Advertisement

ފުލުހުންގެ ނޫސް ކޮންފަރެންސެއްގެ ތެރެއިން --

17 Mar 2024
ޚަބަރު
ޢަލީ ސުލައިމާން

އާރްޑީސީގެ ޚިޔާނާތުގެ މައްސަލައިގެ ތަޙްޤީޤުގެ ބޮޑުބައެއް ނިމިއްޖެ

އާރްޑިސީގެ ޚިޔާނާތާއި ގުޅިގެން ތިން މީހަކާއި ސުވާލުކޮށްފައިވާ ކަމަށާއި، އަދި އެޚިޔާނާތާއި ގުޅޭ ތަޙްޤީޤުގެ ބޮޑުބައެއް މިހާރު ވަނީ ނިމިފައި ކަމުގައި، ފުލުހުންގެ ފައިނޭންޝަލް ކްރައިމް ޔުނިޓުން ވިދާޅުވެއްޖެއެވެ.

މިއަދު ބޭއްވި ނޫސްވެރިންގެ ބައްދަލުވުމުގައި އެމައްސަލައިގެ ތަފްޞީލްތައް ޙިއްޞާ ކުރައްވަމުން، ފައިނޭންޝަލް ކްރައިމް ޔުނިޓުގެ ހެޑް، ޗީފް އިންސްޕެކްޓަރ އޮފް ޕޮލިސް ޔޫސުފް ލޫޠު ވިދާޅުވީ، އާރްޑީސީއާ ގުޅޭ ޚިޔާނާތުގެ މައްސަލައިގެ ތަޙްޤީޤުތައްވެސް ނިންމައި ވަރަށް އަވަށް ދައުވާ ކުރުމަށް ޕީޖީއަށް ފޮނުވުމަށް މަސައްކަތް ކުރައްވަމުން ގެންދަވާ ކަމަށެވެ. އަދި އެމައްސަލައިގެ ތަޙްޤީޤުގައި ތިން މީހަކާއި ސުވާލުކުރެވިފައިވާ ކަމުގައި އޭނާ ވިދާޅުވިއެވެ.

ލޫޠު ވިދާޅުވީ، އާރްޑީސީގެ ޚިޔާނާތް ހިންގާފައި ވަނީ، ކޯވިޑް-19ގެ ހާލަތުގައި މާލިއްޔަތާިއ ގުޅޭ ކަންކަމަށް ދިން ލުއި، ކޯވިޑްގެ ހާލަތު ނެތި ދިޔުމަށްފަހުވެސް އުވާ ނުލައި ދަމަހައްޓައިގެން ކަމަށެވެ.

އާރްޑީސީގެ ޚިޔާނާތުގައި އިސް 3 މީހަކު ފާހަގަކުރެވިފައިވާ ކަމަށް ކުރިންވެސް ފުލުހުން ވިދާޅުވެފައި ވާއިރު، ތަހްޤީޤަށް ހާޟިރުކޮށް ސުވާލުކޮށްފައި ވަނީ އެތިން މީހުންނާކަމުގައިވެސް ލޫޠު ވިދާޅުވިއެވެ. އަދި އާރްޑީސީގެ އިތުރު 15 ވަރަކަށް މުވައްޒަފަކު އެޚިޔާނާތުގެ ފައިސާތައް ދައުރުކުރުމުގެ ތެރޭގައި ޝާމިލްވެފައިވާ ކަމުގައި ފުލުހުންގެ އިދާރާއިން ކުރިން ވިދާޅުވެފައި ވެއެވެ.

އޭގެ ތެރެއިން އެކެއްގެ އެކައުންޓަށް 11 މިލިޔަން ރުފިޔާ ވަދެފައިވާ ކަމަށާއި، އާރްޑީސީގެ މުވައްޒަފަކާއި ގުޅުން ހުރި މީހެއްގެ ކުންފުންޏަށްވެސް 3 ލައްކަ ރުފިޔާ ވަދެފައިވާކަން ފާހަގަކުރެވިފައިވާ ކަމަށް ފުލުހުން ވަނީ ވިދާޅުވެފައެވެ. އަދި ޚިޔާނާތުގައި ބައިވެރިވެފައި ވާކަމަށް ތުހުމަތު ކުރެވޭ 3 މީހުންގެ އެކައުންޓަށް ޖުމުލަ، 14 މިލިއަން ރުފިޔާ ވަދެފައިވާ ކަމުގައިވެސް ފުލުހުން އެކަމާއި ގުޅޭ ގޮތުން މައުލޫމާތު ދެއްވި ނޫސްވެރިންގެ ބައްދަލުވުމުގައި، ލުހުންގެ އިކޮނޮމިކް ކްރައިމް ޑިޕާޓްމަންޓްގެ ހެޑް ސްޕްރިންޓެންޑެންޓް އޮފް ޕޮލިސް ޢަބުދުﷲ ރަޝީދު ވިދާޅުވެފައިވެއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.