އެމީހުން ބުނެފައި ވަނީ، އެމީހުންނަށް ފެބުރުއަރީ މަހުގެ މުސާރަވެސް ދީފައި ނުވާ ކަމަށާއި، ރަމަޟާން މަހުގެ އިނާޔަތު ފައިސާވެސް ދީފައި ނުވާ ކަމަށެވެ. އެހެންވެ އިހްތިޖާޖުކުރީ އެމީހުންގެ ހައްޤުތައް ހޯދަން ކަމުގައި އެމުވައްޒަފުންގެ ތެރެއިން ބައެއް މީހުން ވަނީ ބުނެފައެވެ.

ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފަށް ރައީސް ޑރ. މުހައްމަދު މުޢިއްޒު ހިލާލީގެއަށް ލައްވާފައިވާ މުވައްޒަފުން ލައްވައި ޖާސޫސް ކުރައްވާތީ، ނައިބު ރައީސް ހިލާލީގެއިން ނުކުމެވަޑައިގެން ހުޅުމާލެއަށް ބަދަލުވެވަޑައިގެންފި ކަމުގައި ރާއްޖޭގެ މީޑިއާއަކުން ވަނީ ރިޕޯޓްކޮށްފައެވެ.

ފުލުހުންގެ އިދާރާއިން ވިދާޅުވީ، އެވީޑިއޯއިން ފެންނަ މީހުންނަކީ، ހުޅުމާލެ ފޭސް 1 ޕޮލިސް ސްޓޭޝަނުން ތަހުގީގުކުރަމުންދާ، އެކްސިޑެންޓް މައްސަލައަކާ ގުޅިގެން އެކްސިޑެންޓް ވުމުން ރިޕޯޓްނުކޮށް ސީން ދޫކޮށް ގޮސްފައިވާ މައްސަލައަކާ ގުޅިގެން ހޯދަންބޭނުންވެ، އެމީހުންނަކީ ކޮންބައެއްކަން ދެނެގަނެވިފައިނުވާތީ ހޯދިފައިނުވާ މީހުންނެވެ.

ސަރުކާރުގެ އޮފިޝަލަކު ވިދާޅުވީ، ރާއްޖޭގައި ތިބި އިންޑިއާ ސިފައިން ބޭލުމަށް ދެ ޤައުމުގެ ދެމެދުގައި ވެވިފައިވާ އެއްބަސްވުމާއި އެއްގޮތަށް ޢަމަލު ކުރެވެމުން އަންނަ ކަމަށެވެ. އަދި ބާކީ ތިބި ސިފައިން މެއި މަހު ރާއްޖެއިން ގެންދާނެ ކަމުގައިވެސް އޭނާ ވިދާޅުވިއެވެ.

މިދިޔަ އާދީއްތަ ދުވަހު ދިން ފައިސާއާއެކު، ހުކުރު ދުވަހާ ހަމައަށް މަސްވެރިން ބާނާފައިވާ މަހަށް ފައިސާ ދީ، މިފްކޯއިން މަސްވެރިންނަށް ދޭންޖެހޭ ފައިސާގެ ބެކްލޮގް އެއްކޮށް ސާފު ކުރެވިއްޖެކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުއިއްޒު ވިދާޅުވެއްޖެއެވެ. މަސްވެރިންނަށް ނުދެވި ހުރި 157 މިލިއަން ރުފިޔާ ރޯދައިގެ ކުރިން ދޫކުރާނެކަމަށް ރައީސް ވަނީ ކުރިން ވިދާޅުވެފައެވެ. މި ފައިސާ ދޫކުރަން ފަށާފައިވަނީ އާދީއްތަ ދުވަހުއެވެ.

ވެމްކޯއިން މިރޭ ނެރުނު ނޫސްބަޔާނެއްގައި ބުނެފައި ވަނީ މިރޭގެ 18:00 އިން ފެށިގެން މާރިޗު މަހުގެ 13 ވަނަ ދުވަހުގެ 23:00އާއި ހަމައަށް، ގުރޭޓާ މާލެ ސަރަހައްދުގައި ހުރި ވެމްކޯގެ ވޭސްޓް ޓްރާންސްފަރ ސެންޓަރުތަކަށް ގެންނަ ކުންޏަށް އެކުންފުނިން އެންޓްރީ ފީ އާ ޑިސްޕޯސަލް ފީ ވެސް ނުނަގާނެ ކަމަށެވެ. އެހެން ނަމަވެސް އެނޫން ފަރާތްތަކުގެ އަތުން ކުރިއެކޭވެސް އެއްގޮތަށް ފީތައް ނަގާނެ ކަމުގައި ވެމްކޯއިން ވަނީ ބުނެފައެވެ.

