އިންޑިއާ ސިފައިން ދިވެހިރާއްޖެއިން އަނބުރާ ގެންދިޔުމަށް އިންޑިއާ އާއި ދިވެހިރާއްޖެއިން ވެފައިވާ އެއްބަސްވުމާއި އެއްގޮތަށް މާރިޗު 10ގެ ކުރިން އިންޑިއާ ސިފައިންގެ ފުރަތަމަ ގުރޫޕް ރާއްޖެއިން ފުރައިގެން ގޮސްފައިވާ ކަމުގައި ސަރުކާރުން ބުނެފިއެވެ.

ސަރުކާރުގެ އޮފިޝަލަކު ވިދާޅުވީ، ރާއްޖޭގައި ތިބި އިންޑިއާ ސިފައިން ބޭލުމަށް ދެ ޤައުމުގެ ދެމެދުގައި ވެވިފައިވާ އެއްބަސްވުމާއި އެއްގޮތަށް ޢަމަލު ކުރެވެމުން އަންނަ ކަމަށެވެ. އަދި ބާކީ ތިބި ސިފައިން މެއި މަހު ރާއްޖެއިން ގެންދާނެ ކަމުގައިވެސް އޭނާ ވިދާޅުވިއެވެ.

ސަރުކާރުން ބުނެފައި ވަނީ، ރާއްޖޭގެ ތިން އޭވިއޭޝަން ޕްލެޓްފޯމެއްގައި އިންޑިއާ ސިފައިން ޤާައިމްވެ ތިބި ކަމަށެވެ. އަދި އިންޑިއާ ސިފައިންގެ ބަދަލުގައި ރާއްޖޭގައި އިންޑިއާގެ ސިފައިންގެ ބަދަލުގައި ބޭތިއްބުމަށް އެއްބަސްވެފައިވާ އާއްމު މީހުން ރާއްޖެއައިސްފައިވާ ކަމުގައިވެސް މާރިޗު 6 ވަނަ ދުވަހު ބޭއްވި ނޫސްވެރިންގެ ބައްދަލުވުމުގައި ޑިފެންސް މިނިސްޓްރީން ވިދާޅުވިއެވެ.

އެދުވަހު ޑިފެންސް މިނިސްޓްރީން ވިދާޅުވީ، އައްޑޫގައި ތިބި ސިފައިންގެ ބަދަލުގައި އެޕްލެޓްފޯމަށް އައިސްފައި ވަނީ އިންޑިއާއިން ފޮނުވި އެޤައުމުގެ އާއްމު މީހުން ކަމަށާއި، އެއީ ޖުމުލަ 26 މީހުން ކަމަށެވެ. ރާއްޖޭގައި ތިބި އިންޑިއާ ސިފައިންގެ ބަދަލުގައި އިންޑިއާ ސިފައިންގެ ފަރާތުން ރާއްޖެއަށް ހަދިޔާކޮށްފައިވާ ދެ ހެލިކޮޕްޓަރާއި މަތިންދާ ބޯޓު ދުއްވުމަށް ދެން ތިބޭނީ އެޤައުމުގެ އާއްމުން ކަމުގައި ސަރުކާރުން ވަނީ ބުނެފައެވެ.