Advertisement
އައިޖީއެމްއެޗްގެ މިސްކިތް ހުޅުވުން --
އައިޖީއެމްއެޗް ހޮސްޕިޓަލް މިސްކިތް އަލުން ހުޅުވައިފި
އައިޖީއެމްއެޗްގައި ކުރިން މިސްކިތެއްގެ ގޮތުގައި ބޭނުން ކުރަމުން އައި މިސްކިތް މަރާމާތަށް ފަހު މިއަދު އަލުން ހުޅުވައިފިއެވެ.
މިސްކިތް ހުޅުއްވައި ދެއްވީ، މިނިސްޓަރ އޮފް އިސްލާމިކް އެފެއާޒް ޑރ. މުޙައްމަދު ޝަހީމް ޢަލީ ސަޢީދެވެ.
އައިޖީއެމްއެޗްގެ މިސްކިތް ބަންދުކުރީ މީގެ ހަތަރު ވަރަކަށް އަހަރު ކުރިންނެވެ. އެހެން ނަމަވެސް އައިޖީއެމްއެޗްގައި ނަމާދު ކުރެވޭނޭ ގޮތަށް ދަރުމަވަންތަ ހޮސްޕިޓަލްގައި ދެ ކޮޓަރިއެއް ޚާއްޞަކޮށްފައި މިދިޔަ ދުވަސްތަކުގައި ހުއްޓެވެ. އެހެންނަމަވެސް އައިޖީއެމްއެޗްގެ ގޯތިތެރޭގައި ވަކިން މިސްކިތެއްގެ ގޮތުގައި ބަންގި ގޮވައި ފަރުޟު ނަމާދުކުރަމުން އެ މިސްކިތް ބަންދުކުރުމާއި ގުޅިގެން ގިނަ ބަޔަކު ކަންބޮޑުވުންތައް ފާޅުކުރިއެވެ.
އައިޖީއެމްއެޗްގައި ކުރިން ބޭނުން ކުރަމުން އައި މިސްކިތް އަލުން ހުޅުވި އިރު އެތަނުގައި އެއްފަހަރާ 280 މީހުންނަށް ނަމާދު ކުރެވޭނެއެވެ.