އެޗްޑީސީން ބުނީ، މިމަސް މާރުކޭޓް ހުޅުވާފައި ވަނީ، ހުޅުމާލެ ފޭސް 2 ގެ ޑިންގީ ހާބަރު ސަރަހައްދުގައި ކަމަށެވެ. މިގޮތުން އެ މަސް މާރުކޭޓަކީ ޚާއްޞަކޮށް ފަރުމަހުގެ މަސްވެރިކަން ކުރާ ފަރާތްތަކަށް ޚާއްޞަކުރެވިގެން ހުޅުވުނު މާރުކޭޓެއް ކަމުގައިވެސް އެޗްޑީސީން ވަނީ ބުނެފައެވެ.

މިނިސްޓަރ ޝަހީމް ވިދާޅުވީ، އީދު ނަމާދު ކުރާ ވަގުތު ބަދަލުކުރުން ރަނގަޅުކަން އެފަރާތްތަކުންވެސް ފާހަގަ ކުރައްވާފައިވާ ކަމަށެވެ. ރާއްޖޭގައި ޒަމާނުއްސުރެ އީދު ނަމާދު ކުރަމުން އައިސްފައި ވަނީ، ހެނދުނު 7:30ގައި މިސްކިތްތަކުގައި ކަމަށާއި، އެހެން ނަމަވެސް މިހާރު ބޮޑު ޖަމާއަތްތަކުގައި މައިދާންތަކުގައި ނަމާދު ކުރާތީ އެވަގުތަށް އަވިއަރާފައި އޮންނާނީ ނަމާދު ކުރާ މީހުންނަށް ދަތިވާ ކަމަށެވެ.

މިނިސްޓްރީ އޮފް އިސްލާމިކް އެފެއާޒުން މިގޮތަށް ކަނޑައަޅުއްވާފައި ވަނީ، ހަނދާއި ބެހޭ ކޮމިޓީގެ ބައްދަލުވުމަށް ފަހުގައެވެ. ހަނދާއި ބެހޭ ގޮތުން މިރޭ އިއްވެވި ހަނދާއި ބެހޭ ޤަރާރުގައި ވިދާޅުވީ، ރަމަޟާން މަހާއި ޝައްވާލު މަސް ފެށުމުގައި ދިވެހިރާއްޖެއިން ޢަމަލުކުރަމުން އަންނަ ގޮތުގެ މަތީ، ސަޢޫދީ އަރަބިއްޔާ އާއި އިސްލާމީ އެހެން ޤައުމުތަކަށްވެސް ރަމަޟާން މަހުގެ ހަނދު ސާބިތުކުރެވިފައި ވާތީ، ރާއްޖެއިންވެސް ރަމަޟާން މަހުގެ ފުރަތަމަ ދުވަހަކީ، މާދަމާ ކަމުގައި ކަނޑައަޅާފައިވާ ކަމަށެވެ.

ސައޫދީ ގެޒެޓާއި ގަލްފް ނިއުސްއިންވެސް ރިޕޯޓްކޮށްފައިވާ ގޮތުގައި، 11 މާރިޗު 2024 ވާ ހޯމަ ދުވަހަކީ މިއަހަރުގެ ރަމަޟާން މަހުގެ ފުރަތަމަ ދުވަސްކަމުގައި ސަޢޫދީ ސަރުކާރުން މިރޭ ވަނީ ކަނޑައަޅާފައެވެ. މިގޮތަށް ކަނޑައެޅީ، ސަޢޫދީ އަރަބިއްޔާއަށް މިއަދު އިރު އޮއްސުނު ވަގުތު ހަނދު ފެނުމާއި ގުޅިގެންނެވެ.

