Advertisement
މިރޭ ތަޢާރަފްކުރި، އަންމޭންޑް އޭރިއަލް ވެހިކަލް (ޔޫއޭވީ) -- ފޮޓޯ: ރައީސުލްޖުމްހޫރިއްޔާގެ އޮފީސް
މޯލްޑިވްސް ނެޝަނަލް ޑިފެންފޯސްގެ އެއަރކޯ ރައީސުލްޖުމްހޫރިއްޔާ އިފްތިތާޙްކޮށްދެއްވައިފި
މޯލްޑިވްސް ނެޝަނަލް ޑިފެންފޯސްގެ އެއަރކޯ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިފްތިތާޙްކޮށްދެއްވައިފިއެވެ.
ރައީސުލްޖުމްހޫރިއްޔާ އެމްއެންޑީއެފްގެ އެއަރކޯ އިފްތިތާޙްކޮށްދެއްވީ އެކަމަށްޓަކައި މިރޭ، މާފަރު އިންޓަރނޭޝަނަލް އެއާޕޯޓުގައި ބޭއްވި ޚާއްޞަ ރަސްމިއްޔާތެއްްގައެވެ.
މޯލްޑިވްސް ނެޝަނަލް ޑިފެންފޯސްގެ އެއަރކޯ އުފައްދަވާފައި ވަނީ، ރާއްޖޭގެ ކަނޑުގެ ސަރަހައްދު ވައިގެ މަގުން ބެެލެހެއްޓުމަށްޓަކައެވެ.
އެމްއެންޑީއެފް އެއާ ކޯ އިފްތިތާޙްކުރެއްވުމާއި އެކު، އެމްއެންޑީއެފްއަށް އަންމޭންޑް އޭރިއަލް ވެހިކަލް (ޔޫއޭވީ) ނުވަތަ ޑްރޯންތައް ވެސް ވަނީ އިފްތިތާޙްކޮށްދެއްވާފައެެވެ.
މިރަސްމިއްޔާތުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި، މިވަގުތު އެމްއެންޑިއެފް އެއާކޯގައި އޮތީ ތިން ޔޫއޭވީ ނަމަވެސް އިތުރު އުޅަނދުތައް ފްލީޓަށް އިތުރު ކުރައްވަމުން ގެންދަވާނެ ކަމުގައި ވިދާޅުވިއެވެ. އަދި އެކަމުގައި ތުރުކީ ސަރުކާރުން އެހީތެރިކަން ފޯރުކޮށްދޭނެ ކަމުގެ ފެހި ސިގްނަލް ލިބިފައިވާކަންވެސް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވާހަކަފުޅުގައި ފާހަގަކުރެއްވިއެވެ.
މިއީ ރާއްޖޭގެ ތާރީޚުގައިވެސް ހޯދުނު މުހިއްމު ކާމިޔާބީއެއްގެ ގޮތުގައި ރައީސުލްޖުމްހޫރިއްޔާ ވަނީ ސިފަ ކުރައްވާފައެވެ.
އެމްއެންޑީއެފް އެއަކޯރގެ ޚިދުމަތުގައި ބޭނުންކުރުމަށް ގެނައި މި ޔޫއޭވީތަކަކީ ގަޑިއަކު 220 ކިލޯމީޓަރުގެ ބާރުމިނުގައި ދަތުރުކުރާ އަދި މެދުނުކެނޑި 20 ގަޑިއރު އުދުހުމުގެ ޤާބިލްކަން ލިބިފައިވާ އުޅަނދުތަކެކެވެ.
