ޝާހިދު މިހެން ވިދާޅުވީ، މިއަދު ކުރިޔަށްދާ އެމްޑީޕީގެ މަޖިލިސް ޕްރައިމަރީގައި ވާދަކުރައްވާ ކެންޑިޑޭޓުންނަށް ހެޔޮ އެދުންތައް ފޮނުއްވައި ކުރެއްވި ޕޯސްޓެއްގައެވެ. ޝާހިދު ވިދާޅުވީ، އެމްޑީޕީގެ ޙަޔާތުގައި، މިއަދަކީ އަނެެއްކާވެސް ރާއްޖޭގެ ސިޔާސީ ހަރަކާތުގައި އައު އިސްނެގުމެއް އެ ޕާރޓީން ނެގި ދުވަހެެއް ކަމަށެވެ. މިގޮތުން އިލެކްޝަން ކޮމިޝަނުގެ ދަފްތަރުގައި ހިމެނޭ އެޕާރޓީގެ މެންބަރުންވޯޓުލާގޮތަށް, ސިޔާސީ ޕާޓީ އަކުން ރާއްޖޭގައި ބާއްވާ ފުރަތަމަ މަޖިލީސް ޕްރައިމަރީއަކީ، އެމްޑީޕީގެ ޕްރައިމަރީކަން ޝާހިދު ފާހަގަކުރެއްވިއެވެ.

މި އަންނަ މާޗު މަހު ބޭއްވުމަށް ހަމަޖެހިފައިވާ ވިހި ވަނަ ރައްޔިތުންގެ މަޖިލީހުގެ ޕްރައިމަރީގައި ވާދަކުރުމަށް ދަ ޑިމޮކްރެޓްސްއިން ހުޅުވާލި ފުރުސަތުގައި، އެއް ކެނޑިޑޭޓަށް ވުރެން ގިނަ ކެނޑިޑޭޓުން ކުރިމަތިލި ދާއިރާތަކުގައި ބައްވާ، އެ ޕާޓީގެ މަޖިލިސް ޕްރައިމަރީ އިންތިހާބު ފެށިގެން ކުރިޔަށް އެބަދެއެވެ.

އެމްޑީޕީގެ ޕްރައިމަރީގެ ވޯޓުލުން ބޭއްވުމަށް، މުޅި ރާއްޖޭގައި އެޕާޓީން ވަނީ، 132 ވޯޓުފޮށި ވަނީ ބަހައްޓާފައެވެ، އޭގެ ތެރޭގައި ހިމެނެނީ، މާލޭގައި ވޯޓު ލުމަށް ބަހައްޓާފައިވާ، 27 ފޮއްޓާއި އަތޮޅުތަކުގައި ވޯޓުލުމަށް ބަހައްޓާފައިވާ 95 ވޯޓުފޮއްޓެވެ.

ޑިފެންސް މިިނިސްޓްރީން މިރޭ ނެރުނު ބަޔާނުގައި ބުނީ، ރާއްޖޭގެ ޚާއްސަ ޢިޤުތިޞާދީ ސަރަހައްދުގައި މަސްވެރިކަން ކުރަމުންދިޔަ، ދިވެހި މަސްދޯނިތަކަށް އަރާފައި ވަނީ އިންޑިއާ ކޯސްޓްގާޑުގެ ޝިޕް 246 އާއި، އިންޑިއާ ކޯސްޓްގާޑުގެ ޝިޕް 253ގައި ތިބި ސިފައިން ކަމަށެވެ. މިގޮތުން ތިން ދޯންޏަކަށް އިންޑިއާ ސިފައިން އަރާފައިވާ ކަމަށާއި އެއީ، އަސުރުމާ -3، މާހޯރަ 3 އަދި ނިރު 7 ކަމަށާއި އެދޯނިތަކަށް އިންޑިއާ ސިފައިން އެރީ، ރާއްޖޭގެ ސަރަހައްދުގައި، ހއ. ދިއްދޫގެ އިރު އުތުރުން 72 ނޯޓިކަލް މޭލު ބޭރުގައި ވަނިކޮށް ކަމަށްވެސް ޑިފެންސް މިނިސްޓްރީން ވަނީ ބުނެފައެވެ.

އެމްޑީޕީގެ ޕްރައިމަރީ އަބަދުވެސް ވެފައި އޮންނަނީ، ރާއްޖޭގައި ސިޔާސީ ޕާޓީއަކުން ބާއްވާ އެންމެ ބޮޑު އިންތިޚާބަށެވެ. މާދަމާ މުޅި ރާއްޖޭގައި އެމްޑީޕީގެ މަޖިލިސް ޕްރައިމަރީގެ ވޯޓުނެގުން ކުރިޔަށްދާނެއެވެ. މިޕްރައިމަރީގައި 149 ކެނޑިޑޭޓުން ވާދަކުރާނެއެވެ. އެއީ 40 އިންތިޚާބީ ދާއިރާއަކަށް ވާދަކުރައްވާ ކެނޑިޑޭޓުން ކަމުގައިވެސް އެމްޑީޕީން ވަނީ ހާމަކޮށްފައެވެ.