މި މުއްދަތުގައި ރަޖިސްޓަރީވުމަށް އެދި ހުށަހަޅާނީ ރައްޔިތުންގެ މަޖިލީހުގެ އިންތިޚާބު 2024 ގައި ވޯޓުލުމަށް މިހާރު ރަޖިސްޓަރީވެފައިވާ ތަން ނޫން އެހެން ތަނެއްގައި ވޯޓުލުމަށް ރަޖިސްޓަރީވާން ބޭނުންވާ ފަރާތްތަކުން އެކަނި ކަމުގައިވެސް އިލެކްޝަންސް ކޮމިޝަނުން ވަނީ ވިދާޅުވެފައެވެ.

މިގޮތުން އެ އޮޕަރޭޝަނުގައި، މާފުށި ޖަލުގެ ބައެއް ގޮޅިތައް ބަލައި ފާސްކޮޮށް 22 މޯބައިލް ފޯނާއި، 10 ޗާޖަރާއި، 10 ހެޑްސެޓް/އެއާޕޮޑްގެ އިތުރުން ދެ ސިމްކާޑު އަދި މޯބައިލް ފޯނުގެ ބައިތަކެއްގެ އިތުރުން މައްސަލައާ ގުޅުންހުރި އިތުރު ހެކިތައް ހޯދާފައިވާ ކަމުގައި ފުލުހުންގެ އިދާރާއިން ވިދާޅުވިއެވެ.

މިނިސްޓްރި އޮފް އިސްލާމިކް އެފެއާޒުން ވިދާޅުވީ، ގުރުއަތުން ހޮވޭ 50 މީހުންގެ ތެރެއިން އެއްވެސް މީހަކު މިއަހަރު ހައްޖަށް ދިޔުމަށް ޢުޒުރުވެރިވާނަމަ، އިތުރު މީހަކަށް ފުރުޞަތު ދޭނެ ކަމަށެވެ. މިގޮތުން ރިޒާވް ލިސްޓުގައި ހިމެނުމަށް 10 ފަރާތެއްވެސް ވަނީ ގުރުއަތުން ކަނޑައަޅާފައެވެ.

އައިޖީއެމްއެޗްގެ މިސްކިތް ބަންދުކުރީ މީގެ ހަތަރު ވަރަކަށް އަހަރު ކުރިންނެވެ. އެހެން ނަމަވެސް އައިޖީއެމްއެޗްގައި ނަމާދު ކުރެވޭނޭ ގޮތަށް ދަރުމަވަންތަ ހޮސްޕިޓަލްގައި ދެ ކޮޓަރިއެއް ޚާއްޞަކޮށްފައި މިދިޔަ ދުވަސްތަކުގައި ހުއްޓެވެ. އެހެންނަމަވެސް އައިޖީއެމްއެޗްގެ ގޯތިތެރޭގައި ވަކިން މިސްކިތެއްގެ ގޮތުގައި ބަންގި ގޮވައި ފަރުޟު ނަމާދުކުރަމުން އެ މިސްކިތް ބަންދުކުރުމާއި ގުޅިގެން ގިނަ ބަޔަކު ކަންބޮޑުވުންތައް ފާޅުކުރިއެވެ.

ބޭނުން ނުކޮށް ދިގު މުއްދަތަކަށް މަގުމަތީގައި ބަހައްޓާފައިވާ އުޅަނދުތައް ނައްތާލުން ހިމެނޭ ގޮތަށް، މާލެ ސަރަހައްދުގެ މަގުތައް ތޮއްޖެހިފައިވާ މައްސަލަ ހައްލުކުރުމަށްޓަކައި ޓްރާންސްޕޯޓް މިނިސްޓްރީން ޓްރެފިކް ޑިކޮންޖެސްޝަން ޕްރޮގްރާމް ފެށީ، ހުސްވި ފެބުރުއަރީ މަހުގެ 17 ވަނަ ދުވަހުގައެވެ.

އާޒިމް ވިދާޅުވީ، ދައުލަތުގެ އިދާރާއެއްގެ މަސައްކަތްތައް ޤަވާއިދާއި ޚިލާފަށް ރާއްޖޭގައި އުޅޭ ބިދޭސީން ލައްވައި ކުރުވުމަކީ ކޮށްގެންވާނެ ކަމެއްކަމަށް ދެކެވަޑައި ނުގަންނަވާކަމުގައިވެސް އާޒިމް ވިދާޅުވިއެވެ.