ސިޓީ ކައުންސިލްގައި ރާއްޖޭގައި ޤަވާއިދާއި ޚިލާފަށް އުޅެމުންދާ 18 ބިދޭސީން ތިބި: އާޒިމް

އާޒިމް ވިދާޅުވީ، ދައުލަތުގެ އިދާރާއެއްގެ މަސައްކަތްތައް ޤަވާއިދާއި ޚިލާފަށް ރާއްޖޭގައި އުޅޭ ބިދޭސީން ލައްވައި ކުރުވުމަކީ ކޮށްގެންވާނެ ކަމެއްކަމަށް ދެކެވަޑައި ނުގަންނަވާކަމުގައިވެސް އާޒިމް ވިދާޅުވިއެވެ.

އަސާސީ ކާބޯތަކެތީގެ އަގު ހެޔޮކުރެއްވުމަށް މަސައްކަތް ކުރައްވަމުންދާ ކަމުގައި ރައީސް ވިދާޅުވެއްޖެ

ހުރިހާ ސަރުކާރެއްގައިވެސް ޚާއްޞަކޮށް ރަމަޟާން މަހު ކާބޯތަކެތީގެ އަގުތައް މައްޗަށް ދިޔަ ނުދިނުމަށްޓަކައި ސަރުކާރުގެ ކުންފުނި އެސްޓީއޯ މެދުވެރިކޮށް މުދާ އެތެރެކޮށް ފިޔަވަޅުތައް އަޅައެވެ. މިގޮތުން ޚާއްޞަ ގޮތެއްގައި ފިޔާ އަލުވި އަދި ބިހުގެ އަގުތައް މަތިވެގެން ދިޔަ ނުދިނުމަށްޓަކައި އެބާވަތްތައް އެސްޓީއޯއިން އެތެރެކޮށް ހެޔޮއަގުގައި މާކެޓަށް ނެރެއެވެ.

ރޯދައަށް ގެދޮރު ސާފުކޮށް މަގުމަތި މުޅިން ގޮނޑުކޮށްލައިފި

މާލޭ ސިޓީ ކައުންސިލްގެ މޭޔަރު އާދަމް އާޒިމް ވިދާޅުވީ، ފާއިތުވި ހަފްތާގައި މާލޭ ސިޓީ ކައުންސިލުން އެކަނިވެސް މަގުތައް މަތިން 140 ޓަނު ކުނި ނަގާފައިވާ ކަމަށާއި، އެއީ އެވްރެޖްކޮށް ދުވާލެއްގެ މައްޗަށް 20 ޓަނުގެ ކުނި ކަމަށެވެ. އާޒިމް ވިދާޅުވީ، މާލޭގެ މަގުތައް މައްޗަށް ކުނިއަޅަމުންދާ މިންވަރަށް ބަލާއިރު އެކުނިތައް ނަގައި ދުވަހުން ދުވަހަށް ސާފުކުރުމުގެ ކެޕޭސިޓީއެއް، މާލެ ސިޓީކައުންސިލާއި ވެމްކޯގައިވެސް ނެތް ކަމަށެވެ. އެހެންކަމުން އާއްމުން ޒިންމާދާރު ވުމަށާއި، މަގުތައް މައްޗަށް ކުނި ނޭޅުމަށް އާޒިމް އެދިވަޑައިގެންނެވިއެވެ.

އަތޮޅުތެރޭގެ ތަރައްޤީގެ މަޝްރޫއުތައް ހުއްޓިފައި އޮތީ ކުންފުނިތަކަށް ސަރުކާރުން ފައިސާ ނުދެވިގެން ކަމުަގައި ރައީސުލްޖުމްހޫރިއްޔާ ވިދާޅުވެއްޖެ

ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، ހިންނަވަރުގައި ހިނގަމުން ދިޔަ ހައުސިންގަ މަޝްރޫއުގެ މަސައްކަތްތައްވެސް މަޑު ޖެހިފައި އޮތީ، އެމަޝްރޫޢު ކުރިޔަށް ގެންދާ ކުންފުންޏަށް ސަރުކާރުން ދޭންޖެހޭ ފައިސާ ނުދެވި އޮވެގެން ކަމަށެވެ. މިގޮތުން ސަރުކާރުން ވަރަށް ގިނަ ކުންފުނިތަކަށާއި އަމިއްލަ ފަރާތްތަކަށް ދައްކަންޖެހޭ ފައިސާ އެބަހުރި ކަމަށާއި އެފައިސާގެ އަދަދު 9 ބިލިއަނަށް އަރާކަމަށް ވިދާޅުވާ ވިދާޅުވުން ތަކުރާރު ކުރެއްވިއެވެ.