ދިވެހި ޚާރިޖިއްޔާއިން ވިދާޅުވީ، "ހައި ލެވެލް ކޯ ގްރޫޕް" ގެ ދެވަނަ ބައްދަލުވުމުގައި، ދިފާޢީ އަދި ސަލާމަތީ ދާއިރާއިން ގުޅުން ބަދަހިކުރުމާއި، އިޤްތިޞާދީ އަދި ތަރައްޤީގެ ދާއިރާއިން ދެޤައުމުގެ ދެމެދުގައި އޮތް ގުޅުން އިތުރަށް ބަދަހިކުރެއްވުމާ ބެހޭގޮތުން ވެސް މަޝްވަރާތައް ކުރެވުނު ކަމަށެވެ.

މި ސަރުކާރު ހަވާލުވިއިރު މަސްވެރިންނަށް ދޭންޖެހޭ 250 މިލިއަނެއްހާ ރުފިޔާ ހުރި ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވުމަކީ ކަނޑައެޅިގެން ދޮގެއް ކަމަށް ކުރީގެ ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެއެވެ.

ޗައިނާ ސަރުކާރުގެ އެހީގައި އެ ގައުމުގައި މާސްޓާސް އަށް ކިޔަވަން ދިވެހިންނަށް 200 ސްކޮލާޝިޕަށް ހުޅުވާލައިފިއެވެ.

ރާއްޖޭގައި ޑްރޯން މެދުވެރިކޮށް ކާގޯގެ ޚިދުމަތް ފެށުމަށް ޤައުމީ ފެންވަރުގައި ދިރާސާއެއް ކުރުމަށް ދިވެހި ރާއްޖޭގެ ޤައުމީ ޔުނިވަރސިޓީ، އެމްއެންޔޫއާ ހަވާލުކޮށްފިއެވެ. ދިރާސާ ކުރުމަށް އެމްއެންޔޫއާ ހަވާލުކުރުމަށް ބޭއްވި ރަސްމިއްޔާތުގައި ރީޖަނަލް އެއާޕޯޓްސް ކޮމްޕެނީ، އާރުއޭސީއެލްގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު މުބީނެވެ. އަދި އެމްއެންޔޫގެ ފަރާތުން ސޮއިކުރެއްވީ ޑެޕިއުޓީ ޗާންސެލަރު ޑރ. އައިޝަތު ޝެހެނާޒް އަހުމަދެވެ.

މަސްވެރިއަކު ކޮށްފައިވާ ސުވާލަށް ޖަވާބު ދެއްވަމުން ރައީސުލްޖުމްހޫރިއްޔާ އިއްޔެ ވިދާޅުވެފައި ވަނީ، މިފްކޯއިން ލޯނެއް ނަގައިގެން ވިޔަސް މަސްވެރިންނަށް ދޫކުރަންޖެހޭ ފައިސާ ދޫކުރެވޭތޯ ބައްލަވާނެ ކަމަށެވެ. އަދި މަސްވެރިންނަށް ފައިސާ ދިނުމުގައި ކުރިމަތިވެފައިވާ ދަތިތަކާއި ގުޅޭ ގޮތުން ފިޝަރީޒް މިނިސްޓަރ އަޙްމަދު ޝިޔާމް މިއަދު ވިދާޅުވީ، ރައީސުލް ޖުމްޙޫރިއްޔާގެ އެދިވަޑައިގަތުމަށް ސަވަރިން ގެރެންޓީދީގެންވެސް ފެސިލިޓީއެއް ހޯދުމުގެ މަސައްކަތް ބާރަށް ކުރަމުންގެންދާ ކަަމަށެވެ.

ފުލުހުންގެ އިދާރާއިން ވިދާޅުވީ، ހާދިސާގެ ރިޕޯޓް ފުލުހުންނަށް ލިބިފައިވާނީ، މިއަދުގެ މެންދުރު 12:31ގައި ކަމަށެވެ. މިހާދިސާގައި އެއްވެސް މީހަކަށް ސީރިއަސް ގެއްލުމެއް ލިބިފައި ނުވި ނަމަވެސް މިއެކްސިޑެންޓްގައި ސޯޕާޕެނަލްތަކަށާއި ކާރަށް ގެއްލުންތައް ވަނީ ލިބިފައެވެ. އެނގިފައިވާ ގޮތުގައި ކާރު ސޯލާޕެނަލްތައް ޖަހާފައިވާ ދަގަނޑުތަކުގައި ޖެހިފައި ވަނީ، ކޮންޓްރޯލު ނުވެގެން ގޮހެވެ.

