ރަމަޟާން މަހަށް ޚާއްޞަކޮށް ހުޅުމާލެ ފޭސް 2ގައި އެޗްޑީސީން މަސްމާރުކޭޓެއް މިއަދު ހުޅުވައިފިއެވެ.

އެޗްޑީސީން ބުނީ، މިމަސް މާރުކޭޓް ހުޅުވާފައި ވަނީ، ހުޅުމާލެ ފޭސް 2 ގެ ޑިންގީ ހާބަރު ސަރަހައްދުގައި ކަމަށެވެ. މިގޮތުން އެ މަސް މާރުކޭޓަކީ ޚާއްޞަކޮށް ފަރުމަހުގެ މަސްވެރިކަން ކުރާ ފަރާތްތަކަށް ޚާއްޞަކުރެވިގެން ހުޅުވުނު މާރުކޭޓެއް ކަމުގައިވެސް އެޗްޑީސީން ވަނީ ބުނެފައެވެ. 

މަސް މާރުކޭޓުގެ އިތުރުން، އެޗްޑީސީން ވަނީ ވަނީ ހިޔާ ސަރަހައްދުގައި ލޯކަލް މާރުކޭޓެއްވެސް ހުޅުވާފައެވެ. އެގޮތުން އެޗލޯކަލް މާރުކޭޓުގެ ގޮޅިތައް މިހާރު ވަނީ ހަވާލުކުރެވިފައި ކަމަށާއި، ރޯދަ މަސް ފެށުމާއި އެކު މި ލޯކަލް މާރުކޭޓު ހުޅުވި، ރޯދަ މަހުން ފެށިގެން ދެމަސް ދުވަހަށް ކުރިއަށް އެމާރުކޭޓު ކުރިޔަށް ގެންދެވޭނެ ކަމުގައިވެސް އެޗްޑީސީން ބުނެފައިވެއެވެ.

މި ލޯކަލް މާރުކޭޓު ހަދާފައު ހުރީ، ހިޔާ ފްލެޓް 1 އަދި 2  އަދި ވިނަރެސް 9،10 ހުންނަ ސަރަހައްދުގައެވެ. މި މާރުކޭޓުގެ ބޭނުމަކީ އެ ސަރަހައްދުގައި ދިރިއުޅޭ ފަރާތްތަކަށް މޭވާ އަދި ތަރުކާރީ އަދި އެހެނިހެން ބާވަތްތައް ފަސޭހަކަމާއިކު ލިބޭނެ ގޮތް ހަމަޖައްސައިދިނުންކަމުގައިވެސް އެޗްޑީސީން ވަނީ ބުނެފައެވެ.

ހުޅުމާލޭގައި ދިރިއުޅޭ ރައްޔިތުންނަށް ލުއިފަސޭހަ ކޮށްދިނުމަށްޓަކައި އެޗްޑީސީން އަންނަނީ ގިނަ މަސައްކަތްތަކެއް ކުރަމުންނެވެ.