ޑޮކްޓަރ މުޙައްމަދު މުއިއްޒުގެ ސަރުކާރުގައި ހިމެނޭ، ކޯލިޝަން ޕާޓީ، މޯލްޑިވްސް ނޭޝަނަލް ޕާޓީ (އެމްއެންޕީ)ގެ ޑެޕިއުޓީ ލީޑަރު، ހުސެއިން އިސްމާއިލް، ހިންނަވަރު ދާއިރާއިން މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޓިކެޓުގައި ވާދަކުރައްވާ ޖީހާން މަހްމޫދަށް ތާއިދު ކުރައްވަން ނިންމަވައިފިއެވެ. 

"ނޫން"އަށް ދެއްވި އިންޓަވިއުއެއްގައި ރައްޔިތުންގެ މަޖިލީހުގައި ހިންނަވަރު ދާއިރާ މިހާރު ވެސް ތަމްސީލު ކުރައްވަމުން ގެންދަވާ ޖީހާން މަހްމޫދު ވިދާޅުވީ، ރައީސް އިބްރާޙިމް މުޙައްމަދު ޞާލިހު އިސްވެ ހުންނަވައި ކުރިޔަށް ގެންދަވާ ޖީހާންގެ ކެމްޕެއިން ޓީމާ ހުސެން ގުޅިވަޑައިގެންނެވުމަކީ، ރައީސް ޞާލިހުގެ ނިންމެވުންތަކަށް ހުސެއިން އިހްތިރާމް ކުރައްވާ އަދި ތާއީދު ކުރައްވާ މިންވަރު ހާމަވެގެން ދިޔަ ކަމެއް ކަމުގައެވެ.

މި ނިންމެވުމާއެކު، ހުސެއިން ވަނީ ރައީސް ޞާލިޙް އަދި ޖީހާން އާއި މިއަދު ބައްދަލު ކުރައްވާފައެވެ. އަދި އެ ދެ ބޭފުޅުން ވެސް ވަނީ ހުސެއިންގެ މި ނިންމެވުމަށް މަރުހަބާ ދަންނަވާފައެވެ.

މީގެ އިތުރުން ޖީހާން ވިދާޅުވީ، އެމްޑީޕީގެ ކެމްޕެއިން ޓީމާ ހުސެއިން ގުޅިވަޑައިގެންނެވުމަކީ، އިންތިހާބުގައި ވަކި ގޮތެއް ނިންމެވުމަށް ރައްޔިތުންނަށް ލިބިގެންދާނެ ވަރަށް ބޮޑު ހިތްވަރެއް ކަމުގައެވެ.

ކެމްޕެއިން ޓީމާ ހުސެން ގުޅިވަޑައިގެންނެވުމުން ޓީމުގެ މަސައްކަތްތަކަށް ލިބިގެންދާނެ ކުރިއެރުއްވުން ސިފަކުރައްވަމުން ޖީހާން ވިދާޅުވިއެވެ.

ވިހި ވަނަ ރައްޔިތުންގެ މަޖިލީހުގެ ކެމްޕެއިންގައި ޖީހާންއަށް ތާއީދު ކުރައްވަން ހުސެއިން މިއަދު ނިންމެވިއިރު، ނަވާރަ ވަނަ މަޖިލީހުގެ ކެމްޕެއިންގައި ވެސް ހުސެއިން މަސައްކަތް ކުރެއްވީ ޖީހާންއާ އެކުއެވެ.