މޯލްޑިވްސް ނެޝަނަލް ޑިފެންސްފޯސް, އެމްއެންޑިއެފްއިން ވިދާޅުވީ، ކޯސްގާޑުގެ ޝިޕް ޝަހީދު އަލީ، ރާއްޖޭގެ އުތުރުން އިންޑިއާ އާއި ރާއްޖޭގެ އީއީޒެޑް ގުޅޭ ބޯޑަރު ސަރަހައްދުގައި މިހާރު ހަރަކާތްތެރި ވަމުންދާ ކަމަށެވެ. ބުދަ ދުވަހު އިންޑިއާ ސިފައިންގެ ކަނޑުގެ ދެ މަނަވަރަކުން ވަނީ، ތުރާކުނުގެ އިރުމަތިން ރާއްޖޭގެ ޚާއްޞަ އިޤުތިޞާދީ ސަރަހައްދުގައި، 72 މޭލު ބޭރުގައި މަސްވެރިކަން ކުރަމުން ދިޔަ 3 މަސްދޯންޏެއް ހުއްޓުވައި އެދޯނިތަކަށް އަރައި ބަލާފާސްކޮށްފައެވެ.

ރާއްޖޭގެ ކަނޑުގެ ސަރަހަށްދަށް ބައިނަލްއަޤުވާމީ ޤާނޫނު ތަކާއި ޚިލާފަށް އިންޑިއާގެ ނޭވީގެ ދެ މަނަވަރެއް ވަދެ ރާއްޖޭގެ ތިން މަސްދޯންޏެއް ބަލައި ފާސްކުރި އިރު، މަސްދޯނި ފަހަރުގައި ތިބި މަސްވެރިން ނެގި ފޮޓޯއާ ވީޑިއޯތަށް މަސްވެރިންނަށް ބިރުދައްކައިގެން އިންޑިއާ ސިފައިން ޑިލީޓް ކުރުވި ކަމުގައިވެސް ރިޕޯޓްކޮށްފައިވެއެވެ.

ދެ ޤައުމުގައި ކުރިޔަށްދާ މަޝްވަރާތަކުގެ އެންމެ މުހިއްމު ކަމަކަށް އޮތީ، އިންޑިއާ ސިފައިން ރާއްޖެއިން ބޭލުމެވެ. ރާއްޖޭގައި ތިބި އިންޑިއާ ސިފައިން މާރިޗު 15 ގެކުރިން ރާއްޖެއިން ފޭބުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ، އިންޑިއާއަށް އަންގަވާފައެވެ.

ފުލުހުންގެ އިދާރާއިން ވިދާޅުވީ، ޕީޖީ ޝަމީމަށް ހަމަލާދިނުމުގެ ތުހުމަތުގައި މިއަދު ހައްޔަރު ކުރި ދެމީހުންގެ ބަންދާއި މެދު ގޮތެއް ނިންމުަމަށް މިއަދު ކްރިމިނަލްކޯޓަށް ޙާޟިރުކުރުމުން ޝަރީއަތް ނިމެންދެން އެދެމީހުން ބަންދުގައި ބޭއްތިބުމަށް ކޯޓުން އަމުރުދީފައިވާ ކަމަށެވެ.

އިންޑިއާ އަސްކަރިއްޔާގެ ދެ މަނަވަރެއްގެ ސިފައިން، ރާއްޖޭގެ ސަރަހައްދަށް ވަދެ، ކަންނެލި މަސްވެރިކަން ކުރަމުން ދިޔަ ރާއްޖޭގެ ތިން ދޯންޏަކަށް ބައިނަލްއަޤުވާމީ ޤާނޫނުތަކާއި ޚިލާފަށް އަރައި، އެއުޅަނދުތައް ބަލައި ފާސްކުރުުގެ އަމަލުތަކެއް އިއްޔެ ވަނީ ހިންގާފައެވެ. އެކަމުގެ ކަންބޮޑުވުންތަކާއި އެކު ބޮޑުކަންނެލި މަސްވެރިންގެ ޔޫނިއަނުން މިއަދު ނެރުނު ބަޔާނުގައި ބުނެފައި ވަނީ. އެޖަމިއްޔާގެ މެމްބަރު ތިން ދޯންޏަކަށް، ބޭރު ޤައުމެއްގެ އަސްކަރީ ސިފައިން އަރައި،ބިރުދައްކައި، މުވާޞަލާތީ ވަސީލަތްތަކުގެ މައުލޫމާތު ދިނުމަށް މަޖުބޫރުކޮށް، މަސްވެރިކަން ކުރުމަށް ހުރަސް އެޅުމަކީ، އެޖަމިއްޔާއިން އިންތިހާއަށް ކަންބޮޑުވާ ކަމެއް ކަމަށެވެ.