އަތޮޅު ތެރޭގެ އެންމެ ބޮޑު ހޮސްޕިޓަލް، އައްޑޫ އިކުއެޓޯރިއަލް ހޮސްޕިޓަލް، އޭއީއެޗްގެ ސީއީއޯގެ މަޤާމަށް ޑރ. އިބްރާހީމް ޔާސިރު އަޙްމަދު ހަމަޖައްސަވައިފިއެވެ.

އައްޑޫ އިކުއެޓޯރިއަލް ހޮސްޕިޓަލްގެ މަޤާމަސް ސަރުކާރުން ޑރ. ޔާސިރު ޢަައްޔަނުކުރައްވާފައި ވަނީ މިމާރިޗު މަހުގެ 4 ވަނަ ދުވަހުގައި ނަމަވެސް ޑރ. ޔާސިރަށް މަރްޙަބާ ދަންނަވައި އެކަން އޭއީއެޗްއިން އިޢުލާނު ކުރައްވާފައި ވަނީ މިއަދުއެވެ.

އޭއީއެޗްގެ ސީއީއޯގެ މަޤާމުގައި ނިމިދިޔަ ދައުރުގައި ހުންނެވީ، ޑރ. މުޙައްމަދު ޞާލިޙެވެ.

ޑރ، ޔާސިރަކީ ސަރުކާރުގެ މައި ހޮސްޕިޓަލްގައިވެސް ދިގު މުއްދަތެއްގައި ޚިދުމަތް ކުރައްވާފައިވާ ބޭފުޅެވެ. އަދި ކޯވިޑް-19ގެ ޢާލަމީ ވަބާގެ ތެރޭގައި މީހުން ހޭލުންތެރި ކުރުމަށް ސިއްޙީ ދާއިރާއިން ކުރެއްވި މަސައްކަތްތަކުގައިވެސް ޑރ. ޔާސިރު މުހިއްމު ދައުރެއް އަދާކުރެއްވިއެވެ.